Dövlət başçısının tapşırığı ilə keçirilən tibbi müayinə aksiyasının xəstəliklərin erkən aşkarlanması baxımından böyük əhəmiyyəti var

Bakı:

13 °C

94 %

6 m/s

AZ RU EN

Ana səhifə / Sosial / Dövlət başçısının tapşırığı ilə keçirilən tibbi müayinə aksiyasının xəstəliklərin erkən aşkarlanması baxımından böyük əhəmiyyəti var

Dövlət başçısının tapşırığı ilə keçirilən tibbi müayinə aksiyasının xəstəliklərin erkən aşkarlanması baxımından böyük əhəmiyyəti var

12.03.2014 [09:34]

Prezident İlham Əliyevin tapşırığına əsasən ölkəmizdə əhalinin icbari tibbi müayinədən keçirilməsi aksiyası Nərimanov rayonunda da uğurla davam etdirilir.
Rayon İcra Hakimiyyəti başçısının sərəncamı ilə yaradılmış komissiya əhali arasında təbliğat-təşviqat və məlumatlandırma işlərini mütəmadi davam etdirir. Komissiyanın gördüyü tədbirlər rayon sakinlərinin tibbi müayinə aksiyasında mütəşəkkilliyini təmin edib. Fevralın 17-dən indiyədək 18 min 449 nəfər rayon sakini hərtərəfli müayinə olunub. Onlardan 747 nəfərinə ambulator, 20 nəfərinə isə stasionar müalicə kursu təyin edilib.
AzərTAc xəbər verir ki, başqa günlərdə olduğu kimi, martın 11-də də 18 nömrəli şəhər poliklinikasında rayon sakinlərinin qrafik əsasında tibbi müayinəsi yüksək səviyyədə aparılıb. Burada sakinlərin rahat şəkildə tibbi müayinələrdən keçmələri üçün bütün lazımi şərait yaradılıb.
Poliklinikanın baş həkimi Şəhla Məmmədova deyib ki, dövlət başçısının tapşırığı ilə keçirilən bu aksiyanın xəstəliklərin erkən aşkarlanması və əhalinin sağlamlığının qorunması baxımından böyük əhəmiyyəti var. Təcrübəli həkimlərdən ibarət səyyar briqadalar müayinəyə gələ bilməyən insanlara evlərində xidmət göstərirlər. Poliklinika 26 min 174 sakinə xidmət edir. Artıq onlardan 4 mini dispanser müayinədən keçib. Müayinə olunanlardan 26 nəfər stasionar müalicəyə cəlb edilib, 16 nəfər isə elmi-tədqiqat institutlarına və diaqnostika mərkəzlərinə göndərilib.
Baş həkim bildirib ki, müayinədən keçən insanlarda ən çox şəkərli diabet, onkoloji, ürək-damar və göz xəstəlikləri müşahidə olunur.
Rayon sakini Zirəddin Bayramlı isə deyib: “Bütün müayinələrdən keçdim. Burada yaradılan şərait, həkimlərin vətəndaşları həssaslıqla dinləmələri məni razı saldı. Gördüyünüz kimi, poliklinika ən müasir tibbi cihazlarla təchiz edilib. Bu da onu göstərir ki, Azərbaycan Prezidentinin səhiyyə sahəsində müəyyən etdiyi proqramlar tibb müəssisələrinin təmir və bərpasına, vətəndaşların pulsuz dərman vasitələri və preparatlarla təminatına və müalicəsinə xidmət edir. Bu aksiya isə dövlət başçısının vətəndaşlara diqqət və qayğısının daha bir nümunəsidir”.

Paylaş:

Baxılıb: 1111 dəfə