Ağstafa seçiciləri Azərbaycanın gələcək inkişafına və sabitliyə səs verəcəklər

Bakı:

13 °C

94 %

5 m/s

Əlaqə

AZ RU EN

Ana səhifə / YAP xəbərləri / Ağstafa seçiciləri Azərbaycanın gələcək inkişafına və sabitliyə səs verəcəklər

Ağstafa seçiciləri Azərbaycanın gələcək inkişafına və sabitliyə səs verəcəklər

22.09.2013 [10:52]

Rayonun Aşağı Göycəli və Qırılı kəndlərində seçicilərlə görüş keçirilib
Oktyabrın 9-da keçiriləcək prezident seçkiləri ilə əlaqədar Yeni Azərbaycan Partiyası Ağstafa rayon təşkilatı təbliğat-təşviqat kampaniyasını uğurla davam etdirir. Partiyamızın namizədi cənab İlham Əliyevin təşviqat kampaniyası çərçivəsində növbəti görüşlər rayonun Aşağı Göycəli və Qırılı kəndlərində keçirilib.
Görüşdə çıxış edən YAP Ağstafa rayon təşkilatının seçki qərargahının üzvü, rayon Ağsaqallar Şurasının sədri Firdovsi Heydərli seçiciləri 9 oktyabrda prezident seçkilərində fəal iştirak etməyə çağırıb. Prezident İlham Əliyevin dövlət başçısı olduğu 10 ildə ölkədə reallaşan sosial-iqtisadi inkişafdan bəhs edən F.Heydərli bölgələrdə aparılan yeniləşmə, quruculuq işlərindən də danışıb.
Çıxış edən təbliğat-təşviqat qrupunun üzvü Mirəsgər Mahmudov bildirib ki, ölkənin inkişafı onun iqtisadiyyatından asılıdır. Əgər ölkə iqtisadi cəhətdən güclənirsə, büdcədə artım baş verirsə, insanların əməkhaqları, təqaüdlər artırılırsa, demək, bu ölkədə düzgün siyasət yürüdülür. Azərbaycanda əldə olunan irəliləyişlər onu göstərir ki, ölkə Prezidenti tərəfindən iqtisadi siyasət düzgün aparılır və dövlət düzgün idarə olunur: “Azərbaycanın bütün bölgələrində yeni müəssisələr, səhiyyə ocaqları, məktəblər inşa olunur. O cümlədən, Ağstafa rayonunda da bu tip sənaye müəssisələri, iaşə obyektləri, səhiyyə ocaqları və yeni məktəblər tikilib sizlərin istifadəsinə verilib. Ölkə Prezidenti regionlarda yaşayan insanların rahatlığını təmin etmək üçün yüksək şərait yaradıb. Bu, bir daha sübut edir ki, Prezident İlham Əliyev Azərbaycanın alternativsiz lideridir”.
Tədbirdə çıxış edən təbliğat-təşviqat qrupunun üzvü İlham İbrahimov bildirib ki, Prezident İlham Əliyevin yürütdüyü siyasi kurs Azərbaycanın həm xarici, həm də daxili siyasətdə müəyyənləşdirilmiş prioritetlərə çatmasında əsaslı rol oynayır. Azərbaycan Prezidenti İlham Əliyevin yürütdüyü düzgün xarici siyasət ölkəmizi bütün təhlükələrdən, hədələrdən qoruyur. Azərbaycanın iqtisadi sferada əldə etdiyi uğurlar ən böyük problemimiz olan Dağlıq Qarabağ münaqişəsinin həllində də ölkəmizə yardım edir: “Azərbaycan xalqı sadaladığımız bu inkişafın, sabitliyin, irəliləyişin davam etməsini istəyirsə, Prezident İlham Əliyevə səs verməlidir. Mən inanıram ki, ağstafalılar da bu siyasətin davamında maraqlıdır və oktyabrın 9-da vahid seçimimiz olan Azərbaycanın Lideri Prezident İlham Əliyevə səs verəcək”.
Daha sonra çıxış edən kənd sakinləri bütün səslənən fikirlərin Ağstafa seçiciləri tərəfindən razılıqla qarşılandığını söyləyiblər və bildiriblər ki, oktyabrın 9-da bütün seçicilər seçkidə iştirak edəcək Prezident İlham Əliyevə səs verəcəklər.
Pərviz SADAYOĞLU

Paylaş:

Baxılıb: 1268 dəfə