Rusiya Federasiyası Xəzər Dəniz Donanmasının nümayəndələri Səbail rayon İcra Hakimiyyətində olublar

Bakı:

26 °C

63 %

2 m/s

AZ RU EN

Ana səhifə / Sosial / Rusiya Federasiyası Xəzər Dəniz Donanmasının nümayəndələri Səbail rayon İcra Hakimiyyətində olublar

Rusiya Federasiyası Xəzər Dəniz Donanmasının nümayəndələri Səbail rayon İcra Hakimiyyətində olublar

14.08.2015 [10:39]

Rusiya Federasiyası Xəzər Dəniz Donanmasının nümayəndə heyətinin rəhbərliyi və Azərbaycan Hərbi Dəniz Qüvvələrinin nümayəndələri Səbail rayon İcra Hakimiyyətində olublar.
Rayon İcra Hakimiyyətindən AZƏRTAC-a bildiriblər ki, İcra Hakimiyyətinin başçısı Asif Əsgərov qonaqlara Səbailin tarixi, coğrafi mövqeyi, burada yerləşən inzibati, sənaye, sosial, mədəniyyət, turizm obyektləri barədə məlumat verib. O, son illərdə Azərbaycanda əldə olunmuş nailiyyətlərdən, sosial-iqtisadi inkişafdan, həyata keçirilən yeni layihələrdən, o cümlədən Səbail rayonunda görülən işlərdən danışıb, bu uğurların qazanılmasında Ulu öndər Heydər Əliyevin və Prezident İlham Əliyevin böyük rolunu qeyd edib. Səbail rayon İcra Hakimiyyəti ilə cəbhə bölgəsindəki hərbi hissələr arasında yaranmış sıx dostluq və əməkdaşlıq əlaqələri və Müdafiə Nazirliyi ilə birgə keçirilən tədbirlər barədə məlumat da diqqətə çatdırılıb.
Rusiya Federasiyası Xəzər Dəniz Donanmasının nümayəndə heyətinin rəhbəri Kirill Taranenko Azərbaycanın, xüsusilə də onun Silahlı Qüvvələrinin inkişafından, hər iki ölkənin ordularının əməkdaşlığının möhkəmlənməsindən, bu işlərdə dövlətlərimizin başçılarının rolundan danışıb. O, Rusiya ilə Azərbaycan arasında bütün sahələrdə əməkdaşlığın daha da genişlənməsinin vacibliyini vurğulayıb.
Azərbaycan Hərbi Dəniz Qüvvələri komandanı vəzifələrini icra edən Şahin Məmmədov qeyd edib ki, bu səfər ölkəmizin hərbi dənizçilərinin Rusiyaya səfərinə cavabdır. Səfər çərçivəsində qonaqlar Fəxri xiyabanda Ümummilli lider Heydər Əliyevin məzarını və Şəhidlər xiyabanını ziyarət edəcək, paytaxtın görməli yerlərini gəzəcək, Dövlət Bayrağı Meydanındakı Bayraq Muzeyi, şəhərin tarixi və mədəni abidələri, Azərbaycan Ali Hərbi Dənizçilik məktəbindəki tədris prosesi ilə tanış olacaq, həmçinin dənizçilərimizlə futbol üzrə yoldaşlıq görüşü keçirəcəklər.
Ölkəmizdə səfərdən məmnunluq hissi keçirdiyini deyən Rusiyanın Azərbaycandakı səfirliyinin hərbi attaşesi Vladimir Çernenko, “Mahaçqala” hərbi gəmisinin komandiri Ayup Dadayev, “Volqadonsk” hərbi gəmisinin komandiri Vladimir Zaytsev hərbi dənizçilərin ölkəmizə səfərinin səmərəli olduğunu qeyd edərək Bakıda gördükləri qonaqpərvərliyə görə minnətdarlıqlarını bildiriblər.
Səfər proqramına uyğun olaraq Səbail rayon ictimaiyyəti nümayəndələrinin Rusiya hərbi gəmiləri ilə tanışlığı da nəzərdə tutulub.

Paylaş:

Baxılıb: 805 dəfə