Heydər Əliyev
yeni azerbaycan logo

Ana səhifə / YAP xəbərləri / Yeni Azərbaycan Partiyası Sədərək rayon təşkilatının Şura iclası keçirilib

Yeni Azərbaycan Partiyası Sədərək rayon təşkilatının Şura iclası keçirilib

03.08.2018 [09:07]

Yeni Azərbaycan Partiyası (YAP) Sədərək rayon təşkilatında 2018-ci ilin birinci yarımilində görülmüş işlərin yekunları və qarşıda duran vəzifələrlə bağlı Şura iclası keçirilib. İclasda rayon təşkilatının sədri, Naxçıvan Muxtar Respublikası Ali Məclisinin deputatı Arif Qasımov hesabat məruzəsi ilə çıxış edib.
A.Qasımov bildirib ki, Yeni Azərbaycan Partiyası Sədərək rayon təşkilatı fəaliyyətini ilin əvvəlində təsdiq olunmuş iş planı əsasında qurub. Vaxtlı-vaxtında keçirilən partiya yığıncaqlarında görülən işlərin hesabatı dinlənilib, işin keyfiyyətinin yüksəldilməsi üçün məqsədyönlü tədbirlər görülüb.
Arif Qasımov deyib ki, partiya üzvlərinin qarşısında duran əsas vəzifələr qazanılan uğurları xalqa çatdırmaq, əhali arasında ideya-siyasi işi gücləndirməkdən ibarət olmalıdır. Tutduğu vəzifədən asılı olmayaraq, hər bir partiya üzvü Proqram və Nizamnamənin tələblərinə, prinsiplərinə əməl etməli, siyasi proseslərdə, rayonda gedən quruculuq-abadlıq işlərində və qarşıya qoyulan digər vəzifələrin həyata keçirilməsində fəallıq göstərməlidir.
Qeyd olunub ki, bu il prezident seçkilərində xalqımız bir daha tarixi seçim edərək sabitliyə, inkişafa, sosial-iqtisadi və mədəni-mənəvi tərəqqiyə, demokratik dəyərlərə səs verdi, cənab İlham Əliyevə sarsılmaz etimad göstərdiyini bir daha nümayiş etdirdi. Ölkəmizdə yüksək səviyyədə baş tutan bu siyasi kampaniyada təşkilat üzvləri də fəallıq nümayiş etdiriblər.
Vurğulanıb ki, rayon təşkilatının İdarə Heyətinin 6, Şurasının 2 iclası keçirilib. Ötən dövr ərzində xüsusilə gənclərin Yeni Azərbaycan Partiyasına qəbul edilməsinə böyük önəm verilib. Hesabat dövründə rayon partiya təşkilatının sıralarına 24 nəfər üzv qəbul edilib. Yeni Azərbaycan Partiyası Sədərək rayon təşkilatının əhatə etdiyi 21 ilk partiya təşkilatının qeydiyyatında 1516 nəfər üzv vardır. Partiya üzvlərinin 302 nəfəri qadınlar, 393 nəfəri isə gənclərdir.
Məruzə ətrafında partiya fəallarının çıxışları olub. İclasda YAP Sədərək rayon təşkilatının Qadınlar Şurasının sədri, Naxçıvan Muxtar Respublikası Ali Məclisinin deputatı Vüsalə Əliyeva, təşkilatın Gənclər Birliyinin sədri Polad Rzazadə, Sədərək kənd ərazi ilk partiya təşkilatının sədri Əjdər Məmmədhəsənov çıxış ediblər.
Sonda Şura iclasının qərarı oxunub.

Paylaş:
Baxılıb: 995 dəfə

Xəbər lenti

Hamısına bax

Ədəbiyyat

Analitik

Ədəbiyyat

Serial oxucusu

25 Aprel 08:50

Ədəbiyyat

Şənbə üçün nəzm

25 Aprel 08:38  

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30