Qazaxda 20 Yanvar faciəsi qurbanlarının əziz xatirəsi ehtiramla anılıb

Bakı:

28 °C

65 %

9 m/s

Əlaqə

AZ RU EN

Ana səhifə / YAP xəbərləri / Qazaxda 20 Yanvar faciəsi qurbanlarının əziz xatirəsi ehtiramla anılıb

Qazaxda 20 Yanvar faciəsi qurbanlarının əziz xatirəsi ehtiramla anılıb

19.01.2026 [15:31]

Yeni Azərbaycan Partiyası (YAP) Qazax rayon təşkilatı və Qazax Rayon İcra Hakimiyyətinin (RİH) birgə təşkilatçılığı ilə 20 Yanvar faciəsinin 36-cı ildönümünə həsr olunmuş “20 Yanvar - Müdrik xalqımızın qəhramanlıq salnaməsidir!” mövzusunda tədbir keçirilib.

Tədbir iştirakçıları tərəfindən Qazax şəhərinin mərkəzindəki Şəhidlər xiyabanı ziyarət edilib, abidə önünə tər qərənfillər düzülüb, şəhidlərin ruhuna dualar oxunub.

Tədbir Azərbaycan Respublikasının Dövlət Himninin səsləndirilməsi ilə başlanıb, Ümummilli Lider Heydər Əliyevin və müqəddəs şəhidlərin əziz xatirəsi ehtiramla yad edilib.

YAP Qazax rayon təşkilatının sədri Anar Nəbiyev tədbiri açaraq 20 Yanvar hadisələri zamanı müdrik Azərbaycan xalqının öz azadlığı və müstəqilliyi yolunda böyük qəhrəmanlıq və cəsarət nümayiş etdirdiyini vurğulayıb. Rayon təşkilatının sədri xalqımızın başına gətirilən bu faciənin müstəqilliyə gedən yolun başlanğıcı, dövlətçilik tariximizin qanlı və şanlı səhifəsi olduğunu qeyd edib.

A.Nəbiyev Möhtərəm Prezident, Müzəffər Ali Baş Komandan İlham Əliyev cənablarının rəhbərliyi ilə dövlətimizin günbəgün, zaman -zaman öz hədəflərinə doğru irəlilədiyini, müstəqil, suveren Azərbaycanın bu gün beynəlxalq aləmdə güclü iqtisadiyyata, müstəqil siyasətə, qüdrətli orduya və dünya şöhrətli Liderə malik bir ölkə kimi tanındığını bildirib. O, bütün şəhidlərin, faciə, soyqırım və qətliam qurbanlarının qanının yerdə qalmadığını, onların qisasının artıqlaması ilə alındığını xüsusi vurğulayıb.

Qazax Rayon İcra Hakimiyyətinin başçısı Rəcəb Babaşov çıxış edərək bildirib ki, 20 Yanvar faciəsi müdrik xalqımız üçün təkcə böyük bir faciə deyil, həm də şərəfli bir qəhrəmanlıq salnaməsidir, müstəqillik və istiqlal uğrunda xalqımızın apardığı milli azadlıq hərəkatının zirvə nöqtəsidir. RİH başçısı 20 Yanvar faciəsinin başvermə səbəblərindən, Ulu Öndər Heydər Əliyev tərəfindən bu faciənin dünya ictimaiyyətinə çatdırılmasından, qanlı hadisələrə hüquqi-siyasi qiymət verilməsində Dahi Rəhbərin misilsiz xidmətlərindən, ölkəmizdə yüksək səviyyədə şəhid ailələrinə göstərilən diqqət və qayğıdan ətraflı bəhs edib.

Tədbirdə partiya fəallarından Ülviyyə Bayramova, Fəridə Xudiyeva, şəhid atası Elxan Abdullayev çıxış ediblər. Partiya veteranları şair Cavanşir Rüstəm və Kazım Kazımlı 20 Yanvar faciəsi ilə bağlı şeirlərini səsləndiriblər.

Sonda Qazax Dövlət Dram Teatrının aktyorları ədəbi - bədii kompozisiya ilə çıxış ediblər.

Paylaş:

Baxılıb: 530 dəfə