YAP Səbail rayon təşkilatında XI konfransa hazırlıq davam edir

Bakı:

9 °C

93 %

2 m/s

Əlaqə

AZ RU EN

Ana səhifə / YAP xəbərləri / YAP Səbail rayon təşkilatında XI konfransa hazırlıq davam edir

YAP Səbail rayon təşkilatında XI konfransa hazırlıq davam edir

08.02.2017 [09:57]

Yeni Azərbaycan Partiyası (YAP) Səbail rayon təşkilatının XI konfransına hazırlıq məqsədilə ərazi ilk partiya təşkilatlarının hesabat-seçki yığıncaqları davam edir. Beləliklə, növbəti yığıncaq “Xəzər dənizçiləri” (Azərbaycan Xəzər Dəniz Gəmiçiliyi QSC) ərazi ilk partiya təşkilatında keçirilib. Yığıncaqda təşkilatın sədri İzafət Məmmədov 2015-2016-cı illərdə təşkilatın fəaliyyətinə dair hesabat məruzəsi ilə çıxış edib. O, ötən müddətdə təşkilatın sıralarının xüsusilə yüksək bilik və bacarığa, müasir dünyagörüşə malik gənclərin hesabına genişləndiyini, taleyini gəmiçiliklə bağlayan bu gənclərin YAP-ın üzvü olduqları ilə fəxr etdiklərini qeyd edib.
Sonra çıxış edən ərazi ilk partiya təşkilatının üzvləri Fuad Hacıəliyev, Mirkazım Babayev, Bayram Balakişiyev və başqaları təşkilatın hesabat dövründəki fəaliyyətini qənaətbəxş qiymətləndiriblər.
Yığıncaqda çıxış edən YAP Səbail rayon təşkilatı sədrinin müavini Əhliman Qarayev dinamik inkişaf edən ölkəmizin əldə etdiyi yüksək nailiyyətlərdə yarandığı gündən Azərbaycan dövlətinə və xalqına sədaqətlə xidmət edən YAP-ın əhəmiyyətli rolundan bəhs edib.
Sonda ərazi ilk partiya təşkilatının yeni idarə heyətinin üzvləri, sədri, sədr müavini, eləcə də YAP Səbail rayon təşkilatının XI konfransına nümayəndələr seçilib.
YAP Səbail rayon təşkilatı “Dezinfektorlar” (Bakı şəhər “Dezinfeksiya Stansiyası Səbail rayonlararası bölməsi” MMC) ərazi ilk partiya təşkilatında keçirilmiş hesabat-seçki yığıncağında hesabat məruzəsi ilə çıxış edən təşkilat sədri G.Həsənova Ulu öndər Heydər Əliyevin zəngin dövlətçilik ənənələrinin layiqli davamçısı Prezident İlham Əliyevin uğurlu siyasətinin nəticələrindən bəhs edib. G.Həsənova vurğulayıb ki, ərazi ilk partiya təşkilatının üzvləri qadınlardır və qadınlarımızın ölkəmizin ictimai-siyasi həyatında rolunun artması çox təqdirəlayiq haldır.
Sonra ərazi ilk partiya təşkilatının yeni idarə heyətinin üzvləri, sədri, sədr müavini, eləcə də YAP Səbail rayon təşkilatının XI konfransına nümayəndələr seçilib.
“Yaşıl Teatr” Bakı Konsert Kompleksi ərazi ilk partiya təşkilatında keçirilmiş hesabat-seçki yığıncağında isə ərazi ilk partiya təşkilatının sədri Məmməd Hümbətov hesabat məruzəsi ilə çıxış edib.
Sonra çıxış edən YAP Səbail rayon təşkilatı sədrinin birinci müavini Muxtar Nağıyev, ərazi ilk partiya təşkilatı üzvləri İlqar Cavadov, Nigar Bünyatzadə və Samirə Məmmədova “Yaşıl Teatr” Bakı Konsert Kompleksi ərazi ilk partiya təşkilatının hesabatını qənaətbəxş qiymətləndiriblər.
Yığıncaqda ərazi ilk partiya təşkilatının yeni idarə heyətinin üzvləri, sədri, sədr müavini, eləcə də YAP Səbail rayon təşkilatının XI konfransına nümayəndələr seçilib.

Paylaş:

Baxılıb: 803 dəfə