Heydər Əliyev yeni azerbaycan logo

Ana səhifə / Siyasət / Prezidentdən müjdə...

Prezidentdən müjdə...

14.04.2022 [10:07]

Böyük Qayıdışa start verildi

Bu il Ağalı kəndinin sakinləri öz dədə-baba yurdlarına qayıdacaqlar...

Nicat DİLQƏMLİ

44 günlük Vətən müharibəsindən dərhal sonra işğaldan azad edilmiş ərazilərdə yüksək səviyyəli abadlıq-quruculuq işlərinə, Böyük Qayıdışın reallaşdırılmasına hesablanmış tədbirlərə başlanılıb. Görülən işlər, qısa zaman kəsiyində əldə olunan nailiyyətlər dünya dövlətlərinin də diqqətini özünə cəlb etdi. Beləliklə, bu gün böyük nüfuza sahib olan beynəlxalq şirkətlər dövlət tərəfindən həyata keçirilməkdə olan bu işlərə qatılmaq, investisiya yatırımı etmək üçün sanki bir növ rəqabətə giriblər. Bu, Azərbaycanın sabit, dayanıqlı, gələcək potensialı çox yüksək olan ölkə olduğunu bir daha sübut edir.

Quruculuq işlərində diqqət yetirməli məsələlərdən biri də həmin ərazilərdə minatəmizləmə işlərinin sürətləndirilməsi, təhlükəsizliyin tam şəkildə bərpa edilməsidir. Minatəmizləmə işinin azad edilmiş ərazilərimizdə uzun sürən bir proses olduğunu Prezident İlham Əliyev srağagün keçirilən müşavirədə bildirib və vurğulayıb ki, bu məsələ həll olunmadan vətəndaşlarımız o ərazilərdə yerləşə bilməzlər. Elə bu səbəbdən də minalardan təmizlənmə prosesini sürətləndirmək üçün bu il dövlət büdcəsində 100 milyon manata yaxın vəsait nəzərdə tutulub. Hazırda yeni texnikanın alınması təmin edilir, o cümlədən ən müasir texnika, dronlar və digər müasir cihazlar alınır. Minatəmizləmə, abadlıq-quruculuq işlərinin hansı ağır şəraitdə həyata keçirildiyini anlamaq üçün yalnız Qafqazın Herosimasını - Ağdamı nümunə gətirmək kifayət edir.

Dövlətimizin başçısı da hər zaman çıxışlarında Böyük Qayıdışın prioritet istiqamət olduğunu vurğulayır. 44 günlük müharibə dövründə işğaldan azad edilmiş ərazilər haqqında xalqına mütəmadi olaraq məlumatlar verən Ali Baş Komandanın deyəcəyi hər bir cümlə bu gün də vətəndaşlarımız tərəfindən diqqətlə, böyük maraqla gözlənilir. Ölkə başçısı isə ənənəni davam etdirir - xalqına müjdəli xəbərlər verir. Prezident İlham Əliyevin sədrliyi ilə keçirilən bu ilin birinci rübünün yekunlarına həsr olunan müşavirənin sonunda söylədiyi yekun nitqində də Ali Baş Komandan Ağalı kəndinin sakinlərinin bu il öz dədə-baba yurdlarına qayıdacaqları müjdəsini verdi: “Digər layihələrə gəldikdə bildirməliyəm ki, Ağalı kəndinin sakinləri artıq bu il Ağalıda yerləşəcəklər, orada yaşayacaqlar. Bu il Ağalı kəndinin açılışı olacaq. Bu, birinci pilot layihədir. Füzulinin Dövlətyarlı kəndinin yaradılmasına bu il başlanacaq. Bu, bir neçə kəndi birləşdirən layihədir. Ağalı kəndindən daha böyük yaşayış yeri olacaq. Azad edilmiş digər rayonlarda kəndlərin yenidən qurulması layihələri hazırlanır və şəhərlərlə paralel olaraq biz kəndləri də bərpa edəcəyik”.

Bununla da sözün bütün mənalarında Qarabağa hər gün bir addım daha atır, Böyük Qayıdışı yaxınlaşdırırıq.

Paylaş:
Baxılıb: 263 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Xəbər lenti

Ədəbiyyat

Prezident bu gün

Prezident bu gün

24 May 10:33

Analitik

MEDİA

Xəbər lenti

Arxiv
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31