Heydər Əliyev
yeni azerbaycan logo

Ana səhifə / Sosial / Sergey Teterkin: “ASAN xidmət” mərkəzlərində yüksək keyfiyyətli xidmət göstərilir

Sergey Teterkin: “ASAN xidmət” mərkəzlərində yüksək keyfiyyətli xidmət göstərilir

28.10.2017 [00:21]

“ASAN xidmət” mərkəzi ən yüksək standartlar səviyyəsində qurulub və iş prinsipi çox səmərəlidir. Bu mərkəzlərdə insanlara qısa müddət ərzində yüksək keyfiyyətli xidmətlər göstərilir. Burada çoxlu insan işləyir, onların fəaliyyətini tənzimləmək və əlaqələndirmək çox böyük məsuliyyət və peşəkarlıq tələb edir.
AZƏRTAC xəbər verir ki, bu sözləri Bakıda keçirilən korrupsiya cinayətlərinin istintaqı və cinayət təqibi məsələlərinə dair tədbirin Rusiyadan olan iştirakçısı Sergey Teterkin 5 saylı “ASAN xidmət” mərkəzinin fəaliyyəti ilə tanışlıq zamanı jurnalistlərə müsahibəsində deyib.
Rusiya Federasiyası Prokurorluğunun beynəlxalq hüquqi əməkdaşlıq baş idarəsinin prokuroru olan S.Teterkin ölkəsini Bakıda keçirilən bu mötəbər tədbirdə təmsil etməkdən məmnunluğunu bildirərək söyləyib: “ASAN xidmət” mərkəzləri vətəndaşların rahatlığı, onların yüksək keyfiyyətli xidmətlərlə təmin olunması üçün yaradılıb. Məhz bu baxımdan Bakı ilə yanaşı, regionlarınızda da belə mərkəzlərin fəaliyyət göstərməsi nəticəsində vətəndaşların Bakıya gəlməsinə və növbədə gözləməsinə ehtiyac qalmır. Biz müşahidə etdik ki, “ASAN xidmət” mərkəzində iş yüksək səviyyədə, peşəkarlıqla təşkil olunub və bu qurumun fəaliyyəti əhali tərəfindən məmnunluqla qarşılanır”.

Paylaş:
Baxılıb: 458 dəfə

Xəbər lenti

Hamısına bax

Xəbər lenti

Sosial

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31