Heydər Əliyev
yeni azerbaycan logo

Ana səhifə / Siyasət / Ermənistan hakiyyətindən geri addım?

Ermənistan hakiyyətindən geri addım?

14.06.2024 [11:05]

Mirzoyan Paşinyanın KTMT-dən çıxmaq barədə fikrini “düzəltmək” istədi...

Ermənistan regionda Rusiyanın maraqlarına zidd olan addımlar atmaqda davam edir. İrəvanın Kollektiv Təhlükəsizlik Müqaviləsi Təşkilatına (KTMT) qarşı münasibəti Moskva tərəfindən qəbulolunmaz hesab edilir. Çünki bu təşkilat məhz Rusiyanın himayəsi ilə yaradılıb. Məlumdur ki, bir müddətdir Ermənistan KTMT-nin tədbirlərinə qatılmır.

İyunun 12-də isə parlamentin iclasında Ermənistanın baş naziri Nikol Paşinyan bildirib ki, Kollektiv Təhlükəsizlik Müqaviləsi Təşkilatından çıxmaq Ermənistan hakimiyyətinin növbəti addımı olacaq:  “Növbəti məntiqi addım KTMT-dən çıxmaq olacaq. Bununla bağlı bir ay, bir il və ya üç ildən sonra özümüz qərar verəcəyik”.

Paşinyanın bu açıqlaması Ermənistanda gündəm olub. Yerli media bu açıqlamanı “Ermənistan KTMT-dən çıxır” adı ilə tirajlayıb. Təbii ki, Rusiya İrəvanın bu mövqeyinə səssiz qala bilməz. Bunu gözə alan rəsmi İrəvan mövqeyində müəyyən korrektə edib. Belə ki, xarici işlər naziri Ararat Mirzoyan deyib ki, baş nazir Nikol Paşinyan Ermənistanın Kollektiv Təhlükəsizlik Müqaviləsi Təşkilatından çıxacağını bəyan etməyib. “N.Paşinyan deyib ki, təşkilatdan nə vaxt çıxacağına Ermənistan hakimiyyəti qərar verəcək. İclas qeydə alınır, kimin nə dediyini yoxlamaq olar. Ermənistanın baş naziri demədi ki, biz KTMT-dən çıxırıq, o bildirdi ki, nə vaxt çıxacağımıza qərar verəcəyik, amma geri dönməyəcəyik”, - deyə Mirzoyan vurğulayıb.

Qeyd etdiyimiz kimi, təxminən iki ilə yaxındır ki, Ermənistan Kollektiv Təhlükəsizlik Müqaviləsi Təşkilatında iştirakını dayandırıb. Hələ bu ilin əvvəlində Paşinyan “France 24” telekanalına müsahibəsində belə demişdi: “Kollektiv təhlükəsizlik sazişi, fikrimizcə, Ermənistana münasibətdə, xüsusən 2021-2022-ci illərdə yerinə yetirilmədi. Bu, bizim diqqətimizdən kənarda qala bilməz. Biz bu sazişdə iştirakımızı dayandırdıq. Görək bundan sonra nə olacaq”. KTMT-nin işində iştirak etməyən rəsmi İrəvan bir müddət öncə təşkilata üzvlük haqqını ödəməyi də dayandırıb.  Rəsmi Moskva isə hesab edir ki, KTMT Nizamnaməsinə uyğun olaraq, İrəvan maliyyə öhdəliklərini yerinə yetirməlidir. Rusiya XİN bəyan edib ki,

Ermənistan rəhbərliyi üzvlük haqqın ödəməkdən imtina etdiyi üçün KTMT-nin cari büdcəsinə düzəliş edilməlidir. Lakin hər hansı üzv ölkə iki il müddətində üzvlük haqqı ödəməzsə, onun təşkilatda qalıb-qalmamasına baxıla bilər.

Nardar Bayramlı

Paylaş:
Baxılıb: 234 dəfə

Xəbər lenti

Hamısına bax

Xəbər lenti

Dünya

Xəbər lenti

Ədəbiyyat

Siyasət

Makronun yalanı...

20 İyul 10:50

Xarici siyasət

İqtisadiyyat

Arxiv
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31