Azərbaycan ABŞ üçün daha cəlbedicidir

Bakı:

22 °C

88 %

7 m/s

Əlaqə

AZ RU EN

Ana səhifə / Siyasət / Azərbaycan ABŞ üçün daha cəlbedicidir

Azərbaycan ABŞ üçün daha cəlbedicidir

06.04.2022 [17:05]

Ermənistana ciddi mesaj
Dünyada gedən yeni siyasi-iqtisadi qarşıdurma müstəvisində Azərbaycanın yeri və rolu, eləcə də Ermənistanın tutduğu mövqe ilə bağlı suallarımızı cavablandıran siyasi analitik Gülsel Səfərova bildirdi ki, Ukrayna-Rusiya münaqişəyə dolayı yolla cəlb olunan tərəflərin siyasi strategiyalarında düzəlişlər etmələri dünyada artıq yeni bir dövrün başlanmasına dəlalət edir: “ABŞ, Avropa ölkələri və Çin artıq qarşılıqlı münasibətlərdə müəyyən dəyişikliklərə başlayıblar. Qeyd edim ki, Azərbaycanın Ukrayna-Rusiya müharibəsində tutduğu mövqe ölkəmizin milli maraqlarına cavab verir. Yerləşdiyimiz geosiyasi şərait bəzi qaydaları bizə diktə edir, lakin həm də milli mənafemizə cavab verəcək siyasət yürütməyə də rəvac verir. Buna bariz numünə bizim üçün əhəmiyyət kəsb edən bir hadisə oldu”.
ABŞ-ın 2023-cü il üçün Ermənistana ötən illərlə müqayisədə 21 milyon dollar həcmində məbləği kəsərək daha az büdcə ayırdığını xatırladan siyasi analitik bunun Ermənistana ciddi mesaj olduğunu vurğuladı: “Bu həm də o deməkdir ki, ABŞ qondarma rejimə olan dəstəyini dayandırıb. Çünki müharibə Azərbaycanın zəfər çalması ilə sona yetib. ABŞ-da erməni lobbisi güclü olsa da, Dövlət departamenti Cənubi Qafqazdakı geosiyasi vəziyyəti real şəkildə təhlil edir. Büdcənin azaldılması Ermənistana ciddi mesajdır. Azərbaycan 30 ilə yaxın müddətdə ABŞ-la müxtəlif sahələrdə etibarlı tərəfdaş rolunu oynayıb və hər zaman prinsiplərə sadiq qalıb. Biz bütün tərəfdaşlar ilə açıq, qarşılıqlı və konstruktiv əməkdaşlıq edirik. Ermənistana gəlincə isə vəziyyət dəyişdi. Köçəryan-Sarkisyan dönəmində Rusiya meyilli siyasət aparılsa da, ABŞ-a görə Paşinyanın daha çox qərbyönümlü siyasət aparılacağı planlaşdırılırdı. Lakin burada da Ermənistan etibarlı tərəfdaş olmadığının şahidi olduq. Ukrayna-Rusiya müharibəsində Ermənistanın nümayiş etdirdiyi mövqe Bayden Administrasiyasını qıcıqlandırmaya bilməzdi. Eyni zamanda ABŞ başa düşür ki, regionda Ermənistan söz sahibi deyil, olmayacaq da. Ermənistana yüksək məbləğdə maliyyə dəstəyi göstərmək ABŞ-a elə də fayda verməyəcək”.
G.Səfərova Azərbaycanın ABŞ üçün daha cəlbedici olğunu bildirdi və qeyd etdi ki, Azərbaycanın regionda mövqeyini daha da möhkəmləndirməsi, dünyada qalib imici obrazını bərpa etməsi ABŞ üçün vacib amildir və onun Qafqazdakı siyasətinə birbaşa təsir edir: “Ermənistan isə guya qərbyönünlü siyasət yürütdüyü halda indiki vəziyyətdə ABŞ-a görə qənaətbəxş münasibət sərgiləmir. Gözlənildiyi sanksiyalara qoşulmur, Ukraynaya yardım göstərməkdən çəkinir. Bunu ANCA və digər erməni lobbi təşkilatları görməzdən gəlsə də, Dövlət Departamenti gələ bilməz. Təbii ki, Azərbaycana ayrılan yardımının çoxalmasında başqa amillər də var. Prezident İlham Əliyevin rəhbərliyi ilə diplomatiya sahəsində uğurlu əməkdaşlığı xüsusi vurğulamaq lazımdır. ABŞ-da erməni lobbisi fəallığı olsa da, Azərbaycanın orada əlaqələri genişlənib və kifayət qədər reallığı dərk edən Amerikalı tərəfdaşların sayı artıb”

Paylaş:

Baxılıb: 829 dəfə

Xəbər lenti

Hamısına bax