Respublika Pediatriya Mərkəzində YAP-ın VIII Qurultayından irəli gələn məsələlərə həsr olunan müşavirə keçirilib

Bakı:

22 °C

88 %

7 m/s

AZ RU EN

Ana səhifə / YAP xəbərləri / Respublika Pediatriya Mərkəzində YAP-ın VIII Qurultayından irəli gələn məsələlərə həsr olunan müşavirə keçirilib

Respublika Pediatriya Mərkəzində YAP-ın VIII Qurultayından irəli gələn məsələlərə həsr olunan müşavirə keçirilib

15.10.2026 [18:07]

Oktyabrın 15-də Respublika Pediatriya Mərkəzinin nəzdində fəaliyyət göstərən S.Vurğun küçəsi 956-cı məhəllə (Respublika Pediatriya Mərkəzi) üzrə ərazi partiya təşkilatında “Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyevin YAP-ın VIII Qurultayındakı nitqindən irəli gələn məsələlər” mövzusunda müşavirə keçirilib.

Müşavirədə YAP Nəsimi rayon təşkilatının sədri Azər Süleymanov, Respublika Pediatriya Mərkəzinin direktoru, ərazi partiya təşkilatının sədri Erkin Rəhimov, Mərkəzin rəhbər heyəti və tabeliyindəki tibb müəssisələrinin əməkdaşları iştirak ediblər.
Tədbir Ulu Öndər Heydər Əliyevin və Azərbaycanın ərazi bütövlüyü və suverenliyi uğrunda canlarından keçmiş şəhidlərin əziz xatirəsinin bir dəqiqəlik sükutla yad edilməsi ilə başlayıb. Ardınca Azərbaycan Respublikasının Dövlət Himni səsləndirilib.
Müşavirəni giriş sözü ilə açan Respublika Pediatriya Mərkəzinin direktoru Erkin Rəhimov Prezident İlham Əliyevin YAP-ın VIII Qurultayındakı nitqindən irəli gələn vəzifələrin əhəmiyyətindən danışıb. O, səhiyyə işçilərinin fəaliyyətində peşəkarlığın, vətəndaş məsuliyyətinin və insanlara həssas münasibətin vacibliyini vurğulayıb. Uşaqların sağlamlığının qorunması və əhaliyə göstərilən tibbi xidmətlərin keyfiyyətinin yüksəldilməsi istiqamətində kollektivin üzərinə düşən vəzifələrə diqqət çəkib.
Daha sonra çıxış edən YAP Nəsimi rayon təşkilatının sədri Azər Süleymanov qurultayda səsləndirilən fikirlərin partiya təşkilatlarının fəaliyyəti üçün əhəmiyyətindən bəhs edib. O, ideoloji işin müasir tələblərə uyğun qurulmasının, partiya üzvlərinin ictimai fəallığının artırılmasının, milli-mənəvi dəyərlərin və tarixi yaddaşın qorunmasının vacibliyini qeyd edib.
Ərazi partiya təşkilatının sədr müavini, həkim-pediatr Şəhla Quliyeva çıxışında kollektivdə maarifləndirmə işinin və həmrəyliyin gücləndirilməsi, gənc əməkdaşların ictimai fəaliyyətə cəlb olunması məsələlərinə toxunub.
Respublika Pediatriya Mərkəzinin direktorunun müalicə işləri üzrə müavini Günel Əhmədova tibbi xidmətlərin keyfiyyətinin artırılmasında həkimlərin peşəkar hazırlığının və davamlı təhsilin rolundan danışıb. Direktorun inzibati məsələlər üzrə müavini Qalib Məmmədov isə qarşıya qoyulan vəzifələrin icrasında səmərəli idarəetmənin, əmək intizamının və əməkdaşlar arasında koordinasiyanın əhəmiyyətini vurğulayıb.
Müşavirədə Uşaq Bərpa Mərkəzinin rəhbəri Cəmilə Talıbova, Yasamal Uşaq Klinik Xəstəxanasının pediatriya şöbəsinin müdiri Güllü Əsgərova, Nərimanov Uşaq Klinik Xəstəxanasının Təcili və təxirəsalınmaz tibbi yardım şöbəsinin müdiri Sevinc Hüseynova, Sabunçu Uşaq Yoluxucu Xəstəliklər Xəstəxanasının həkim-infeksionisti Mahirə Şahbazova və Ə.F. Qarayev adına Uşaq Klinik Xəstəxanasının baş tibb bacısı Ülviyyə Həsənova da çıxış ediblər.
Çıxışlarda YAP-ın VIII Qurultayından irəli gələn vəzifələr, milli-mənəvi dəyərlərin qorunması, partiya üzvlərinin ictimai fəallığının artırılması və ideoloji maarifləndirmə işinin gücləndirilməsi məsələlərinə toxunulub.
Müşavirə Yeni Azərbaycan Partiyasının Himninin səsləndirilməsi ilə başa çatıb.

Paylaş:

Baxılıb: 9 dəfə

Xəbər lenti

Hamısına bax