Heydər Əliyev
yeni azerbaycan logo

Ana səhifə / Siyasət / 9,6 milyon avroluq yeni Fəaliyyət Planı

9,6 milyon avroluq yeni Fəaliyyət Planı

06.04.2022 [09:52]

Azərbaycan ilə AŞ arasında əməkdaşlığın gücləndirilməsinə yönəlib

Nurlan QƏLƏNDƏRLİ

Aprelin 4-də Prezident İlham Əliyevin Avropa Şurasının (AŞ) Baş katibinin rəhbərlik etdiyi nümayəndə heyətini qəbulu zamanı bir sıra məsələlər diqqət mərkəzində oldu - müzakirə edildi. Bunlardan biri də ölkəmizlə AŞ arasında 2022-2025-ci illəri əhatə edən Fəaliyyət Proqramının qəbul edilməsi oldu. Bu, tərəflərin əməkdaşlığı genişləndirmək niyyətini və münasibətlərin inkişafında maraqlı olduqlarını göstərir.

Azərbaycan bu zamana qədər öz hüquqi öhdəliklərini yerinə yetirən etibarlı və perspektivli tərəfdaş, məsuliyyətli dövlət kimi tanınır. Eyni zamanda, indiyə qədər tərəflər arasında 2 Fəaliyyət Planı uğurla icra olunub, bu isə əlaqələrin inkişafına mühüm töhfə verib - geniş imkanlar yaradıb. Sonuncu belə Fəaliyyət Planı 2018-2021-ci illəri əhatə edib. Həmin Fəaliyyət Planının icrası hər iki tərəfdən müsbət qiymətləndirilib, o səbəbdən bu çərçivədə əməkdaşlığın davam etdirilməsi və növbəti fəaliyyət planının razılaşdırılması istiqamətində işlərin aparılması qərara alınıb.

Azərbaycan üçün 2022-2025-ci illər üzrə Fəaliyyət Planı isə cari il fevralın 16-da Avropa Şurası Nazirlər Komitəsi tərəfindən qəbul edilib. Belə proqramlar, əsas etibarilə, yerli institutların və qanunvericiliyin Avropa Şurasının standartlarına uyğunlaşdırılması məramına - məqsədinə hədəflənir, qanunun aliliyinin və demokratik inkişafın təmin olunması əsas istiqamətlər olaraq müəyyən edilir. Başqa sözlə, sənəd Avropa Şurasına üzv ölkə kimi Azərbaycanın öz öhdəliklərini yerinə yetirməsi, milli qanunvericiliyin Avropa və beynəlxalq standartlara uyğunlaşdırılması səylərinin dəstəklənməsinə yönəlib. Fəaliyyət Planında Avropa Şurasının nizamnamə və nəzarət orqanlarının əvvəllər qəbul etdikləri qərar və tövsiyələr, habelə milli islahatlar proqramı nəzərə alınıb. Azərbaycan üçün Fəaliyyət Planının ümumi büdcəsi 9,6 milyon avrodur.

Avropa Şurasının Baş katibi Mariya Peyçinoviç-Buriç yeni Fəaliyyət Planının təqdimatı zamanı sənədin süni intellekt, narkotik maddələrin qanunsuz dövriyyəsinə qarşı mübarizə, insan alverinə qarşı mübarizə kimi yeni əməkdaşlıq sahələrini əhatə etdiyini söyləyib. Görünən odur ki, 9,6 milyon avroluq yeni Fəaliyyət Planı Azərbaycan ilə AŞ arasında əməkdaşlığın gücləndirilməsinə yönəlib.

Paylaş:
Baxılıb: 698 dəfə

Xəbər lenti

Hamısına bax

İqtisadiyyat

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28