Gənclər Azərbaycan həqiqətlərinin dünya ictimaiyyətinə çatdırılmasında fəal olmalıdırlar

Bakı:

24 °C

73 %

12 m/s

Əlaqə

AZ RU EN

Ana səhifə / Sosial / Gənclər Azərbaycan həqiqətlərinin dünya ictimaiyyətinə çatdırılmasında fəal olmalıdırlar

Gənclər Azərbaycan həqiqətlərinin dünya ictimaiyyətinə çatdırılmasında fəal olmalıdırlar

16.04.2016 [10:44]

Aprelin 15-də Azərbaycan Dövlət Pedaqoji Universitetində (ADPU) Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) “Ədalətin bərqərar olunması və böyük fəlakətin qarşısının alınması naminə” petisiya layihəsi çərçivəsində tədbir keçirilib.
AZƏRTAC xəbər verir ki, tədbirdə ADPU-nun rektoru, Azərbaycan Milli Elmlər Akademiyasının müxbir üzvü Yusif Məmmədov Azərbaycan həqiqətlərinin, xüsusilə Ermənistan-Azərbaycan, Dağlıq Qarabağ münaqişəsi ilə bağlı dəqiq məlumatların dünya ictimaiyyətinə çatdırılmasında AVCİYA-nın və onun petisiya layihəsinin əhəmiyyətini qeyd edib. Vurğulanıb ki, petisiyada Avropa Şurası Parlament Assambleyasının (AŞPA) 2085 (2016) saylı qətnaməsində vurğulanan Azərbaycanın Dağlıq Qarabağ və digər ərazilərinin Ermənistan dövləti tərəfindən işğal edilməsi, Ermənistanın Azərbaycana qarşı qəsdən törətdiyi ekoloji böhranın ekoloji təcavüz olması faktı, Ermənistan silahlı qüvvələrinin işğal bölgəsindən dərhal geri çəkilməsi tələbi, Azərbaycanın işğal edilmiş ərazilərində yerləşən Sərsəng su anbarının hazırkı durumunun humanitar fəlakətlə nəticələnə biləcəyi xəbərdarlığı diqqətə çatdırılır. Həmçinin Ağ Ev Administrasiyasına AŞPA-nın 2085 (2016) saylı qətnaməsini dəstəkləməsi, Ermənistan tərəfindən işğal edilmiş torpaqlarımızın azad edilməsinə və bölgədə humanitar fəlakətin qarşısının alınmasına yardım olunması üçün çağırış edilir.
Rektor aprelin 1-dən 2-nə keçən gecədən başlayaraq qoşunların təmas xəttində Ermənistan silahlı qüvvələri tərəfindən törədilən növbəti təxribat barədə məlumat verib, artıq ölkənin bir sıra ali təhsil müəssisələrində petisiya ilə bağlı silsilə təbirlərin keçirildiyini söyləyib və bu məsələdə gəncləri fəal olmağa çağırıb.
AVCİYA-nın prezidenti, Milli Məclisin deputatı Elxan Süleymanov “Ədalətin bərqərar olunması və böyük fəlakətin qarşısının alınması naminə” petisiya layihəsinin məqsədi və tarixi əhəmiyyətindən danışıb. Bildirilib ki, aprelin 6-dan icra olunmağa başlayan bu layihə 2012-ci ildən başlanan layihənin davamıdır. Hazırda 126 mindən çox insanın petisiyaya səs verdiyini söyləyən E.Süleymanov daha çox səsə ehtiyac olduğunu bildirib. Vurğulanıb ki, gənclərimiz petisiyada daha fəal iştirak etməli, Azərbaycanın haqq səsinin dünya ictimaiyyətinə çatdırılmasına dəstək verməlidirlər.

Paylaş:

Baxılıb: 826 dəfə