Laçınlılar İlham Əliyevə səs verəcəklər

Bakı:

24 °C

83 %

0 m/s

Əlaqə

AZ RU EN

Ana səhifə / YAP xəbərləri / Laçınlılar İlham Əliyevə səs verəcəklər

Laçınlılar İlham Əliyevə səs verəcəklər

28.09.2013 [10:59]

Laçın rayonundan olan seçicilərlə Qaradağ rayonunda və Xəzər rayon Mərdəkan qəsəbəsində növbəti görüş keçirilib
Yeni Azərbaycan Partiyasının (YAP) prezidentliyə namizədi İlham Əliyevin təbliğat-təşviqat kampaniyası uğurla davam edir. Kampaniya çərçivəsində Laçın rayonundan olan seçicilərlə Qaradağ və Xəzər rayonlarının ərazisində növbəti görüşlər keçirilib.
YAP Laçın rayon təşkilatının sədri Aqil Nəzərli çıxış edərək bildirib ki, Azərbaycan xalqı gələcək 5 il üçün ölkənin müqəddəratını kimə həvalə edəcəyini artıq müəyyənləşdirib: “Xalqın seçimi cənab İlham Əliyevdir. Çünki Prezident İlham Əliyevin 10 il ərzində gördüyü işlər bunu deməyə imkan verir. 2003-2013-cü illər ərzində Azərbaycanda dinamik sosial-iqtisadi inkişaf, demokratik və müasir dövlət quruculuğu sahəsində mühüm addımlar atılmışdır. Son 10 ildə iqtisadiyyatımız 3 dəfə artmış, əsasən şaxələndirilmiş, müasir sosial-iqtisadi infrastruktur yaradılmış və qeyri-neft sektorunun dinamik inkişafı təmin edilmişdir.
Qeyri-neft sektorumuzda 11 faiz səviyyəsində artım, əslində, biznes mühitinin əlverişli olduğunu göstərir. Son illərdə ölkənin əsas iqtisadi hədəfi idxalı azaltmaq, yerli istehsalı gücləndirmək, yeni iş yerləri yaratmaqdır. Bu məqsədlərə nail olmaq üçün dövlət səviyyəsində kompleks tədbirlər planı icra edilmişdir. Dövlət İnvestisiya Proqramında nəzərdə tutulmuş infrastruktur layihələri özlüyündə özəl sektorun inkişafına və rəqabət qabiliyyətli məhsulların istehsalına kömək göstərir. Əgər bölgələrdə müasir infrastruktur layihələri icra edilməsəydi, əlbəttə ki, heç bir biznes mühitindən söhbət belə gedə bilməzdi. Bu inkişafın davam etməsi üçün xalqımız Azərbaycan Prezidenti İlham Əliyevin növbəti 5 ildə də dövlət başçısı seçilməsini istəyir”.
Daha sonra çıxış edən millət vəkili Nazim Fərəcov isə bildirib ki, cənab İlham Əliyev istər dövlətçilik təcrübəsi, istərsə də idarəetmə baxımından digər namizədlərdən kəskin fərqlənir: “Hər bir Azərbaycan vətəndaşı hesab edir ki, növbəti 5 ildə cənab İlham Əliyevin ölkəyə rəhbərlik etməsi dövlətimizin daha mühüm uğurlar, nailiyyətlər qazanmasını təmin edəcək. Qarşıdan gələn prezident seçkilərində Azərbaycan vətəndaşlarının mütləq əksəriyyəti Prezident İlham Əliyevin namizədliyini dəstəkləyir. Xalqın Ulu öndər Heydər Əliyev siyasətinə, Prezident İlham Əliyevə inamı ölkəmizi yüksək inkişafa aparır”.
Təbliğat qrupunun üzvü Məhiyyəddin Cabbarov müstəqilliyimizin əldə olunması və qorunub saxlanılmasında Ümummilli lider Heydər Əliyevin böyük xidmətlərinin olduğunu qeyd edib. O, Azərbaycanın çoxəsrlik dövlətçilik tarixindən, son illərdə daxili və xarici siyasət sahəsində qazanılan uğurlardan danışıb.
Görüşdə Laçın rayon sakinləri Elbrus Abbasov, Rafiq Şahverdiyev, Hüseyn Hüseynov çıxış edərək bildiriblər ki, prezident seçkilərində xalqını, Vətənini, milli mənafeyini hər şeydən üstün tutan şəxsə-cənab İlham Əliyevə səs verəcəklər.
Oktay

Paylaş:

Baxılıb: 1247 dəfə