YAP Qubadlı rayon təşkilatı Ümummilli lider Heydər Əliyevin anadan olmasının 91-ci ildönümü münasibətilə silsilə tədbirlər keçirir

Bakı:

26 °C

61 %

6 m/s

AZ RU EN

Ana səhifə / YAP xəbərləri / YAP Qubadlı rayon təşkilatı Ümummilli lider Heydər Əliyevin anadan olmasının 91-ci ildönümü münasibətilə silsilə tədbirlər keçirir

YAP Qubadlı rayon təşkilatı Ümummilli lider Heydər Əliyevin anadan olmasının 91-ci ildönümü münasibətilə silsilə tədbirlər keçirir

25.04.2014 [09:28]

Azərbaycan xalqının Ümummilli lideri Heydər Əliyevin anadan olmasının 91-ci ildönümü münasibətilə Qubadlı rayon İcra Hakimiyyəti və Yeni Azərbaycan Partiyası (YAP) Qubadlı rayon təşkilatı silsilə tədbirlər keçirir. Dünən isə rayon partiya təşkilatı fəallarının, o cümlədən, gənclərin iştirakı ilə növbəti tədbir keçirilib. Tədbiri giriş sözü ilə açan Yeni Azərbaycan Partiyası Qubadlı rayon təşkilatının sədri, Qubadlı rayon İcra Hakimiyyəti başçısının birinci müavini Allahverdi Haxverdiyev Ulu öndər Heydər Əliyevin Azərbaycanın inkişafındakı xidmətlərindən danışıb.
Allahverdi Haxverdiyev, həmçinin, Ümummilli liderimiz Heydər Əliyev tərəfindən təməli qoyulan, ölkəmizi inkişafa aparan siyasi kursun Prezident İlham Əliyev tərəfindən uğurla davam və inkişaf etdirildiyini söyləyib. O da vurğulanıb ki, ölkəmizdə gənclərə diqqət və qayğı göstərilir. “Gənclər hər zaman istər xalqın, istərsə də dövlətin gələcəyi kimi xarakterizə olunur. Bu baxımdan, Azərbaycanda yetişən sağlam gənclik dövlətimizin inkişafına əsl töhfədir. Ulu öndər Heydər Əliyev gəncləri hər zaman ölkənin inkişafının əsas hərəkətverici qüvvəsi adlandırırdı və onlara etimad göstərirdi. Bu siyasi kurs Prezident İlham Əliyev tərəfindən də uğurla davam etdirilir”.
Daha sonra çıxış edən YAP Qubadlı rayon təşkilatının Gənclər Birliyinin sədri Aqil Quliyev, YAP Qubadlı rayon təşkilatının sədr müavini Əli Ələsgərov, rayon təşkilatının fəalları, o cümlədən, Mərdanlı kənd tam orta məktəb ilk partiya təşkilatının sədri Çimnaz Kərimova, Mərdanlı kənd tam orta məktəbinin direktoru Könül Kərimova və tarix müəllimi Günay Paşayeva Ulu öndər Heydər Əliyevin Azərbaycan xalqı qarşısında gördüyü misilsiz xidmətlər haqqında danışıblar. Çıxışlarda qeyd olunub ki, Ümummilli lider Heydər Əliyevin rəhbərliyi ilə 1969-1982-ci illərdə Azərbaycanda sənayenin inkişafı təmin edilib. Eyni zamanda, müstəqillik dövründə Ulu öndərimizin rəhbərliyi ilə ölkənin uzunmüddətli, dinamik və hərtərəfli inkişafını təmin edən kompleks inkişaf proqramları hazırlanıb və uğurla icra olunub.
Sonda Yeni Azərbaycan Partiyası Qubadlı rayon təşkilatına yeni üzv olan şəxslərə üzvlük vəsiqələri verilib.
Pərviz SADAYOĞLU

Paylaş:

Baxılıb: 1204 dəfə