Heydər Əliyev
yeni azerbaycan logo

Ana səhifə / Siyasət / Havada pul qoxusu var

Havada pul qoxusu var

16.12.2021 [10:13]

Nurlan

Siyasi mənbələrdə demokratiyanın bir çox tərifi var. Amma onların sırasında “demokratiya qrant almaq üçün asayişi pozmaq cəhdidir”, “qanunsuz aksiya təşkil edərək küçədə “azadlıq” deyə qışqırmaq demokratiyadır”, “sosial şəbəkələrdə zərərli çağırışlar edərək insanları kütləvi itaətsizliyə çağırmaq demokratiya adlanır”, “demokratiya okeanın o tayında(n) oxunan siyasi nağıldır”  kimi təriflər yoxdur.

Demokratiya, sadəcə olaraq, xalqın iradəsinin ifadəsi nəticəsində legitim hakimiyyətin formalaşmasıdır. Hər nə qədər Birləşmiş Ştatlar “demokratiya”nı inhisara alaraq sammit şousu təşkil etsə də, hər bir ölkənin demokratiya yolu onun öz siyasi-hüquqi seçimi əsasında formalaşır. Yeri gəlmişkən, bu ölkənin prezidenti bir müddət öncə “demokratiya ixracı” məqsədilə yarım milyon ABŞ dollarına yaxın məbləğdə vəsait ayrılacağını bəyan etmişdi. Bu, o deməkdir ki, okeanın o tayındakı məlum sammitdən sonra yeni “demokratiya yürüşü”nə start verilməsi gündəmdədir. Sammitdə iştirak etməyən (müstəqil siyasət yürütdüyünə və təsir altına düşmədiyinə görə - N.Q.) dövlətlərin bu yürüşün hədəfinə çevriləcəyi isə şübhəsizdir. Məqsəd “demos kratos” oyunu vasitəsilə ayrı-ayrı ölkələrdə ictimai-siyasi çaxnaşma yaratmaq, qrantyeyənləri yeni xaos ssenarilərində “narazı - etirazçı” obrazında siyasi aktyorluğa təşviq etməkdir.

Azərbaycanda da son günlər qanunsuz aksiya təşkil edənlərin hərəkətlərində də sifariş və qrant cizgisi sezilir. Dekabrın 15-də saat 12 radələrində bir qrup şəxsin Səbail rayonu ərazisindəki Fəvvarələr meydanında ölkədə tətbiq edilən xüsusi karantin rejimi qaydalarına zidd olaraq, eləcə də icra hakimiyyəti orqanları ilə razılaşdırılmamış aksiya keçirməyə cəhd göstərmələri də bu baxımdan istisna deyil. Daxili İşlər Nazirliyinin (DİN) Mətbuat Xidmətindən verilən məlumata görə, cəhdin qarşısı alınaraq həmin şəxslər ərazidən uzaqlaşdırılıblar: “Xidməti vəzifələrini yerinə yetirən asayiş keşikçilərinin qanuni tələblərinə riayət etməyən bir neçə nəfər saxlanılıb və xəbərdarlıq edildikdən sonra onlar sərbəst buraxılıblar”.

Okeanın o tayından gələn “demokratik hava kütləsi” qrantyeyənlərin icazəsiz aksiya şoularının məqsədini aşkar etməyə imkan verir. Çünki havada pul qoxusu var. Tofiq Yaqublu və digər bu kimi “siyasi fəal” görüntüsü altında “demokratiya naminə küçə yürüşü”nə - pul marafonuna çıxanlar isə qrant iyindən bihuş olanlardır, desək, qətiyyən yanılmarıq...

 

Paylaş
Baxılıb: 194 dəfə

Xəbər lenti

Hamısına bax

Gündəm

Xəbər lenti

YAP xəbərləri

Xəbər lenti

Sabah qar yağacaq

26 Yanvar 13:40

Sosial

İqtisadiyyat

Neft ucuzlaşıb

26 Yanvar 10:24

Müsahibə

MEDİA

Gündəm

Sosial

Müsahibə

İqtisadiyyat

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31