Yeni inkişaf dövrünə qədəm qoyan Azərbaycan-Rusiya əlaqələri

Bakı:

26 °C

61 %

6 m/s

Əlaqə

AZ RU EN

Ana səhifə / YAP xəbərləri / Yeni inkişaf dövrünə qədəm qoyan Azərbaycan-Rusiya əlaqələri

Yeni inkişaf dövrünə qədəm qoyan Azərbaycan-Rusiya əlaqələri

21.08.2024 [12:54]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Ölkə Prezidenti İlham Əliyevin rəhbərliyi ilə Azərbaycanın dayanıqlı inkişafını şərtləndirən əsas faktorlardan biri də qonşu dövlətlərlə siyasi-iqtisadi və humanitar əlaqələrin genişləndirilməsidir. Beynəlxalq münasibətlər sistemində əməkdaşlıq əlaqələrinin qurulmasına öz töhfəsini verən Azərbaycanın mühüm tərəfdaşlardan biri, dost və mehriban qonşusu Rusiya Federasiyası ilə hərtərəfli əməkdaşlıq münasibətləri yüksək səviyyədə inkişaf edir. Qədim və möhkəm dostluq, mehriban qonşuluq ənənələrinə əsaslanan Rusiya ilə Azərbaycan arasında münasibətlər iki dövlətin başçıları İlham Əliyevin və Vladimir Putinin siyasi iradəsi ilə daha da dərinləşib, inkişaf edib.

İki dost ölkənin dövlətin başçıları arasında dostluq əlaqələri ictimai-siyasi, ticari-iqtisadi və humanitar sahələrdə sıx əməkdaşlığın dinamik inkişafına müsbət töhfəsini verir. Təsadüfi deyil ki, bu gün Rusiya ilə Azərbaycan arasında ticarət və energetika, sənaye və kənd təsərrüfatı, logistika, nəqliyyat, turizm və digər sahələrdə əməkdaşlıq genişlənib.

Rusiya Prezidenti Vladimir Putinin avqustun 18-də ölkəmizə rəsmi səfəri ikitərəfli əməkdaşlığın genişləndirilməsi istiqamətində atılmış növbəti addım oldu. İki ölkə arasındakı gələcək əlaqələrin inkişafına hədəflənmiş rəsmi səfər həm Rusiya, həm də Azərbaycan ictimaiyyəti tərəfindən diqqətlə izlənildi, nüfuzlu mətbu orqanlarında işıqlandırıldı. Eyni zamanda bu səfər Azərbaycan-Rusiya münasibətləri arasında ikitərəfli əlaqələr səmərəli və dinamik inkişafına yeni baxış oldu. Səfər çərçivəsində imzalanan sazişlər iki ölkə arasında siyasi və iqtisadi sahədə əməkdaşlığın genişləndirilməsi ikitərəfli əməkdaşlığın keyfiyyətcə yeni səviyyəyə çatmasına ən yaxşı nümunə kimi yaddaşlara yazıldı. Əldə olunan yeni razılaşmalar, imzalanan yeni sənədlər öz növbəsində onu deməyə əsas verir ki, Azərbaycan-Rusiya əlaqələri yeni inkişaf dövrünə qədəm qoyur.

Mətbuata bəyanatlarla çıxışı zamanı Prezidentimiz İlham Əliyev iki dost ölkə arasında əlaqələrin uğurla inkişaf etdiyinə diqqət çəkərək, bildirib ki, Azərbaycanın ərazisində “Şimal-Cənub” dəhlizinin həm dəmir yolu, həm də avtomobil yolu seqmentləri tam şəkildə reallaşdırılıb və uğurla fəaliyyət göstərir. Hazırda bu dəhlizin ötürücülük qabiliyyətini yüksəltmək üçün onun dəmir yolu sahəsinin modernləşdirilməsi ilə məşğuluq. Biz ildə 15 milyon ton və daha çox – 30 milyon tonadək yüklərin daşınması imkanlarından danışırıq və bu, tamamilə realdır. Ümidvaram ki, hazırkı şəraitdə Rusiya və Azərbaycan, həmçinin bu dəhlizin digər iştirakçıları birgə səylərlə öz fəaliyyətini davam etdirəcəklər.

İki ölkə arasında iqtisadi əlaqələrin inkişaf dinamikasına nəzər yetirmək kifayətdir ki, Azərbaycan-Rusiya əlaqələrinin daha da möhkəmləndiyinin şahidi olaq. 2023-cü ilin nəticələrinə görə, 2022-ci illə müqayisədə iki ölkə arasında ticarət dövriyyəsi 17 faiz artaraq 4,5 milyard dollar səviyyəsinə yüksəlib.

Rusiya ilə Azərbaycan arasında münasibətlər yüksək səviyyədə olması iki dost ölkənin strateji tərəfdaşlığının gələcəkdə daha da möhkəmlənməsindən xəbər verir.

Paylaş:

Baxılıb: 442 dəfə