Qaradağ rayonunda müharibə və faciələrlə bağlı fəaliyyət göstərən QHT rəhbərləri ilə görüş keçirilib

Bakı:

23 °C

78 %

4 m/s

AZ RU EN

Ana səhifə / YAP xəbərləri / Qaradağ rayonunda müharibə və faciələrlə bağlı fəaliyyət göstərən QHT rəhbərləri ilə görüş keçirilib

Qaradağ rayonunda müharibə və faciələrlə bağlı fəaliyyət göstərən QHT rəhbərləri ilə görüş keçirilib

21.07.2026 [10:47]

İyulun 20-də Yeni Azərbaycan Partiyası (YAP) Qaradağ rayon təşkilatında müharibə və faciələrlə bağlı fəaliyyət göstərən bir sıra respublika səviyyəli qeyri-hökumət təşkilatlarının Qaradağ rayon strukturlarının rəhbərləri ilə görüş keçirilib.

Əvvəlcə Ümummilli Lider Heydər Əliyevin və Azərbaycanın müstəqilliyi, ərazi bütövlüyü və suverenliyi uğrunda canlarından keçmiş şəhidlərin əziz xatirəsi bir dəqiqəlik sükutla yad edilib.

Tədbiri giriş sözü ilə açan YAP Qaradağ rayon təşkilatının sədri İlqar İlyasov bildirib ki, görüşün əsas məqsədi rayon ərazisində fəaliyyət göstərən müharibə və faciələrlə bağlı təşkilatların rəhbərləri ilə gələcək birgə fəaliyyət və əməkdaşlıq istiqamətləri üzrə fikir mübadiləsinin aparılmasıdır. Rayon təşkilatının sədri qeyd edib ki, Vətənimizin müstəqilliyi, ərazi bütövlüyü və suverenliyi uğrunda mübarizədə Qaradağ rayonunun sakinləri də böyük qəhrəmanlıq göstərərək şəhidlik zirvəsinə ucalıblar, qazilər isə şərəfli döyüş yolu keçərək sağlamlıqlarını itiriblər. O vurğulayıb ki, qəhrəman şəhidlərimizin əziz xatirəsi dövlətimiz və Yeni Azərbaycan Partiyası tərəfindən daim dərin ehtiramla yad edilir, onların ailə üzvlərinin, qazilərin və veteranların sosial müdafiəsi və problemlərinin həlli hər zaman diqqət mərkəzində saxlanılır.

Ölkəmizdə Qarabağ müharibəsi veteranlarının, müharibə əlillərinin və şəhid ailələrinin sosial müdafiəsinin gücləndirilməsi, onların mənzil-məişət şəraitinin yaxşılaşdırılması istiqamətində həyata keçirilən tədbirlərdən danışan İlqar İlyasov bildirib ki, Ulu Öndər Heydər Əliyev həm 20 Yanvar faciəsi və Xocalı soyqırımı qurbanlarının ailələrinə, həm də Qarabağ müharibəsi şəhidlərinin ailələrinə, veteranlara və müharibə əlillərinə daim böyük diqqət və qayğı göstərib, onların problemlərinin həllini xüsusi diqqətdə saxlayıb. Ümummilli Liderin əsasını qoyduğu bu siyasət bu gün Prezident İlham Əliyev tərəfindən uğurla davam etdirilir. Bu kateqoriyadan olan insanların həyat şəraitinin və sosial rifahının yaxşılaşdırılması istiqamətində ardıcıl tədbirlər həyata keçirilir. Eyni zamanda, 44 günlük Vətən müharibəsində əldə olunan tarixi Zəfərdən sonra işğaldan azad edilmiş ərazilərimizdə “Böyük Qayıdış” Proqramı uğurla icra olunur. Həmin ərazilərdə salınan müasir “ağıllı şəhərlər”, qəsəbələr və kəndlər artıq öz daimi sakinlərini qəbul edir.

İlqar İlyasov görüş iştirakçılarını fəal müzakirələrə və fikir mübadiləsinə dəvət edərək əmin olduğunu bildirib ki, bugünkü görüş gələcək birgə fəaliyyətin və əməkdaşlığın inkişafına mühüm töhfələr verəcək.

Tədbirdə çıxış edən Qaradağ rayon İcra Hakimiyyəti müharibə iştirakçıları və şəhid ailələri ilə işin təşkili sektorunun baş məsləhətçisi Röyal Əşrəfov, Qarabağ Müharibəsi Əlilləri, Şəhid Ailələri və Veteranları İctimai Birliyinin Qaradağ rayon şöbəsinin sədri Məqsud Heydərov, “Qarabağ Qaziləri” İctimai Birliyinin Qaradağ filialının sədri Əvəz İsmayılov, sədrin müavini Qafqaz Əhmədov, Müharibə, Əmək və Silahlı Qüvvələr Veteranları Təşkilatının Qaradağ rayon şöbəsinin sədri Əli Məmmədov, şəhid anası Fəridə İsmayılova, Çernobıl Əlilləri Cəmiyyətinin Qaradağ rayon şöbəsinin sədri Raidə Məmmədova, “20 Yanvar” İctimai Birliyinin Qaradağ rayon şöbəsinin sədri Vəfadar İbrahimli və Azərbaycan Vətən Müharibəsi Veteranları Birliyinin Qaradağ rayon bölməsi sədrinin müavini Telman Salmanov bildiriblər ki, əsası Ulu Öndər Heydər Əliyev tərəfindən qoyulan və Prezident İlham Əliyev tərəfindən uğurla davam etdirilən şəhid ailələrinə, qazilərə, veteranlara və müharibə əlillərinə göstərilən dövlət qayğısı bu gün də yüksək səviyyədə davam etdirilir.

Natiqlər bugünkü görüşün əhəmiyyətini yüksək qiymətləndirərək qeyd ediblər ki, belə görüşlər gələcək fəaliyyət istiqamətlərinin müəyyənləşdirilməsi, qarşılıqlı əməkdaşlığın genişləndirilməsi, eləcə də gənclər arasında hərbi-vətənpərvərlik ruhunun yüksəldilməsi istiqamətində təbliğat işinin daha səmərəli qurulması baxımından xüsusi əhəmiyyət kəsb edir.

Paylaş:

Baxılıb: 282 dəfə