Prezident İlham Əliyevin nəqliyyat məsələlərinə həsr olunmuş müşavirədə səsləndirdiyi rəqəmlər Azərbaycanın iqtisadi qüdrətini nümayişidir

Bakı:

17 °C

72 %

2 m/s

AZ RU EN

Ana səhifə / Siyasət / Prezident İlham Əliyevin nəqliyyat məsələlərinə həsr olunmuş müşavirədə səsləndirdiyi rəqəmlər Azərbaycanın iqtisadi qüdrətini nümayişidir

Prezident İlham Əliyevin nəqliyyat məsələlərinə həsr olunmuş müşavirədə səsləndirdiyi rəqəmlər Azərbaycanın iqtisadi qüdrətini nümayişidir

03.02.2025 [11:57]

“Prezident İlham Əliyevin nəqliyyat məsələlərinə həsr olunmuş müşavirədə səsləndirdiyi məqamlar Azərbaycanda son illərdə sözügedən sahədə görülən işlərin hesabatı oldu. Müşavirədə qeyd olunan rəqəmlər, eyni zamanda, Azərbaycanın iqtisadi qüdrətinin nümayişidir. Belə ki, son 15 ildə təkcə Bakı şəhərində icra edilən nəqliyyat-infrastruktur layihələrinin – yeni metro stansiyalarının istifadəyə verilməsinin, körpülərin, tunellərin tikintisinin, yeni yolların salınmasının maliyyə tutumuna baxdıqda bu bir daha aydın olur”.

Milli Məclisin deputatı Ağalar Vəliyev bu fikirləri mediaya açıqlamasında söyləyib.

Son illərdə görülən işlər sayəsində Azərbaycanda şəhər və rayonlararası nəqliyyat əlaqələrinin yaxşılaşdığını, müasir avtomagistralların inşa olunduğunu qeyd edən deputat deyib ki, bütün bu amillər ölkəmizin sürətli inkişafının göstəricisidir. Çünki beynəlxalq miqyasda yol infrastrukturu hər hansı bir ölkənin inkişafını göstərən əsas amillərdən biri hesab olunur.

Bu gün ölkəmizin regional nəqliyyat qovşağı rolunu oynadığına diqqət çəkən millət vəkili bunun aparılan uzaqgörən siyasətin, göstərilən səylərin və görülən praktiki işlərin nəticəsində mümkün olduğunu qeyd edərək bildirib ki, dövlət başçısının vurğuladığı kimi, bu gün Avrasiyanın nəqliyyat xəritəsini Azərbaycansız, onun nəqliyyat infrastrukturu olmadan təsəvvür etmək mümkün deyil.

Okeana çıxışı olmayan Azərbaycanın əvəzolunmaz nəqliyyat mərkəzlərinin birinə çevrilməsi, ərazimizdən keçən Şərq-Qərb və Şimal-Cənub nəqliyyat dəhlizləri ilə daşınan yüklərin həcminin ildən-ilə artması, həmçinin Azərbaycanın qonşu və region ölkələri ilə səmərəli əməkdaşlıq əlaqələrinin qurulmasının, öz ərazisində müasir infrastrukturun yaradılmasının, eyni zamanda, dövlətimizin etibarlı tərəfdaş kimi özünü sübut etməsinin nəticəsidir.

Hazırda Azərbaycan təhlükəsizlik, sabitlik adasıdır. Bu da ölkəmizdən keçən dəhlizlər vasitəsilə yükdaşımaların təhlükəsizliyini təmin edən amil olduğu üçün beynəlxalq tərəfdaşların öz mallarını Azərbaycan vasitəsilə göndərmələrinə marağı daha da artırır.

Cənab Prezidentin müşavirədə Zəngəzur dəhlizi layihəsinə toxunmasını qeyd edən parlamentari bu dəhlizin yaradılmasının Azərbaycan tərəfindən irəli sürüldüyünü, artıq onun beynəlxalq aləmdə qəbul edilmiş termin olduğunu vurğulayıb və dəhlizin Şərqlə Qərb arasında yeni nəqliyyat bağlantısı olacağını, Türk dövlətləri arasında coğrafi əlaqələri təmin edəcəyini nəzərə çatdırıb.

Həmçinin bildirib ki, Bakı-Tbilisi-Qars dəmir yolunun fəaliyyəti hazırda çox mühüm stratejı əhəmiyyət daşıyır və dünya ölkələri bu layihəni yüksək dəyərləndirir.

Dövlət başçısının müşavirədə vurğuladığı kimi: “Bu, strateji layihədir və gələcəkdə bu layihədən digər ölkələr, o cümlədən onların müttəfiqləri də faydalanacaq. Həyat göstərdi ki, hər zaman olduğu kimi, haqlı idik. Bu gün Amerikanın Avropadakı müttəfiqləri Bakı-Tbilisi-Qars dəmir yoluna çox böyük maraq göstərirlər. Ümumiyyətlə, Azərbaycan ərazisindən keçən yüklərin Mərkəzi Asiyadan Avropaya və əks istiqamətə daşınmasına da böyük maraq göstərirlər. Əgər Bakı-Tbilisi-Qars dəmir yolu tikilməsəydi, bütün bunlar tamamilə mümkünsüz ola bilərdi”.

Milli Məclisin üzvü əlavə edib ki, hazırda ölkəmizdə mövcud olan beynəlxalq hava limanları Azərbaycanın daha bir üstünlüyüdür. Belə ki, bu gün ölkəmiz, eyni zamanda, hava nəqliyyatı sahəsində də böyük uğurlar əldə edib. Ötən il Heydər Əliyev Beynəlxalq Aeroportunun rekord sayda - yeddi milyondan çox sərnişin daşıması bunun bariz nümunəsidir və aeroportda növbəti terminalın tikintisi bu rəqəmin daha da yüksəlməsinə gətirib çıxaracaq.

“Bütün bunlarla yanaşı, Bakı və ətraf ərazilərdə nəqliyyat infrastrukturu ilə bağlı Dövlət Proqramının qəbul olunması vətəndaşların rifahının və rahatlığının Prezident İlham Əliyevin və dövlətimizin daim diqqət mərkəzində saxlanıldığını nümayiş etdirir. Çünki yeni metro stansiyalarının, avtomobil yollarının və sairənin tikintisi sərnişinlərin mənzilbaşına daha rahat və daha tez çatmasına hesablanıb ki, bu da vətəndaş məmnunluğunu artıracaq”, - deyən Ağalar Vəliyev əminliklə bildirib ki, bütün bunlar Azərbaycanda əhalinin firavanlığını təmin etməklə bərabər, ölkəmizin beynəlxalq nüfuzunu daha da yüksəldəcək.

Paylaş:

Baxılıb: 649 dəfə