Vətənə, xalqa və dövlətçiliyə misilsiz xidmətin 22 ili

Bakı:

11 °C

82 %

9 m/s

Əlaqə

AZ RU EN

Ana səhifə / YAP xəbərləri / Vətənə, xalqa və dövlətçiliyə misilsiz xidmətin 22 ili

Vətənə, xalqa və dövlətçiliyə misilsiz xidmətin 22 ili

15.10.2025 [14:44]

15 oktyabr 2025-ci il tarixdə “Konstitusiya və Suverenlik İli” çərçivəsində YAP Samux rayon təşkilatının Sərkar kənd ərazi partiya təşkilatında Prezident İlham Əliyevin fəaliyyətinin 22-ci ildönümünə həsr edilmiş “Vətənə, xalqa və dövlətçiliyə misilsiz xidmətin 22 ili” adlı elmi-praktik konfrans keçirilib.

Tədbir iştirakçıları öncə müasir müstəqil Azərbaycan dövlətinin qurucusu, Ulu Öndər Heydər Əliyevin və torpaqlarımızın azadlığı uğrunda şəhidlik zirvəsinə ucalan Vətən oğullarının əziz xatirəsini bir dəqiqəlik sükutla yad ediblər.

Tədbiri giriş sözü ilə açan YAP Samux rayon təşkilatının sədri Gündüz Bayramov bildirib ki, Azərbaycanın yeni əsrdə yeni lideri olan İlham Əliyevin birinci müddətə Prezident seçilməsinin iyirmi iki ili tamam olur. Müasir tariximizə möhtəşəm 22 il kimi yazılan ötən dövrdə Ulu Öndər Heydər Əliyevin əsasını qoyduğu, Prezident İlham Əliyevin inkişaf etdirərək yeni geosiyasi şərtlərə uyğunlaşdırdığı siyasət nəticəsində Azərbaycan Respublikası misilsiz inkişaf yolu keçib. Sədr həmçinin qeyd edib ki, tarixi kontekstdə qısa dövr olsa da, bu 22 il ölkəmizin qarşısında duran strateji hədəflərə nail olunması, cərəyan edən proseslərin, baş vermiş hadisələrin zənginliyi, ən əsası, əldə edilmiş nəticələr baxımından müstəsna əhəmiyyət kəsb edən və çoxəsrlik milli dövlətçiliyimizin ən parlaq səhifəsinə çevrilmiş yeni bir mərhələdir. 22 illik bu qısa dövr ərzində Azərbaycanın iqtisadi gücünün artması, ordu quruculuğunun diqqətdə saxlanılması, dövlət idarəçiliyində şəffaflığın prioritet olması Prezident İlham Əliyevin siyasi xəttinin əsas istiqamətlərini təşkil etmişdir. Məhz bu sabit və düşünülmüş daxili və xarici siyasət sayəsində Azərbaycan regional və qlobal miqyasda söz sahibinə çevrilib.

G.Bayramov onu da qeyd edib ki, Azərbaycan Prezidenti İlham Əliyevin apardığı daxili və xarici siyasət ölkəmizi regionun lider dövlətinə çevirib. Dövlət başçısının uzaqgörən və prinsipial addımları nəticəsində bu gün Azərbaycan sülh, təhlükəsizlik və əməkdaşlıq platformasının mərkəzində dayanır.

Daha sonra tədbirdə iştirak edən Sərkar kənd ərazi partiya təşkilatının sədri Şəmistan Yusibov, Sərkar kənd ərazi partiya təşkilatının üzvü Təhmasib Əliyev, Sərkar kənd Ağsaqqallar Şurasının sədri Xaliq Əliyev və Sərkar kənd tam orta məktəbin müəllimi Günel Əhmədova çıxış edərək bildiriblər ki, Prezident İlham Əliyev ölkəyə rəhbərlik etdiyi 22 il ərzində bütün sahələr dinamik inkişaf edib, Azərbaycanın siyasi, iqtisadi imkanları genişləndirilib, ölkəmizin beynəlxalq arenadakı mövqeləri möhkəmləndirilib və 30 il ərzində pozulmuş ərazi bütövlüyümüz bərpa edilib. Ötən dövr ərzində insanların rifah halı daha da yaxşılaşıb və xalqa verilən vədlər bütünlüklə yerinə yetirilib.

Tədbirdə həmçinin qeyd edilib ki, bu gün Azərbaycan dünyanın sürətlə inkişaf edən ölkələri sırasında inamla addımlayır. İlham Əliyevin həyata keçirdiyi düşünülmüş və uzaqgörən siyasətin nəticəsində Azərbaycan demokratik, hüquqi dövlət quruculuğu yolunda böyük uğurlara imza atır.

Paylaş:

Baxılıb: 536 dəfə