Ziyafət Əsgərov: Heç kim razı ola bilməz ki, kimsə onun ölkəsinə şərtlə gəlsin

Bakı:

24 °C

49 %

1 m/s

Əlaqə

AZ RU EN

Ana səhifə / Müsahibə / Ziyafət Əsgərov: Heç kim razı ola bilməz ki, kimsə onun ölkəsinə şərtlə gəlsin

Ziyafət Əsgərov: Heç kim razı ola bilməz ki, kimsə onun ölkəsinə şərtlə gəlsin

04.05.2012 [01:05]

Milli Məclis sədrinin birinci müavini Ziyafət Əsgərovun Gün.Az-a müsahibəsi:
- Ziyafət müəllim, Avropa Şurası Parlament Assambleyasının (AŞPA) Azərbaycan üzrə məruzəçisi Kristofer Ştrasserin “Eurovision”u boykot çağırışını necə dəyərləndirirsiniz? Nəzərə alaq ki, bu çağırışı Avropanın nüfuzlu dövlətinin və qurumlarından birinin təmsiçisi edib...
- Hər bir vətəndaş kimi mən də bu çağırışa mənfi yanaşıram. Başqa cür ola da bilməz. Avropa Şurası Parlament Assambleyası kimi bir qurumun təmsilçisinin belə bir çağırışla çıxış etməsi həm təəssüfləndirici, həm də heç bir ədalətə sığmayan bir haldır. Bu gün söhbət mahnı müsabiqəsindən gedirsə, onun ətrafında siyasi diskussiya açmağın özü doğru deyil.
- Bəlkə, bu, Ştrasserin Azərbaycana səfər cəhdləri ilə bağlıdır?
- Azərbaycan tərəfi dəfələrlə bəyan edib ki, onun ölkəyə gəlməsi ilə bağlı heç bir qadağa, heç bir problem yoxdur. O məruzəçidir və istənilən vaxt gələ bilər. Ancaq bildiyim qədər, onun bəzi şərtləri olub. Heç kəs razı olmaz ki, kimsə onun ölkəsinə şərtlə gəlsin. Bu həm də diplomatik qaydalara sığmır.
- Ştrasserin Almaniya kimi nüfuzlu dövlətin təmsilçisi olması onun bu çağırışına başqa dövlətlərin dəstəyinə gətirib çıxara bilərmi?
- Ştrasser nə Almaniya dövləti, nə də alman xalqının iradəsinin ifadəçisidir. Mən inanmıram ki, hansısa ölkələrin təmsilçiləri onun bu çağırışına əməl edəcəklər.
- Yeri gəlmişkən, Azərbaycan Avropa İttifaqının əsas dövlətlərindən birinin tənqidlərinə necə yanaşır?
- Bilirsiniz, Almaniyada sadəcə, bəzi qruplar Azərbaycana qarşı qərəzli yol tutublar. Mən bu proseslə bağlı bəzi məsələləri araşdırmışam. Almaniyada müəyyən qüvvələr Azərbaycana qarşı qərəzli yol tuturlar. Onların öz maraqları var.
- Almaniya, konkret qeyd etdiyiniz həmin dairələr Azərbaycandan nə istəyirlər?
- Açıq deyirəm ki, Azərbaycanın inkişafı bəzi qrupları qane etmir. Azərbaycan BMT kimi bir qurumun Təhlükəsizlik Şurasının üzvü seçilib. Azərbaycanda böyük mədəniyyət hadisəsi - “Eurovision- 2012” olacaq. Sentyabr ayında qızlar arasında futbol üzrə dünya çempionatı olacaq. Son iki ildə ölkəmizdə dünya səviyyəli tədbirlərin keçirilməsi Avropada bəzi dairələri narahat edir. Tarix nöqteyi-nəzərindən yanaşanda görürlər ki, Azərbaycan qısa zamanda böyük uğurlara imza atıb. Ona görə də Azərbaycana təzyiq etmək üçün bəhanələr tapırlar.

Paylaş:

Baxılıb: 1098 dəfə