Gəncədə Ümummilli Lideri Heydər Əliyevin anadan olmasının 103-cü ildönümünə həsr edilmiş tədbir keçirilib

Bakı:

29 °C

52 %

2 m/s

AZ RU EN

Ana səhifə / YAP xəbərləri / Gəncədə Ümummilli Lideri Heydər Əliyevin anadan olmasının 103-cü ildönümünə həsr edilmiş tədbir keçirilib

Gəncədə Ümummilli Lideri Heydər Əliyevin anadan olmasının 103-cü ildönümünə həsr edilmiş tədbir keçirilib

10.05.2026 [18:52]

Gəncə şəhər İcra Hakimiyyətinin dəstəyi, Yeni Azərbaycan Partiyası (YAP) Gəncə şəhər təşkilatının və Gəncə - Daşkəsən Regional Mədəniyyət İdarəsinin birgə təşkilatçlığı ilə xalqımızın Ümummilli Lideri Heydər Əliyevin anadan olmasının 103-cü ildönümünə həsr edilmiş tədbir keçirilib.

Ulu Öndərin adını daşıyan Mərkəzdə təşkil olunan tədbirdə Gəncə Şəhər İcra Hakimiyyətinin başçısı Niyazi Bayramov, Gürcüstanın Gəncədəki Baş konsulu Kaxaber Abdaladze, YAP İdarə Heyətinin üzvü,YAP Gəncə şəhər təşkilatının sədri Bayram Aslanov, Gəncə Dövlət Universitetinin rektoru, professor Yusif Yusibov, Azərbaycan Texnologiya Universitetinin rektoru Yaşar Ömərov, bələdiyyə sədrləri, idarə, müəssisə və təşkilat rəhbərləri, həmçinin partiya fəalları iştirak ediblər.

Əvvəlcə rəsmilər Mərkəzin qarşısında ucaldılmış Ulu Öndər Heydər Əliyevin abidəsini ziyarət edərək önünə gül dəstələri düzüb, dahi şəxsiyyətin xatirəsini ehtiramla yad ediblər.

Tədbir Azərbaycan Respublikasının Dövlət Himninin səsləndirilməsi ilə başlayıb. Müasir Azərbaycan dövlətinin banisi, Ümummilli Lider Heydər Əliyevin və torpaqlarımızın azadlığı uğrunda canlarından keçmiş şəhidlərin əziz xatirəsi bir dəqiqəlik sükutla yad olunub.

Daha sonra Azərbaycan xalqının dahi oğlu, görkəmli dövlət xadimi və müdrik siyasətçi Heydər Əliyevin həyat və fəaliyyətindən bəhs edən sənədli film nümayiş etdirilib.

Gəncə Şəhər İcra Hakimiyyətinin başçısı Niyazi Bayramov çıxış edərək, bildirib ki, bu gün xalqımız Ümummilli Lider Heydər Əliyevin əziz xatirəsini dərin ehtiramla anır. O qeyd edib ki, Ulu Öndər Heydər Əliyev haqqında danışmaq həm böyük şərəf, həm də böyük məsuliyyətdir. Çünki dahi şəxsiyyət Heydər Əliyev təkcə dövlət rəhbəri deyil, müasir müstəqil Azərbaycanın memarı, xalqımızın xilaskarı və dövlətçilik ideologiyasının banisidir.

Niyazi Bayramov vurğulayıb ki, Ulu Öndər Gəncəyə hər səfərində şəhərin inkişafına xüsusi diqqət göstərib, sakinlərlə səmimi görüşlər keçirib, onların qayğı və problemləri ilə yaxından maraqlanıb. “Məhz Heydər Əliyevin Gəncəyə göstərdiyi diqqət və qayğı bu gün də şəhərimizin simasında, onun inkişafında və insanların rifahında öz əksini tapır”, – deyə o bildirib.

YAP İdarə Heyətinin üzvü, YAP Gəncə şəhər təşkilatının sədrİ Bayram Aslanov Azərbaycanın hər qarış torpağını dərindən sevən Ulu Öndər Heydər Əliyevin ideyaları, dövlətçilik fəlsəfəsi və xalqına olan sonsuz məhəbbətindən söz açıb:”Dahi rəhbərin bizə miras qoyduğu siyasi irs yalnız dünənin deyil, bu günün və sabahın da yol göstəricisidir”.

Bitki Mühafizə və Texniki Bitkilər Elmi Tədqiqat İnstitutunun direktoru, AMEA-nın müxbir üzvü İbrahim Cəfərov dahi şəxsiyyət Heydər Əliyevin nurlu xatirəsinin qəlbimizdə, yaddaşlarda əbədi yaşadığını diqqətə çatdıraraq, bildirib ki, müstəqil və qalib Azərbaycanın məğrur vətəndaşları, Ümummilli Lider, fenomenal şəxsiyyət Heydər Əliyevin misilsiz xidmətlərini hər zaman yüksək dəyərləndirir, əziz xatirəsini dərin hörmət və ehtiramla yad edirlər.

Fəal gənc Xalidə Nəbiyeva çıxışında müasir Azərbaycan gəncliyinin Ulu Öndərin ideyalarına sadiq qalaraq ölkənin ictimai-siyasi həyatında fəal iştirak etdiyini, dövlətçilik ənənələrinin qorunması və inkişafında mühüm rol oynadığını diqqətə çatdırıb.

YAP Gəncə şəhər təşkilatının ictimai-siyasi həyatında fəallıq göstərən bir qrup partiya üzvünə “Təşəkkürnamə”, partiyaya yeni qoşulan şəxslərə isə üzvlük vəsiqələri təqdim olunub.

Tədbir bədii hissə ilə davam edib, Ulu Öndərin xatirəsinə ithaf olunan musiqisi Kamala, sözləri ilsə Baba Vəziroğluna aid olan “Xalq Heydər söyləyəcək” mahnısı ilə başa çatıb.

Yekunda Ulu Öndər Heydər Əliyevin qurucusu olduğu Yeni Azərbaycan Partiyasının himni səsləndirilib.

Paylaş:

Baxılıb: 458 dəfə