Qazaxda “Qadın gülərsə, bəşəriyyət güləcək !” mövsusunda tədbir keçirildi

Bakı:

17 °C

67 %

6 m/s

Əlaqə

AZ RU EN

Ana səhifə / YAP xəbərləri / Qazaxda “Qadın gülərsə, bəşəriyyət güləcək !” mövsusunda tədbir keçirildi

Qazaxda “Qadın gülərsə, bəşəriyyət güləcək !” mövsusunda tədbir keçirildi

07.03.2025 [17:37]

“Konstitusiya və Suverenlik İli” çərçivəsində 07 mart 2025-ci il tarixdə YAP Qazax rayon təşkilatında 8 Mart – Beynəlxalq Qadınlar Günü münasibətilə “Qadın gülərsə, bəşəriyyət güləcək” mövsusunda tədbir keçirildi.

Tədbir YAP Qazax rayon təşkilatının inzibati binasında Ulu Öndər Heydər Əliyevin büstünün ziyarəti ilə başlandı. İlk öncə Ümummilli Lider Heydər Əliyevin və müqəddəs şəhidlərin əziz xatirəsi bir dəqiqəlik sükutla yad edildi.

Qazax rayonunun ictimai-siyasi həyatında fəal iştirak edən qadın partiya üzvlərinin dəvət olunduğu tədbiri YAP Qazax rayon təşkilatının sədri Anar Nəbiyev açaraq əsası Ulu Öndər Heydər Əliyev tərəfindən qoyulan və bu gün Möhtərəm Prezidentimiz İlham Əliyev tərəfindən böyük uğurla davam və inkişaf etdirilən dövlət qadın siyasətindən, müasir Azərbaycan cəmiyyətində qadınların rolundan, Azərbaycan qadınının – Qəhrəman ana, Qəhrəman bacı, Qəhrəman həyat yoldaşı olmasından geniş bəhs etdi. Ölkəmizdə qadın hərəkatının, dövlət qadın siyasətinin, onun dövlət səviyyəsinə qaldırılmasının məhz, Ulu Öndər Heydər Əliyevin adı ilə bağlı olduğunu, Ulu Öndərin hakimiyyətdə olduğu illərdə bu yönümdə bir çox qanunların qəbul olunduğunu, fərman və sərəncamların imzalandığını qeyd etdi. A.Nəbiyev Azərbaycanda Möhtərəm Prezidentimiz İlham Əliyevin rəhbərliyi ilə dövlət qadın siyasətinin böyük yüksəliş mərhələsinə qədəm qoyduğundan, qadınlara göstərilən dövlət qayğısından, qadınların Azərbaycan cəmiyyətindəki mühüm rolundan bəhs edərək, 44 günlük Vətən müharibəsində xalqımıza Şanlı Qələbəni bəxş edən qəhrəman şəhidlərimizin, igid qazilərimizin, rəşadətli əsgər və zabitlərimizin analarının da məhz, fədakar Azərbaycan qadını olduğunu vurğuladı və Azərbaycan qadınlarının simvolu, Birinci Vitse Prezident, Yeni Azərbaycan Partiyası sədrinin birinci müavini Mehriban xanım Əliyeva başda olmaqla bütün Azərbaycan qadınlarını 8 Mart - Beynəlxalq Qadınlar Günü münasibətilə təbrik etdi.

Tədbirdə Qazax Rayon İcra Hakimiyyəti Başçısının müavini Gülayə Həsənova, partiya fəallarından Bəsti Ələkbərova, Afət Eyyubova, Pəri İbrahimova, Nəsibə Tağıyeva çıxış edərək, bu gün Möhtərəm Prezidentimiz tərəfindən Azərbaycan qadınlarına göstərilən diqqət və qayğıdan, bu sahədə Ulu Öndərin misilsiz xidmətlərindən, Birinci Vitse-Prezident Mehriban xanım Əliyevanın hər bir qadına nümunə olmasıından danışdılar və göstərilən hörmət və ehtirama görə öz minnətdarlıqlarını bildirdilər.

Tədbirdə Qazax şəhər 3 saylı tam orta məktəbin şagirdləri tədbir iştirakçılarını şeirlə təbrik etdilər

Sonda YAP sıralarına yeni qəbul olunmuş gənclərə partiya üzvlük vəsiqələri təqdim edildi, ən fəal partiya üzvləri Fəxri Fərmanla təltif olundu və tədbir iştirakçılarına bayram hədiyyələri verildi.

Paylaş:

Baxılıb: 360 dəfə