“Sivil dialoq” beynəlxalq müşahidə missiyası seçkilərlə bağlı bəyanat yayıb

Bakı:

27 °C

54 %

10 m/s

Əlaqə

AZ RU EN

Ana səhifə / Siyasət / “Sivil dialoq” beynəlxalq müşahidə missiyası seçkilərlə bağlı bəyanat yayıb

“Sivil dialoq” beynəlxalq müşahidə missiyası seçkilərlə bağlı bəyanat yayıb

12.04.2018 [09:37]

“Sivil dialoq” beynəlxalq müşahidə missiyasının birinci qrupu Azərbaycanda prezident seçkiləri ilə bağlı bəyanat yayıb.
AZƏRTAC xəbər verir ki, İtaliya parlamentinin sabiq üzvü, İtaliya xarici əlaqələr komitəsinin hazırkı üzvü Antonio Radze bildirib ki, bu gün müxtəlif seçki məntəqələrində müşahidə aparılıb və heç bir qanun pozuntusu qeydə alınmayıb.
“Seçki prosesi demokratik və şəffaf olub. Barmaq izinin skan olunması çox innovativ bir sistemdir, bununla heç vaxt rastlaşmamışdım. Bu gün xalqın İlham Əliyevin yüksək səs toplaması ilə əlaqədar bayram etdiyini gördüm. Azərbaycanın gələcəkdə daha da inkişaf etməsini arzu edirəm”.
İtaliya parlamentinin üzvü Cakomo Bedze isə bildirib ki, çox yüksək seçici fəallığı müşahidə edib. O, seçki prosesinin mükəmməl təşkil olunduğunu vurğulayıb.
Finlandiya Senatının fəxri üzvü, belçikalı Frank Kriyerman seçkilərin Avropa standartlarına uyğun keçirildiyini bildirib. O deyib: “Bakı İslam və Qərb mədəniyyətinin birləşdiyi məkandır. Məhz “Bakı Prosesi” İslam və Qərb dünyasının bir-birini daha yaxşı anlaması baxımından böyük rola malikdir. İlham Əliyevin bunda rolu çox böyükdür. Güman ki, İlham Əliyev qalib gələcək. Çünki ölkəni dünya standartlarına uyğun formada idarə edir. Azərbaycan xalqına uğurlar arzu edirəm”.
Argentina parlamentinin üzvü, Cənubi Amerika Parlamentlərarası Birliyinin vitse-prezidenti Daniel Ramundo Azərbaycanın açıq ölkə olduğunu deyib. Demokratiya bu ölkədə artıq tam bərqərar olub. Demokratik mühitdə keçirilən hər seçki Azərbaycanın Avropa ailəsinin üzvü olmasına doğru atılan bir addımdır.
“Sivil dialoq” beynəlxalq müşahidə missiyasının ikinci qrupu da seçkilərlə bağlı bəyanat yayıb.
Bolqarıstan parlamentinin üzvü, Sosialist Partiyasının təmsilçisi Penço Milkov bildirib ki, Azərbaycanda prezident seçkilərini böyük məmnuniyyətlə izləyib. Seçki prosesi qanunauyğun şəkildə keçdi, bütün qaydalara riayət olundu.
Polşa parlamentinin üzvü Yerji Pişisla deyib ki, Azərbaycandakı seçkiləri Avropa ölkələrindəki seçkilərlə müqayisə etsək, burada bütün prosesin daha sakit formada keçdiyini deyə bilərik.
Almaniya Bundestaqının üzvü Stefan Kuiter Azərbaycanda seçkilərin azad şəkildə, demokratik prinsiplərə uyğun keçirildiyini bildirib.
Yunanıstan parlamentinin üzvü İoannis Kefalogiannis də seçkilərin şəffaf və beynəlxalq normalara uyğun keçirildiyini vurğulayıb.

Paylaş:

Baxılıb: 549 dəfə