Qazaxda bələdiyyə seçkilərində YAP tərəfindən irəli sürülmüş namizədlərlə görüş keçirilib

Bakı:

26 °C

61 %

9 m/s

Əlaqə

AZ RU EN

Ana səhifə / YAP xəbərləri / Qazaxda bələdiyyə seçkilərində YAP tərəfindən irəli sürülmüş namizədlərlə görüş keçirilib

Qazaxda bələdiyyə seçkilərində YAP tərəfindən irəli sürülmüş namizədlərlə görüş keçirilib

06.12.2014 [12:45]

Dekabrın 23-də keçiriləcək bələdiyyə seçkiləri ilə əlaqədar təbliğat-təşviqat kampaniyası ölkəmizin hər yerində uğurla davam etdirilir. Bu çərçivədə növbəti görüş Qazax rayonunda keçirilib. Yeni Azərbaycan Partiyası (YAP) Qazax rayon təşkilatı tərəfindən bələdiyyəyə namizədliyi irəli sürülmüş partiya fəalları ilə görüşdə Milli Məclisin deputatı Əhməd Vəliyev, “Səs” qəzetinin baş redaktoru Bəhruz Quliyev, YAP İcra Katibliyinin məsul işçisi Rafael Gülməmmədov iştirak ediblər.
Tədbiri giriş sözü ilə açan YAP Qazax rayon təşkilatının sədri Həmid Pənahov qeyd edib ki, rayonda təbliğat-təşviqat kampaniyası uğurla davam edir. Bildirilib ki, rayonda 17 bələdiyyəyə seçki keçiriləcək. YAP tərəfindən 165 nəfər bələdiyyə üzvü yerinə 165 nəfərin namizədliyi irəli sürülüb: “Namizədlərimizin hamısı ali təhsillidirlər. Partiyamızın namizədlərinin 37 faizini qadınlar, 34 faizini gənclər təşkil edir. 21 nəfərdən ibarət Yeni Azərbaycan Partiyası Seçki Qərargahı Qazax rayon şöbəsinin üzvləri ayrı-ayrı yaşayış məntəqələrində təbliğat-təşviqat kampaniyası çərçivəsində seçicilərlə görüşlər keçirirlər. 107 saylı Qazax Seçki Dairəsi üzrə 14, 106 saylı Tovuz-Qazax-Ağstafa Seçki Dairəsi üzrə 3 bələdiyyəyə keçiriləcək seçkilərə tam hazırıq. 107 saylı Qazax Seçki Dairəsi ərazisində 42507 nəfər, 106 saylı Tovuz-Qazax-Ağstafa Seçki Dairəsi ərazisində 11886 nəfər seçici vardır. Bələdiyyə seçkilərinin demokratik, ədalətli və Seçki Məcəlləsinə uyğun keçirilməsi üçün bütün gücümüzlə çalışırıq. Müşahidəçilərin və məşvərətçi səs hüquqlu komissiya üzvlərinin sənədləri hazırlanıb Dairə Seçki Komissiyalarına təqdim olunub. Bütün seçkilərdə olduğu kimi, bələdiyyə seçkilərində də Yeni Azərbaycan Partiyası inamlı qələbə qazanacaq”.
Daha sonra tədbirdə çıxış edən millət vəkili, professor Əhməd Vəliyev və “Səs” qəzetinin baş redaktoru Bəhruz Quliyev son illərdə ölkəmizdə qazanılan uğurlardan danışıblar. Vurğulanıb ki, Yeni Azərbaycan Partiyası qüdrətli, siyasi arenada özünəməxsus yer tutan ümumxalq partiyasıdır. Bir daha əminlik ifadə olunub ki, bütün seçkilərdə olduğu kimi, 23 dekabrda keçiriləcək bələdiyyə seçkilərində də Yeni Azərbaycan Partiyasının qələbə qazanacağı heç kəsdə şübhə doğurmur.
Tədbirdə Qazax rayonunun seçicilərinin YAP-ın namizədlərini dəstəkləyəcəyi ifadə olunub.
Pərviz SADAYOĞLU

Paylaş:

Baxılıb: 1118 dəfə