YAP Tovuz rayon təşkilatında Yeni Azərbaycan Partiyasının 25 illik yubileyi böyük təntənə ilə qeyd edilib

Bakı:

11 °C

87 %

2 m/s

AZ RU EN

Ana səhifə / YAP xəbərləri / YAP Tovuz rayon təşkilatında Yeni Azərbaycan Partiyasının 25 illik yubileyi böyük təntənə ilə qeyd edilib

YAP Tovuz rayon təşkilatında Yeni Azərbaycan Partiyasının 25 illik yubileyi böyük təntənə ilə qeyd edilib

08.11.2017 [09:46]

Yeni Azərbaycan Partiyasının (YAP) yaradılmasının 25-ci ildönümü ilə əlaqədar YAP Tovuz rayon təşkilatı təntənəli tədbir keçirib. Tədbir iştirakçıları əvvəlcə Ulu öndər Heydər Əliyevin şəhərin mərkəzi meydanındakı abidəsini ziyarət edib, abidənin önünə gül-çiçək dəstələri qoyublar.
Mədəniyyət evində davam edən yubiley tədbirində rayon təşkilatının sədri Məzahir Bayramov partiyanın yaranma tarixi, keçdiyi yol və uğurları barədə geniş məruzə ilə çıxış edib. Onun sözlərinə görə, Yeni Azərbaycan Partiyası Azərbaycanda yeganə partiyadır ki, xalqın istəyi ilə və xalqın Heydər Əliyevə olan sevgisindən yaranıb. YAP-ı güclü partiyaya xalqın gücü və Heydər Əliyevin böyük şəxsiyyəti çevirib. M.Bayramov deyib ki, partiyamızın tarixi və onun keçdiyi çətin və şərəfli yol göstərdi ki, bu partiyanın təməl daşlarını qoyanlar yeni müstəqil dövlətimizin siyasi-iqtisadi, sosial-mədəni inkişafının istiqamətini müəyyən etməkdə öz seçimlərində, düşüncə və əməllərində tam haqlı olublar.
Daha sonra YAP Tovuz rayon təşkilatının sədri vurğulayıb ki, cənab İlham Əliyevin rəhbərliyi ilə Yeni Azərbaycan Partiyasının üzvləri, bütövlükdə Azərbaycan xalqı Ulu öndərimiz Heydər Əliyevin xəttinə, Heydər Əliyev şəxsiyyətinə və siyasətinə sədaqətdə dönməzdir.
Tədbirdə çıxış edən YAP Tovuz rayon təşkilatı Gənclər Birliyinin sədri Nihad Pənahov, Qadınlar Şurasının sədri Aybəniz Dəmirova, partiya veteranı Vilayət Həsənov partiyanın yaranmasından ötən 25 ildə əldə olunan uğurlardan və ölkəmizdə həyata keçirilən dövlət gənclər siyasətindən, partiya fəaliyyətində qadınların iştirakına xüsusi önəm verilməsindən, onların hər zaman siyasi mübarizənin önündə getməyə hazır olmalarından bəhs ediblər.
Tədbirdə çıxış edən rayon İcra Hakimiyyətinin başçısı, YAP rayon təşkilatı İdarə Heyətinin üzvü Tofiq Zeynalov bildirib ki, Yeni Azərbaycan Partiyasının güclü siyasi təşkilat kimi formalaşması, ölkəmizin içtimai-siyasi həyatında iqtidar partiyası kimi aparıcı yer tutması dövrün məntiqi reallığı idi. Heydər Əliyev siyasi baxışlarından və siyasi fəlsəfəsindən səmərəli şəkildə bəhrələnməsi partiyanın qələbələr qazanmasını şərtləndirirdi. Bu gün də YAP möhtərəm Prezidentimiz, partiyamızın Sədri cənab İlham Əliyevin rəhbərliyi ilə böyük uğurlar qazanır. Partiyamız ölkənin bugünkü sürətli inkişafında, respublikanın beynəlxalq nüfuzunun artmasında bütün sahələrdə əldə olunan tərəqqidə xüsusi rola malikdir. Ulu öndərimiz Heydər Əliyevin və cənab Prezidentin siyasətinə sadiq olan tovuzlular bundan sonra da bu yola sədaqətlə xidmət göstərəcəklər.
Tədbirin sonunda rayonun ictimai-siyasi həyatında fəal iştirak edən bir qrup partiya üzvlərinə fəxri fərman və qiymətli hədiyyələr verilib, partiya sıralarına yeni qəbul olunmuş üzvlərə partiya vəsiqələri təqdim olunub.

Paylaş:

Baxılıb: 739 dəfə