Abşeron rayonunda təbliğat-təşviqat kampaniyası yüksək əhval-ruhiyyə ilə davam edir

Bakı:

26 °C

66 %

8 m/s

Əlaqə

AZ RU EN

Ana səhifə / YAP xəbərləri / Abşeron rayonunda təbliğat-təşviqat kampaniyası yüksək əhval-ruhiyyə ilə davam edir

Abşeron rayonunda təbliğat-təşviqat kampaniyası yüksək əhval-ruhiyyə ilə davam edir

02.10.2013 [10:15]

Ceyranbatan qəsəbəsinin sakinləri Prezident İlham Əliyevə səs verəcəklər
Yeni Azərbaycan Partiyasının namizədi Prezident İlham Əliyevin təbliğat-təşviqat kampaniyası yüksək əhval-ruhiyyə ilə davam etməkdədir. Ölkənin bütün şəhər, rayon, qəsəbə və kəndlərində prezidentliyə namizəd İlham Əliyevin seçki qərargahının təbliğat-təşviqat qrupunun üzvləri seçicilərlə mitinq-görüşlər keçirməkdədir. Belə görüşlərdən biri dünən Abşeron rayonunun Ceyranbatan qəsəbəsində təşkil olunub.
Görüşü giriş nitqi ilə açan YAP Abşeron rayon təşkilatının sədri Bilman Vəliyev prezident seçkilərinin vacibliyini qeyd edərək bildirib ki, ölkənin bütün regionlarında prezidentliyə namizəd İlham Əliyevin təbliğat-təşviqat kampaniyası həyata keçirilir: “Keçirilən görüşlərin yüksək əhval-ruhiyyə çərçivəsində keçməsi bizi çox sevindirir. Abşeron rayon təşkilatı özü bu günədək 9 belə mitinq-görüşlər keçirib. Bu görüşlərdə müşahidə olunan yüksək aktivlik, bayram əhval-ruhiyyəsi bir daha onu göstərir ki, xalq İlham Əliyevlədir və yalnız Onu dəstəkləyir”.
Çıxış edən prezidentliyə millət vəkili İmamverdi İsmayılov bildirib ki, Ulu öndər Heydər Əliyevin siyasi kursunun layiqli davamçısı Prezident İlham Əliyev xalqın sevimlisidir və xalq yalnız onu dəstəkləyir: “1990-cı illərin əvvəllərində dövlət idarəçiliyi sükanının arxasında əyləşmiş bir sıra “siyasətçilər” dövləti dünya birliyindən izolyasiya edərək uçurum kənarına atmışdılar. Belə bir çətin anda müdrik xalqımız düzgün qərar verərək Ümummilli lider Heydər Əliyevi yenidən hakimiyyətə qayıtmağa təkidlə dəvət etdi. Ulu öndər hakimiyyətə gəldikdən sonra ölkədə sosial-iqtisadi və siyasi-hüquqi sabitlik tam bərpa olundu, dövlətçiliyimizə xələl gətirə biləcək təhlükələr aradan qaldırıldı. Bu gün isə Ulu öndər Heydər Əliyevin siyasi kursunu davam etdirən Prezident İlham Əliyev inkişaf edən Azərbaycanı yeni-yeni uğurlara daşıyır. Prezident İlham Əliyev xalqımızın və dövlətimizin gələcəyinin təminatıdır. Mən sizi 9 oktyabr tarixində Prezident İlham Əliyevə səs verməyə çağırıram”.
Sonra çıxış edən qəsəbə sakinləri seçiciləri Prezident İlham Əliyevə səs verməyə çağırıblar: “Prezident İlham Əliyev Ulu öndər Heydər Əliyevin siyasi kursunun layiqli davamçısıdır. Cənab İlham Əliyevin 10 illik fəaliyyəti dövründə ölkədə genişmiqyaslı abadlıq-quruculuq işləri həyata keçirilib. Yeni yollar salınıb, körpülər tikilib, təhsil, səhiyyə, idman mərkəzləri inşa edilərək istifadəyə verilib. Azərbaycan seçicisi bu inkişafın davamına – cənab İlham Əliyevə səs verəcək”.
ZAHİD

Paylaş:

Baxılıb: 1256 dəfə