Qazaxda Soyqırımı qurbanlarının xatirəsi ehtiramla yad edilib

Bakı:

9 °C

93 %

6 m/s

Əlaqə

AZ RU EN

Ana səhifə / YAP xəbərləri / Qazaxda Soyqırımı qurbanlarının xatirəsi ehtiramla yad edilib

Qazaxda Soyqırımı qurbanlarının xatirəsi ehtiramla yad edilib

31.03.2026 [16:37]

31 mart 2026-cı il tarixində YAP Qazax rayon təşkilatı, Qazax rayon İcra Hakimiyyəti və Qazax Rayon Heydər Əliyev Mərkəzinin birgə təşkilatçılığı ilə 31 Mart - Azərbaycanlıların Soyqırımı Gününə həsr olunmuş tədbir keçirilib.

Tədbir Azərbaycan Respublikasının Dövlət Himninin səsləndirilməsi ilə başlanıb, Ümummilli Lider Heydər Əliyevin və müqəddəs şəhidlərin əziz xatirəsi ehtiramla yad edilib. 31 Mart - Azərbaycanlıların Soyqırımı Gününə həsr edilmiş film nümayiş etdirilib.

Tədbirdə YAP Qazax rayon təşkilatının sədri Anar Nəbiyev, Qazax Rayon İcra Hakimiyyəti başçısının müavini Gulaya Həsənova, Qazax - Tovuz Regional İdman İdarəsinin rəisi Əziz Məsmalıyev, BDU Qazax filialında İctimai və Təbiət Fənləri Kafedrasının baş müəllimi, pedaqogika üzrə fəlsəfə doktoru Mübariz Süleymanov, Qazax rayon Heydər Əliyev Mərkəzinin direktoru Ceyhunə Hüseynova, Qazax Tarix Diyarşünaslıq Muzeyinin direktoru Gülnaz Alişanova çıxış ediblər.

Natiqlər qeyd ediblər ki, Azərbaycan xalqının başına gətirilən ən dəhşətli faciələrdən biri də 1918-ci ilin mart-aprel aylarında Bakı Sovetinin mandatı altında fəaliyyət göstərən daşnak-bolşevik silahlı dəstələri tərəfindən xüsusi qəddarlıqla törədilmiş mart soyqırımıdır. Xüsusi vurğulanıb ki, görünməmiş qəddarlıqla törədilən bu qırğın illər boyu xalqımıza qarşı aparılan etnik təmizləmə və soyqırımı siyasətinin davamı və ən qanlı mərhələsi olub.

Çıxışlarda bildirilib ki, Ulu Öndər Heydər Əliyevin 26 mart 1996-cı il tarixli Fərmanı ilə 31 Mart tarixinin Azərbaycanlılarının Soyqırımı Günü elan edilməsi yaşadığımız hər bir faciənin əsaslı şəkildə dünya ictimaiyyətinə çatdırılmasında əhəmiyyətli rol oynayıb. Hər il bu mühüm hadisənin qeyd edilməsi Azərbaycan həqiqətlərinin təbliği, erməni vəhşiliklərinin ifşası yönümündə atılan addımların təqdimatı olur.

Ulu Öndər Heydər Əliyevin siyasi kursunu bütün sahələrdə uğurla davam etdirən Möhtərəm Prezident İlham Əliyevin Sərəncamı ilə 2018-ci ilin ölkəmizdə “Azərbaycan Xalq Cümhuriyyəti İli” elan edilməsi, eyni zamanda, “1918-ci il azərbaycanlıların soyqırımının 100 illiyi haqqında” Sərəncamı 1918-ci ilin mart hadisələrinin bir daha beynəlxalq ictimaiyyətə çatdırılmasında əhəmiyyətli rol oynayır.

Faciədən 108 il keçməsinə baxmayaraq, müdrik xalqımız bu soqırımı böyük ürək ağrısı ilə xatırlayır. Bununla yanaşı, hər bir vətəndaş qalib xalqın nümayəndəsi kimi bu gün Möhtərəm Prezident İlham Əliyevin rəhbərliyi altında əldə olunan uğurlarla fəxr edir, müstəqil, suveren Azərbaycanın regionda və dünyada artan nüfuzundan qürur duyur.

Paylaş:

Baxılıb: 110 dəfə