YAP Gənclər Birliyinin “Yay məktəbi” layihəsinin ikinci turuna start verilib

Bakı:

24 °C

57 %

6 m/s

Əlaqə

AZ RU EN

Ana səhifə / YAP xəbərləri / YAP Gənclər Birliyinin “Yay məktəbi” layihəsinin ikinci turuna start verilib

YAP Gənclər Birliyinin “Yay məktəbi” layihəsinin ikinci turuna start verilib

14.07.2014 [12:48]

Yeni Azərbaycan Partiyası (YAP) Gənclər Birliyinin “Gənc liderlər” gənc siyasətçilər üçün “Yay məktəbi” layihəsinin II turuna start verilib. Bununla bağlı iyulun 12-də YAP Mərkəzi Aparatında toplantı keçirilib. Layihənin II turu çərçivəsində Oğuz rayonuna yola düşəcək gənclərlə görüş xarakterli tədbirdə YAP İcra katibinin müavini, Milli Məclisin deputatı Siyavuş Novruzov, “Yeni Azərbaycan” qəzetinin baş redaktoru Hikmət Babaoğlu, YAP Gənclər Birliyinin sədri, partiyanın Siyasi Şurasının üzvü Seymur Orucov, YAP Gənclər Birliyinin sədr müavini, partiyanın Siyasi Şurasının üzvü Samirə Quliyeva, YAP Gənclər Birliyi ofisinin əməkdaşları və layihənin ilk mərhələsində iştirak edəcək gənclər iştirak ediblər.
Toplantıda çıxış edən YAP İcra katibinin müavini Siyavuş Novruzov hər il həyata keçirilən “Yay məktəbi” layihəsinin məqsədinin gənclərin bilik və bacarıqlarının, eləcə də intellektual potensiallarının artırılması, ünsiyyət imkanlarının genişləndirilməsi və asudə vaxtlarının səmərəli təşkil edilməsini olduğunu vurğulayıb. Yeni Azərbaycan Partiyasının daim gənclərə xüsusi diqqət və qayğı göstərdiyini diqqətə çatdıran S.Novruzov deyib ki, YAP-da təmsil olunan gənclər öz intellektual səviyyə və bacarıqları ilə nümunədirlər. Bu cür layihələrin gənclərin inkişafına xidmət etdiyini bildirən YAP İcra katibinin müavini layihə çərçivəsində müxtəlif görüş, təlim, diskussiya və interaktiv oyunların keçirilməsinin bilik və bacarıqların artırılmasına xidmət etdiyini əlavə edib.
S.Novruzov gənclərə layihə çərçivəsində nəzərdə tutulan proqramdan kənara çıxmamağı və intizam qaydalarına ciddi əməl etmələrini tövsiyə edib.
Sonra “Yeni Azərbaycan” qəzetinin baş redaktoru, Oğuz II tur qrupunun rəhbəri Hikmət Babaoğlu “Gənc liderlər” gənc siyasətçilər üçün “Yay məktəbi” layihəsinin əhəmiyyətindən bəhs edib. Baş redaktor bu cür layihələrin Yeni Azərbaycan Partiyasının gənclərə göstərdiyi diqqət və qayğının nümunəsi olduğunu bildirib.
Daha sonra tədbir iştirakçılarına layihənin proqramı haqqında məlumatlar verilib.
Qeyd edək ki, Lerikə yola düşəcək gənclərlə də həmin gün görüş keçirilib. YAP-ın İcra katibinin müavini Siyavuş Novruzov çıxış edərək builki “Yay məktəbi” layihəsinin daha geniş şəkildə təşkil olunduğunu vurğulayıb. Diqqətə çatdırılıb ki, 800 gənc 5 mərhələdə Lerik və Oğuzda “Yay məktəbi”ndə iştirak edəcək, Bakı şəhəri ilə yanaşı, regionlardan olan gənclər də təmsil olunacaq.
Daha sonra gənclərə müvafiq tövsiyə və tapşırıqlar verilib.
“Səs” qəzetinin baş redaktoru, Lerik turunun qrup rəhbəri Bəhruz Quliyev isə gənclərə uğurlar arzulayaraq “Yay məktəbi”nin gənclərin bilik və bacarıqlarının artırılmasında səmərəli olacağını bildirib.
NURLAN

Paylaş:

Baxılıb: 1012 dəfə