Münasibətlərin müttəfiqlik zirvəsi

Bakı:

26 °C

63 %

12 m/s

Əlaqə

AZ RU EN

Ana səhifə / YAP xəbərləri / Münasibətlərin müttəfiqlik zirvəsi

Münasibətlərin müttəfiqlik zirvəsi

04.07.2025 [22:35]

İyulun 2-də Azərbaycan Respublikasının Prezidenti İlham Əliyev və Özbəkistan Respublikasının Prezidenti Şavkat Mirziyoyev mətbuata bəyanatlarla çıxış ediblər.

Ölkəmizin başçısı çıxış edərək həm ikitərəfli görüş, həm də Dövlətlərarası Şuranın iclası çərçivəsində ikitərəfli qarşılıqlı fəaliyyət məsələlərinin geniş spektrini müzakirə etdiklərini, Azərbaycan Özbəkistan arasındakı münasibətlərin strateji, müttəfiqlik xarakterini bir daha təsdiqlədiklərini bildirib. İki ölkənin artıq bir ildir ki, rəsmi müttəfiq olduğunu qeyd edib.

Prezident İlham Əliyev həmkarı, Şavkat Mirziyoyevi öz adından və bütün Azərbaycan xalqı adından tarixi nailiyyət – futbol üzrə Özbəkistan yığmasının dünya çempionatının final mərhələsinə çıxması münasibətilə təbrik edib və bu uğurun təsadüfi olmadığını, özbək idmançıların beynəlxalq arenada, o cümlədən Yay Olimpiya Oyunlarında nümayiş etdirdikləri şanlı idman qələbələrinin davamı olduğunu vurğulayıb.

Dövlətimizin başçısı çıxışında Özbəkistanın sürətli inkişafından, beynəlxalq arenada imicinin ildən-ilə artmasından, iqtisadi potensialının güclənməsindən bəhs edib və qeyd edib ki, bütün bunlar Prezidentin, Özbəkistan rəhbərliyinin düşünülmüş siyasətinin nəticəsidir.

“Bir müddət əvvəl yaradılmış birgə İnvestisiya Fondu artıq praktiki olaraq layihələrlə təmin edilib”- deyən Prezident İlham Əliyev bu gün 10-dan çox layihənin artıq investisiya qərarlarının qəbulu mərhələsində olduğunu bildirib. Bunu yalnız başlanğıc kimi qiymətləndirildiyini, çünki İnvestisiya Fondunun nizamnamə kapitalı 500 milyon dollar olduğunu diqqətə çatdırıb. Dövlət başçısı əlavə edib ki, Bizim planlarımız bu rəqəmi bir neçə dəfə üstələyir və əminəm ki, energetika, mehmanxana biznesi, tikinti, kənd təsərrüfatı və bir çox digər sahələrdə artıq konkret perspektivi olan və razılaşdırılmış layihələrin, imzalanmış müqavilələrin birgə həyata keçirilməsi təbii olaraq qarşılıqlı investisiyaların əhəmiyyətli dərəcədə artmasına gətirib çıxaracaq.

Prezident İlham Əliyev çıxışında gələcək layihələr baxımından Xəzərdən Azərbaycana, oradan isə Qərb istiqamətinə çıxışı olan Mərkəzi Asiya regionunda daha geniş və şaxələndirilmiş nəqliyyat infrastrukturunun yaradılmasına gətirib çıxaracaq nəqliyyat-logistika sahəsini ətraflı nəzərdən keçirdiklərini , iki ölkənin infrastrukturlarının böyük həcmdə yükləri qəbul etməyə hazır olması baxımından layihələri ikitərəfli formatda əlaqələndirməyi davam etdirməklə yanaşı, həm də qonşu ölkələrlə çoxtərəfli formatda nəqliyyat siyasətinin əlaqələndirilməsi üzrə müntəzəm dialoq və iş aparmağa razılaşdıqlarını diqqətə çatdırıb.

Dölvətimizin başçısı Qarabağın bərpasına göstərdiyi köməyə görə xüsusi minnətdarlığını ifadə edərək, Özbəkistanın bu sahədə birinci ölkə, öz təşəbbüsü ilə Qarabağ bölgəsinin bərpasına dərhal yardım edən Prezident Mirziyoyev isə dünyada ilk lider olduunu bildirib.

“Erməni işğalından azad edilmiş ərazilərdə ikinci mühüm layihə Xankəndi şəhərindəki tikiş fabrikidir” - deyən Prezident İlham Əliyev qeyd edib ki, özbək qardaşlarımızın sərmayələri və texnologiyaları sayəsində bu gün 200-dən çox insanın çalışdığı müəssisə yaradılıb və gələcəkdə orada çalışanların sayı dəfələrlə artacaq.

Ölkəmizin başçısı çıxışı zamanı bu gün Bakı şəhərinin mərkəzi yerlərindən birində təməli qoyulacaq “Özbəkistan” parkının, ən perspektivli, müasir urbanizm layihəsi olan “Ağ şəhər”də, bu layihənin tam mərkəzində, demək olar ki, 5 hektara yaxın ərazidə “Özbəkistan” parkının yaradılacağını bildirib. Prezident İlham Əliyev əminlik ifadə edib ki, bu park, həm vətəndaşlarımızın, həm də xarici turistlərin məmnuniyyətlə gələcəyi bir yer olacaq.

Sahib Şükürov,

YAP Göyçay rayon təşkilatının sədri

Paylaş:

Baxılıb: 368 dəfə