İlham Əliyevin sirri
04.03.2024 [11:15]
Alqiş Musayev
İlham Əliyev Tarix yaradır.
İlham Əliyev Tarix yazır.
Coğrafiyamızın, milli taleyimizin səmtini müəyyən edən strateji qərarlar qəbul edir.
2023-cü il ildönümləri və fövqəladə günlərlə zəngindir:
Dahi Öndərimizin 100 illiyi!
Şərqdə ilk Cümhuriyyətin - Azərbaycan Xalq Cümhuriyyətinin yaranmasından 105, Türkiyə Xalq Cümhuriyyətinin elan edilməsindən 100 il ötür.
Düz 30 ildir ki, Heydər Əliyevin siyasi kursu qurtuluşçuluq missiyası, müstəqil dövlətçilik platforması kimi uğurla irəliləyir.
2023 – “Heydər Əliyev İli” tariximizə unikal töhfələr verir.
Aprelin 23-ü Həkəri çayının üstündə Laçın sərhəd-buraxılış məntəqəsi quruldu.
Sentyabrın 20-si erməni silahlı birləşmələrinin Qarabağdakı tör-töküntüləri 23 saat ərzində ləğv edildi və konstitusiya quruluşumuzun bərpası yekunlaşdı.
Bu il həm də İlham Əliyevin Azərbaycan Prezidenti seçilməyinin 20 ili tamam olur.
“Heydər Əliyev İli”ndə İlham Əliyevdən söz açmağın xüsusi yeri var.
Həm də bu mövzuya bir əşədü ehtiyac duyulur.
Çünki İlham Əliyev Heydər Əliyevin bir ömür həsr etdiyi mübarizənin, milli mücadilənin davamıdır…
“Ilham Əliyevin istənilən vəziyyətdə, fərqli auditoriyalar qarşısında, müxtəlif tribunalarda həmişə korrekt, sərrast formada olmağının sirri nədir?”- İyulun 22- də Şuşada keçirilən 2-ci Qlobal Media Forumunda Prezidentin çıxışını müzakirə edərkən bir həmkarımız məndən soruşmuşdu.
Peşə fəaliyyətim və vətəndaş öhdəliyimdən irəli gələn bir diqqətlə onun fəaliyyətini izləyirəm.
Və hər müsahibədən sonra ağlımdan yalnız bir fikir keçir: Prezidentin ən mükəmməl müsahibəsidir.
Amma bu qənaətimin ömrü çox qısa olur - Prezidentin növbəti müsahibəsinə qədər.
Növbəti müsahibədən sonra eynisini düşünürəm:
Bu, Prezidentin ən mükəmməl söhbətidir.
Onun fəaliyyətində qeyri-adi ardıcıllıq, dərhal nəzərə çarpan bir artım var.
Bu dinamikanın əsasında nələr dayanır?
Dövlətin ali məqamından qaynaqlanan məsuliyyət, özünə qarşı həddindən artıq tələbkarlıq , özü üzərində işləmək vərdişi, təcrübə, intellekt, gendən, fitrətdən gələn keyfiyyətlər, yoxsa nə?
Məncə, İlham Əliyevin hətta ən ekstremal şəraitlərdə belə mükəmməl davranmağının sirri nədir sualına ən dəqiq cavabı Cənab Prezidentin özü verir. "İradə, cəsarət, öz gücünə əminlik!"
İlham Əliyev ölkənin Birincisidir.
Bütün hallarda dövlətin adından çıxış edir.
Prezident ölkənin ən informasiyalı şəxsidir.
Və təbii ki, çıxışlarında və bəyanatlarında səhih məlumatlara istinad edir.
Prezident xalqını təmsil etdiyi üçün hər addımında Azərbaycan xalqının hissiyyatını ifadə edir.
Amma Prezidentin hər cür ifadə tərzinin arxasında böyük bir zəkanın dayandığı bütün parametrləriylə özünü büruzə verir.
Hətta ən dramatik, ən həssas məsələləri elə təqdim edir, elə həll edir ki, kimsənin onu mübahisələndirmək şansı qalmır.
Ötən il Şuşada Şuşa bəyannaməsinin ildönümü keçirilirdi.
Türkiyədən gələn qonaqlar sırasında Efqan Ala da vardı.
Efqan bəy AK partinin sədr müavinidir.
Zamanında Türkiyənin daxili işlər naziri olaraq çalışıb.
Həmin gün – Qurtuluş Günündə təşkil edilmiş tədbirdə onun parlaq çıxışı mənim hafizəmə həmişəlik həkk olundu.
Efqan bəy nitqində dedi ki, Şuşada olarkən bilmirsən Şuşa şəhərmi, yoxsa şeirmi?
Şuşada olarkən sanki bir möhtəşəm şeirin misraları arasında gəzişirsən.
Türk qardaşımız haqlıdır.
Şuşa gərçəkdən bir poeziya örnəyidir.
Ancaq bədii istedadla yazılan poeziya mətni deyil.
Bu gün işğaldan azad edilmiş Şuşa İlham Əliyevin hərbi-siyasi qüdrəti ilə qələmə alınmış bir şeirdir.
Həm də təkcə Şuşa yox, bütün “külli Qarabağ” böyük istedadla yaranmış bir hərbi-siyasi kompozisiyadir. Bizim bədii istedadla ərsəyə gətirilmiş poeziya nümunələrimiz çoxdur, amma bizim tariximiz uzun əsrlərdir ki, siyasi-hərbi poeziya nümunəsinə - Qələbəyə, Zəfərə təşnə idi.
İlham Əliyev Azərbaycan tarixinə müstəsnaların, ilklərin müəllifi kimi daxil olur. Hər il, hər ay, hər gün yeni bir ilkə imza atır. 2023-cü il də bu baxımdan istisna olmadı.
23 aprel İlham Əliyevin imzasıyla tarixə böyük və qızıl hərflərlə yazıldı.
Prezidentin özünün dediyi kimi, 23 aprel bizim ərazi bütövlüyümüzün tam bərpası deməkdir.
Həm də necə?
Uzun illər boyu bizi bölüb parçalayıb kiçildiblər. Özü də bizdən soruşmadan, iradəmizi nəzərə almadan sərhədlərimizı çızıblar.
Arazda ikiyə ayırıblar, İrəvanda, Zəngəzurda param-parça ediblər. Həm də bizdən heç nəyi soruşmadan.
23 aprel 2023-cü ildə Həkəri çayının üstündə qoyulan Laçın sərhəd-buraxılış məntəqəsi bizim ilk özəl dövlət sərhədimizdir.
Son bir necə əsrdə ilk dəfədir ki, sərhədimizi özümüz müəyyən edirik.
Bu, dövlət olmağın qürurudur.
Lider olmağın təsdiqidir.
Laçın günlərimizin dönüşünü müjdə verən bir tarixdir.
23 saatlıq antiterror tədbirləri 200 illik separatizmin sonunu gətirdi. Hər şey 100 il əvvəl sentyabrın 18-də baş vermişdi. Onda Xankəndinin adini Stepanakertlə əvəzləmişdilər. Hər şey 2023-ci ilin 23 aprelində və sentyabrın 19-da bitdi. Biz Xankəndi adına de-yure ve de-facto sahibləndik.
Hazırda Azərbaycan dövlətçiliyi özünün laçın dövrünü yaşayır.
Zəfərimizi həzm edə bilməyənlər baxa-baxa qalıblar.
Laçın postundaki mənzərəni yalnız binoklla seyr edib məyus-məyus geri qayıtdıqları kimi.
Dünyanın sifəti çönüb.
Avropa heyrət və təəccüb içindədir. Bədxahlarımızın gözü bərəlib.
2002-ci ildə “Yeni Azərbaycan” qəzeti İlham Əliyevin ABŞ səfərinə həsr edilmiş xüsusi buraxılış çap etdi.
Dərgimiz Ulu Öndərin çox xoşuna gəlmişdi.
Onda məndən soruşdu ki, sən onun (İlham Əliyevin) Cons Hopkins Universitetindəki çıxışına və suallara verdiyi cavablara qulaq asdın?
- Əlbəttə ki, bəli, qulaq asdım,- dedim.
Ulu Öndərimiz bir qədər düşünüb əlavə etdi:
- Oğlum olduğu üçün demirəm, amma etiraf edim ki, mən Heydər Əliyev o suallara o cür mükəmməl və o cür dəqiq cavablar verə bilməzdim...
Bu, bir atanın öz övladına verdiyi dəyər deyildi, bir Ustad siyasətçinin, azman dövlət adamının İlham Əliyevin dəyanətinə verdiyi qiymət idi.
Doğrusu, mən o vaxt Ulu Öndərimizin elə deməyinə bir qədər təəccüblənmişdim.
İndi İlham Əliyev bütün dünyanı təəccübləndirir, heyrətləndirir...
Və Azərbaycanla hesablaşmağa məcbur edir!
Alqış Həsənoğlu
”Yeni Azərbaycan” qəzetinin baş redaktoru
Müəllifin digər məqalələri:
Xarici təzyiqlərə boyun əyməməyin qüruru və düsturu…
Vətəndaş öhdəliyindən irəli gələn...
26.09.2024 [16:17]
Xəbər lenti
Hamısına bax
Dünya
08 Dekabr 23:49
Xəbər lenti
08 Dekabr 22:58
Xəbər lenti
08 Dekabr 22:16
Elm
08 Dekabr 21:54
Dünya
08 Dekabr 21:13
Dünya
08 Dekabr 20:43
COP29
08 Dekabr 20:17
İdman
08 Dekabr 19:54
Dünya
08 Dekabr 19:21
Dünya
08 Dekabr 18:52
Elm
08 Dekabr 18:27
Xəbər lenti
08 Dekabr 17:54
COP29
08 Dekabr 17:23
Hərbi
08 Dekabr 16:59
Dünya
08 Dekabr 16:21
Dünya
08 Dekabr 15:49
Dünya
08 Dekabr 15:18
Siyasət
08 Dekabr 14:55
Sosial
08 Dekabr 14:23
Siyasət
08 Dekabr 13:47
Xəbər lenti
08 Dekabr 13:29
Dünya
08 Dekabr 13:16
Dünya
08 Dekabr 12:54
Xəbər lenti
08 Dekabr 12:47
Dünya
08 Dekabr 12:45
Dünya
08 Dekabr 12:44
Dünya
08 Dekabr 12:42
Dünya
08 Dekabr 12:22
Dünya
08 Dekabr 11:41
Dünya
08 Dekabr 11:19
Dünya
08 Dekabr 10:58
Hadisə
08 Dekabr 10:36
Dünya
08 Dekabr 09:25
Dünya
08 Dekabr 08:32
İdman
07 Dekabr 23:38
Dünya
07 Dekabr 23:14
Siyasət
07 Dekabr 22:45
İdman
07 Dekabr 22:19
COP29
07 Dekabr 21:46
Dünya
07 Dekabr 21:23
Dünya
07 Dekabr 20:59
Siyasət
07 Dekabr 20:38
Mədəniyyət
07 Dekabr 20:17
Siyasət
07 Dekabr 19:56
Hərbi
07 Dekabr 19:24
Dünya
07 Dekabr 19:13
İdman
07 Dekabr 18:52
Siyasət
07 Dekabr 18:35
İdman
07 Dekabr 18:13
Siyasət
07 Dekabr 17:57
Dünya
07 Dekabr 17:36
İdman
07 Dekabr 17:15
İqtisadiyyat
07 Dekabr 16:53
Sosial
07 Dekabr 16:31
Siyasət
07 Dekabr 16:19
Mədəniyyət
07 Dekabr 15:58
Xəbər lenti
07 Dekabr 15:56
Dünya
07 Dekabr 15:37
Siyasət
07 Dekabr 15:16
Siyasət
07 Dekabr 14:55
İqtisadiyyat
07 Dekabr 14:32
Siyasət
07 Dekabr 14:13
Sosial
07 Dekabr 13:54
İdman
07 Dekabr 13:39
İqtisadiyyat
07 Dekabr 13:18
Sosial
07 Dekabr 12:51
Siyasət
07 Dekabr 12:33
Sosial
07 Dekabr 12:14
Gündəm
07 Dekabr 11:59
Siyasət
07 Dekabr 11:35
