Heydər Əliyev siyasəti Azərbaycanın inkişafının əsasını təşkil edir

Bakı:

4 °C

70 %

9 m/s

Əlaqə

AZ RU EN

Ana səhifə / YAP xəbərləri / Heydər Əliyev siyasəti Azərbaycanın inkişafının əsasını təşkil edir

Heydər Əliyev siyasəti Azərbaycanın inkişafının əsasını təşkil edir

11.12.2012 [00:46]

YAP Nəsimi rayon təşkilatında Ümummilli lider Heydər Əliyevin anım günü ilə bağlı tədbir keçirilib
Dünən Yeni Azərbaycan Partiyasının (YAP) Nəsimi rayon təşkilatında Ümummilli lider Heydər Əliyevin anım günü ilə bağlı tədbir keçirilib. Tədbir iştirakçıları əvvəlcə Ulu öndər Heydər Əliyevin əziz xatirəsini bir dəqiqəlik sükutla yad ediblər. Sonra böyük şəxsiyyət Heydər Əliyevin gənclər siyasətinə həsr olunmuş film nümayiş etdirilib.
Anım mərasimində YAP Nəsimi rayon təşkilatının sədri, partiyanın Siyasi Şurasının üzvü, millət vəkili Məlahət İbrahimqızı çıxış edərək Ulu öndər Heydər Əliyevin dövlətimiz və xalqımız qarşısındakı misilsiz xidmətlərindən danışıb. M.İbrahımqızı bildirib ki, Azərbaycanın inkişaf və tərəqqisi məhz Ümummilli liderimizin adı ilə bağlıdır: “Azərbaycanın inkişafı böyük vüsət alıb. Bu inkişafın əsas səbəblərindən biri dövlətimizin müstəqil siyasət həyata keçirməsidir”.
M.İbrahimqızı bildirib ki, geostrateji məkanda yerləşən Azərbaycan inkişafımızı istəməyən xarici qüvvələrin cəhdlərinə baxmayaraq öz yolu ilə inamla irəliləyir. Onun sözlərinə görə, bu qətiyyətli siyasət dövlətimizin beynəlxalq müstəvidə nüfuzunu daha da artırır. “Azərbaycanın inkişaf strategiyasının müəllifi Ulu öndər Heydər Əliyevdir. Bu gün Prezident İlham Əliyev bu strategiyanı uğurla həyata keçirir. Artıq başa çatmaqda olan 2012-ci ildə ölkəmiz bir çox uğurlar qazanıb. Hesab edirəm ki, növbəti ildə nailiyyətlərimiz daha da artacaq. Bütün uğurlarımızın əsasında Heydər Əliyev siyasətinin təntənəsi dayanır” - deyə, YAP Siyasi Şurasının üzvü qeyd edib. M.İbrahimqızı Ulu öndərimizin Azərbaycan gənclərinə olan diqqət və qayğısından da ətraflı bəhs edib.
YAP Nəsimi rayon təşkilatın İdarə Heyətinin üzvü, Nəsimi rayon İcra Hakimiyyətinin başçısı Nəsib Məhəməliyev çıxışında bildirib ki, Ümummilli liderimiz Heydər Əliyevin ölməz ideyaları daim Azərbaycanın inkişafına xidmət edəcək. N.Məhəməliyev gənclərə Ulu öndərimizin zəngin irsini dərindən öyrənməyi tövsiyə edib.
Daha sonra tədbirdə rayon təşkilatı Gənclər Birliynin idarə heyətinin üzvləri Könül Yaqubova, Səidə Abdullayeva və təşkilatın təlimatçısı Abbas Pənahov çıxış edərək Ulu öndər Heydər Əliyevin Azərbaycan xalqnının qəlbində əbədi abidə ucaltdığını vurğulayıblar. Qeyd olunub ki, məhz Heydər Əliyev siyasəti Azərbaycanın inkişafının əsasını təşkil edir.
N.BAYRAMLI

Paylaş:

Baxılıb: 1341 dəfə