Xalq öz Prezidentinə inanır və Onu dəstəkləyir

Bakı:

11 °C

82 %

5 m/s

Əlaqə

AZ RU EN

Ana səhifə / YAP xəbərləri / Xalq öz Prezidentinə inanır və Onu dəstəkləyir

Xalq öz Prezidentinə inanır və Onu dəstəkləyir

03.10.2013 [10:28]

Bu fikirlər kəlbəcərlilərlə Yevlax və Bərdə rayonlarında keçirilən görüşlərdə dilə gətirilib
Yeni Azərbaycan Partiyası (YAP) Kəlbəcər rayon təşkilatı prezident seçkiləri ilə bağlı təbliğat-təşviqat kampaniyasını uğurla davam etdirir. Təbliğat kampaniyası çərçivəsində Yevlax şəhərində kəlbəcərli seçicilərlə görüş keçirilib. Tədbiri giriş sözü ilə açan YAP Kəlbəcər rayon təşkilatının sədri Akif Əsgərov cənab İlham Əliyevin rəhbərliyi ilə həyata keçirilən uğurlu siyasətdən və onun nəticələrindən ətraflı danışıb. O bildirib ki, təməli Ulu öndər Heydər Əliyev tərəfindən qoyulmuş siyasi kurs bu gün cənab İlham Əliyev tərəfindən uğurla davam etdirilir: “Bunun nəticəsidir ki, bu gün Azərbaycanın bütün bölgələri əsaslı şəkildə inkişaf edir, günü-gündən gözəlləşir”.
Daha sonra natiq son 10 ildə məcburi köçkünlərə göstərilən dövlət qayğısından ətraflı danışıb.
Daha sonra Kəlbəcərin tanınmış ağsaqqalı “Aşıq Şəmşir Mədəniyyət Ocağı” İctimai Birliyinin sədri, Respublika Ağsaqqallar Şurasının üzvü Qənbər Şəmşiroğlu seçicilər qarşısında çıxış edib. Natiq qeyd edib ki, biz kəlbəcərlilər həmişə dövlətçiliyə sadiq olmuşuq və bu sadiqliyimizi 9 oktyabr 2013-cü ildə seçki məntəqələrinə gedərək bir daha təcəssüm etdirəcəyik.
Tədbirdə çıxış edən kəlbəcərli məcburi köçkün Saday Musayev cənab İlham Əliyevə səs verəcəyini deyib: “Bizim ailəmizdə 22 nəfər seçici var. Biz hamımız İlham Əliyevə səs verəcəyik. Çünki O, ölkəmizin qazandığı uğurların qarantıdır”.
Daha bir görüş isə Bərdə rayonunda müvəqqəti məskunlaşmış kəlbəcərli seçicilərlə keçirilib. Tədbirdə çıxış edən YAP Kəlbəcər rayon təşkilatının sədri Akif Əsgərov son zamanlar respublikamızda gedən abadlıq-quruculuq işləri haqqında, məcburi köçkünlərin həyat səviyyəsinin yaxşılaşdırılması və məşğulluğunun artırılması üçün qəbul edilən Dövlət Proqramından ətraflı danışıb. Natiq bildirib ki, Dövlət Neft Fondundan ayrılan vəsait hesabına Azərbaycanda mövcud olan çadır düşərgələrinin hamısı ləğv edilib. 18 mindən çox məcburi köçkün ailəsi 58 yeni tikilmiş qəsəbəyə köçürülüb: “İlbəil qaçqınların və məcburi köçkünlərin sosial problemlərinin həllinə yönəlmiş vəsaitlərin həcmi artırılır, kənd təsərrüfatı ilə məşğul olanlara əvəzsiz maliyyə yardımları göstərilir. Sizi əmin edirəm ki, bu yöndə işlər cənab İlham Heydər oğlu Əliyevin rəhbərliyi altında davam etdiriləcək”.
Sonda kəlbəcərli seçicilər bir daha vurğulayıblar ki, 9 oktyabr 2013-cü il tarixində keçiriləcək prezident seçkiləri İlham Əliyevin qələbəsi ilə başa çatacaq.
Oktay

Paylaş:

Baxılıb: 1208 dəfə