Azərbaycan–Serbiya münasibətlərinin strateji mahiyyəti və liderlərarası etimad

Bakı:

26 °C

53 %

10 m/s

Əlaqə

AZ RU EN

Ana səhifə / YAP xəbərləri / Azərbaycan–Serbiya münasibətlərinin strateji mahiyyəti və liderlərarası etimad

Azərbaycan–Serbiya münasibətlərinin strateji mahiyyəti və liderlərarası etimad

18.02.2026 [20:37]

Azərbaycan ilə Serbiya arasında mövcud olan münasibətlər uzun illərin sınağından çıxmış, qarşılıqlı etimad və hörmət üzərində qurulmuş dostluq əlaqələridir. Prezident İlham Əliyevin bəyanatında xüsusi vurğulandığı kimi, iki ölkə rəhbərləri arasında formalaşmış şəxsi münasibətlər dövlətlərarası əlaqələrin dərinləşməsində mühüm rol oynayır. Bu münasibətlər rəsmi diplomatik çərçivədən kənara çıxaraq, səmimi və açıq dialoq mühitində davam edir. Məhz bu amil qarşılıqlı anlaşmanı daha da möhkəmləndirir və strateji tərəfdaşlıq üçün möhkəm zəmin yaradır.

Serbiya xalqının tarix boyu dövlət suverenliyinin qorunması uğrunda apardığı mübarizə Azərbaycan tərəfindən böyük hörmətlə qarşılanır. Prezident İlham Əliyev çıxışında bu məqamı xüsusi qeyd edərək, Serbiya xalqının öz müstəqilliyini və dövlətçiliyini qorumaq yolunda verdiyi qurbanların yüksək qiymətləndirildiyini vurğulamışdır. Bu yanaşma Azərbaycanın özünün də oxşar tarixi təcrübəyə malik olması ilə sıx bağlıdır. Hər iki ölkə suverenlik və ərazi bütövlüyü məsələlərinə prinsipial yanaşma nümayiş etdirir.

Serbiyanın bugünkü inkişafı bilavasitə güclü siyasi liderlik və ardıcıl islahatlarla bağlıdır. Prezident İlham Əliyev Serbiya Prezidenti Aleksandar Vuçiçin liderlik keyfiyyətlərini xüsusi vurğulayaraq, dövlət maraqlarının hər zaman ön planda tutulmasının ölkənin uğurlu inkişafına yol açdığını bildirmişdir. Aparılan iqtisadi və sosial islahatlar Serbiyanın beynəlxalq nüfuzunu artırmış, ölkəni regionda etibarlı tərəfdaşa çevirmişdir.

Təbii sərvətləri məhdud olan Serbiyanın öz daxili imkanlarına arxalanaraq inkişaf etməsi müasir Avropa məkanında xüsusi əhəmiyyət kəsb edir. Bu fakt Serbiyanın düzgün iqtisadi siyasət yürütməsinin, investisiya mühitini sağlam əsaslar üzərində qurmasının nəticəsidir. Azərbaycan tərəfi bu təcrübəni yüksək qiymətləndirir və Serbiyanın əldə etdiyi nailiyyətləri dost ölkənin uğuru kimi qəbul edir.

İki ölkə arasında formalaşmış dostluq münasibətləri beynəlxalq platformalarda da özünü göstərir. Azərbaycan və Serbiya beynəlxalq təşkilatlar çərçivəsində bir-birinin ərazi bütövlüyünü və suverenliyini ardıcıl şəkildə dəstəkləyir. Bu qarşılıqlı dəstək münasibətlərin strateji xarakter daşıdığını bir daha təsdiqləyir. Prezident İlham Əliyevin bəyanatında bu prinsipial mövqe açıq şəkildə ifadə olunmuşdur.

Siyasi dialoqun yüksək səviyyədə olması iqtisadi, humanitar və mədəni sahələrdə əməkdaşlığın genişlənməsinə də şərait yaradır. Liderlərarası etimad bütün sahələr üzrə birgə layihələrin reallaşmasını sürətləndirir. Bu baxımdan Serbiya–Azərbaycan münasibətləri klassik diplomatik əlaqələrdən daha irəli gedərək, real tərəfdaşlıq nümunəsinə çevrilmişdir.

Rövşən Qasımov,

YAP Gədəbəy rayon təşkilatının məsləhətçisi

Paylaş:

Baxılıb: 635 dəfə