Suverenlikdən sonra yeni dövlətçilik mərhələsi Yeni Azərbaycan Partiyasının VIII Qurultayı

Bakı:

18 °C

88 %

0 m/s

Əlaqə

AZ RU EN

Ana səhifə / YAP xəbərləri / Suverenlikdən sonra yeni dövlətçilik mərhələsi Yeni Azərbaycan Partiyasının VIII Qurultayı

Suverenlikdən sonra yeni dövlətçilik mərhələsi Yeni Azərbaycan Partiyasının VIII Qurultayı

05.10.2026 [16:36]

Azərbaycan Respublikasının Prezidenti, Yeni Azərbaycan Partiyasının Sədri İlham Əliyevin Yeni Azərbaycan Partiyasının VIII Qurultayında çıxışı Azərbaycanın müasir inkişaf mərhələsinin əsas siyasi və strateji istiqamətlərini əks etdirən mühüm nitq olmuşdur. 2026-cı il oktyabrın 2-də keçirilən VIII Qurultay Azərbaycanın ərazi bütövlüyünün və dövlət suverenliyinin tam bərpasından sonra keçirilən ilk qurultay olması baxımından xüsusi siyasi və tarixi əhəmiyyət daşıyır. Çıxışda Azərbaycanın müstəqillik illərində keçdiyi inkişaf yolu, dövlətçilik ənənələrinin möhkəmləndirilməsi, əldə olunmuş tarixi Zəfər və qarşıdakı dövrün əsas vəzifələri geniş şəkildə diqqətə çatdırılmışdır.

Prezident İlham Əliyev Yeni Azərbaycan Partiyasının yaranmasının Azərbaycanın mürəkkəb siyasi dövrünə təsadüf etdiyini və partiyanın formalaşmasının dövlətçiliyin qorunması baxımından mühüm rol oynadığını vurğulamışdır. Çıxışda Ulu Öndər Heydər Əliyevin siyasi irsinin Azərbaycanın müasir dövlətçilik modelinin əsasını təşkil etdiyi, bu siyasi xəttin Prezident İlham Əliyevin rəhbərliyi ilə yeni tarixi şəraitə uyğun şəkildə davam etdirildiyi qeyd edilmişdir. Dövlət müstəqilliyinin möhkəmləndirilməsi, milli maraqların qorunması, güclü dövlət institutlarının yaradılması, iqtisadi və hərbi potensialın artırılması bu siyasətin əsas istiqamətləri kimi önə çəkilmişdir.

Çıxışın mühüm hissəsi Azərbaycanın 2020-ci ildə Vətən müharibəsində qazandığı tarixi Zəfərə və 2023-cü ildə dövlət suverenliyinin tam bərpa edilməsinə həsr olunmuşdur. Prezident İlham Əliyev bu hadisələri Azərbaycan dövlətçiliyinin yeni mərhələsinin başlanğıcı kimi qiymətləndirmişdir. Vətən müharibəsində qazanılmış Qələbənin uzun illər ərzində həyata keçirilmiş məqsədyönlü dövlət siyasətinin, güclü ordunun, iqtisadi imkanların və xalq-dövlət birliyinin nəticəsi olduğu vurğulanmışdır.

Prezidentin çıxışında Azərbaycanın beynəlxalq mövqeyinin möhkəmlənməsi və müstəqil xarici siyasət kursu da xüsusi yer tutmuşdur. Azərbaycanın müxtəlif dövlətlərlə siyasi, iqtisadi, enerji, nəqliyyat və digər sahələrdə əməkdaşlığını genişləndirməsi onun regional və beynəlxalq əhəmiyyətini artıran əsas amillərdən biri kimi qeyd edilmişdir. Milli maraqlara əsaslanan, çoxşaxəli və müstəqil xarici siyasət Azərbaycanın dövlət suverenliyinin mühüm dayağı kimi təqdim olunmuşdur.

Çıxışda hərbi gücün və milli təhlükəsizliyin qorunmasının aktuallığı da vurğulanmışdır. Tarixi Zəfərin əldə olunmasına baxmayaraq, müasir dünyada təhlükəsizlik çağırışlarının davam etdiyi və Azərbaycanın müdafiə qabiliyyətinin daim gücləndirilməsinin vacib olduğu bildirilmişdir. Güclü ordu ölkənin yalnız müdafiə imkanlarını deyil, eyni zamanda sülh və sabitliyin qorunmasına xidmət edən çəkindirici potensialını təmin edən əsas amil kimi qiymətləndirilmişdir.

Prezident İlham Əliyevin çıxışında ideoloji və informasiya təhlükəsizliyi məsələsi də mühüm yer tutmuşdur. Müasir dövrdə informasiya texnologiyalarının və sosial medianın sürətli inkişafı yeni çağırışlar yaratdığından, cəmiyyətin informasiya savadlılığının artırılması, gənclərin milli və dövlətçilik dəyərləri əsasında maarifləndirilməsi, saxta məlumat və xarici ideoloji təsirlərə qarşı dayanıqlığın gücləndirilməsi mühüm vəzifələr kimi önə çəkilmişdir. Bu baxımdan Yeni Azərbaycan Partiyasının ideoloji fəaliyyətinin müasir dövrün tələblərinə uyğunlaşdırılması xüsusi əhəmiyyət daşıyır.

Çıxışda iqtisadi inkişaf, enerji təhlükəsizliyi və nəqliyyat imkanlarının genişləndirilməsi də Azərbaycanın gələcək inkişafının əsas istiqamətləri sırasında göstərilmişdir. Güclü iqtisadiyyatın siyasi və dövlət müstəqilliyinin mühüm dayağı olduğu, enerji və nəqliyyat layihələrinin Azərbaycanın beynəlxalq mövqelərinin möhkəmlənməsinə və yeni iqtisadi imkanların yaranmasına xidmət etdiyi vurğulanmışdır. Bununla yanaşı, sosial siyasətin davam etdirilməsi və əhalinin rifahının yüksəldilməsi dövlət siyasətinin əsas prioritetlərindən biri kimi qeyd edilmişdir.

Qarabağ və Şərqi Zəngəzurun bərpası və Böyük Qayıdış prosesinin davam etdirilməsi də çıxışın mühüm istiqamətlərindən olmuşdur. İşğaldan azad edilmiş ərazilərdə genişmiqyaslı quruculuq işlərinin aparılması, müasir infrastrukturun yaradılması və keçmiş məcburi köçkünlərin doğma torpaqlarına qayıdışının təmin edilməsi Azərbaycanın postmüharibə dövründə qarşısında duran əsas vəzifələrdən biri kimi təqdim edilmişdir.

Prezident Cənab İlham Əliyevin Yeni Azərbaycan Partiyasının VIII Qurultayında çıxışı Azərbaycanın Zəfərdən sonra daxil olduğu yeni tarixi mərhələnin əsas xüsusiyyətlərini və qarşıda duran strateji vəzifələri əks etdirir. Çıxışın əsas mahiyyətini dövlət müstəqilliyinin və suverenliyin qorunması, milli maraqların təmin edilməsi, iqtisadi və hərbi gücün artırılması, ideoloji və informasiya təhlükəsizliyinin möhkəmləndirilməsi, beynəlxalq mövqelərin gücləndirilməsi və Qarabağla Şərqi Zəngəzurun bərpasının davam etdirilməsi təşkil edir. Bu baxımdan VIII Qurultay Azərbaycanın tam suveren dövlət kimi yeni inkişaf mərhələsinin prioritetlərinin müəyyənləşdirilməsi baxımından mühüm siyasi hadisə kimi qiymətləndirilə bilər.

Kamran Quliyev

YAP Yasamal rayon “Moskva pr. 67” ünvanı (ADSEA)

üzrə ərazi partiya təşkilatının sədr müavini

Paylaş:

Baxılıb: 31 dəfə