YAP-ın Sədr müavini Əli Əhmədov Xaçmaz rayonunda partiyanın fəalları ilə görüşüb

Bakı:

25 °C

69 %

10 m/s

Əlaqə

AZ RU EN

Ana səhifə / Siyasət / YAP-ın Sədr müavini Əli Əhmədov Xaçmaz rayonunda partiyanın fəalları ilə görüşüb

YAP-ın Sədr müavini Əli Əhmədov Xaçmaz rayonunda partiyanın fəalları ilə görüşüb

15.03.2013 [10:37]

Yeni Azərbaycan Partiyası (YAP) Sədrinin müavini - İcra katibi, millət vəkili Əli Əhmədov Xaçmaz rayonunda partiyanın fəalları ilə görüşüb. Görüşdə çıxış edən YAP Xaçmaz rayon təşkilatının sədri Nazim Ağayev qeyd edib ki, rayonda partiyanın 8000-dən çox üzvü var. Onların da 3000-dən çoxunu gənclər təşkil edir.
Natiq vurğulayıb ki, Azərbaycan dövlətinin ən ağır və mürəkkəb zamanında dövlətçiliyimizi xilas etmək və dövlət müstəqilliyini qorumaq çağırışı ilə yaradılan Yeni Azərbaycan Partiyası ötən 20 ildən artıq dövr ərzində öz fəaliyyəti ilə xalqın etimadını doğruldub və dövlətimizin ictimai-siyasi həyatında ən mühüm faktorlardan birinə çevrilib. O, həmçinin, rayonda aparılan quruculuq və abadlıq işləri haqqında da geniş məlumat verərək deyib ki, ölkə Prezidenti, Yeni Azərbaycan Partiyasının Sədri cənab İlham Əliyevin rəhbərliyi ilə aparılan uğurlu iqtisadi-sosial siyasət nəticəsində Azərbaycanın hər bir regionunda olduğu kimi, Xaçmaz rayonunun həyatında da əsaslı dəyişikliklər, köklü inkişaf müşahidə olunmaqdadır. Ona görə də, xaçmazlılar göstərilən diqqət və qayğıya görə, möhtərəm Prezidentimizə minnətdarlıqlarını ifadə edirlər.
Görüşdə çıxış edən Yeni Azərbaycan Partiyası Sədrinin müavini - İcra katibi, millət vəkili Əli Əhmədov ilk olaraq YAP Xaçmaz rayon təşkilatının fəaliyyətini müsbət qiymətləndirdiyini nəzərə çatdırıb. Əli Əhmədovun sözlərinə görə, YAP Xaçmaz rayon təşkilatı partiyanın strukturunda səmərəli fəaliyyət göstərərək ümumi işə öz töhfələrini verməkdədir.
Yeni Azərbaycan Partiyasının nailiyyətlərindən bəhs edən Əli Əhmədov qeyd edib ki, Azərbaycanın inkişafı, müasirləşməsi bu və ya digər dərəcədə YAP-ın və onun sıralarında cəmləşən 600 minə yaxın fəal Azərbaycan vətəndaşının əməyinin, fədakarlıqlarının bilavasitə nəticəsidir. Eyni zamanda, birmənalı şəkildə qeyd etmək lazımdır ki, Yeni Azərbaycan Partiyası 20 illik fəaliyyətində YAP-ın yaradıcısı, Azərbaycan xalqının Ümummilli lideri Heydər Əliyevin müəyyənləşdirdiyi siyasəti əldə rəhbər tutaraq fəaliyyət göstərib və bu fəaliyyət nəticəsində də əzəmətli, möhtəşəm uğurlar qazanıb. 2013-cü ilin oktyabrında ölkəmizdə prezident seçkilərinin keçiriləcəyini xatırladan Yeni Azərbaycan Partiyasının Sədr müavini Əli Əhmədov qeyd edib ki, ötən 10 ildə Azərbaycanın əldə etdiyi böyük nailiyyətlər Prezident İlham Əliyevin rəhbərliyi ilə həyata keçirilən siyasət nəticəsində mümkün olub. Bütün bunlar isə Prezident İlham Əliyevin namizədliyinin irəli sürülməsinin xalqımızın mütləq əksəriyyəti tərəfindən dəstəklənməsi deməkdir.
Əli Əhmədov görüşün sonunda gəncləri maraqlandıran müxtəlif sualları cavablandırıb.
YAP Siyasi Şurasının üzvü, millət vəkili Eldar İbrahimov görüşdə iştirak edib.

Paylaş:

Baxılıb: 1233 dəfə