YAP Xaçmaz rayon təşkilatı Gənclər Birliyinin VIII konfransı keçirilib

Bakı:

10 °C

76 %

9 m/s

Əlaqə

AZ RU EN

Ana səhifə / YAP xəbərləri / YAP Xaçmaz rayon təşkilatı Gənclər Birliyinin VIII konfransı keçirilib

YAP Xaçmaz rayon təşkilatı Gənclər Birliyinin VIII konfransı keçirilib

11.04.2019 [09:16]

Yeni Azərbaycan Partiyası (YAP) Xaçmaz rayon təşkilatı Gənclər Birliyinin VIII konfransı keçirilib. Tədbir iştirakçıları əvvəlcə Ulu Öndər Heydər Əliyevin abidəsi önünə gül dəstəsi qoyub, Ümummilli Liderin xatirəsini dərin ehtiramla yad ediblər.
Konfransda Xaçmaz rayon İcra Hakimiyyətinin başçısı Şəmsəddin Xanbabayev, Yeni Azərbaycan Partiyası Xaçmaz rayon təşkilatının sədri Nazim Ağayev, Milli Məclisin deputatları İlham Əliyev, Eldəniz Səlimov və YAP Gənclər Birliyinin sədri Seymur Orucov iştirak ediblər.
Çıxış edən YAP Xaçmaz rayon təşkilatının sədri Nazim Ağayev təşkilatın bir çox uğurlara imza atdığını bildirib. O, YAP Xaçmaz rayon təşkilatının ötən illər ərzində gördüyü işlərdən, həyata keçirdiyi tədbirlərdən danışıb.
Hesabat məruzəsi ilə çıxış edən YAP Xaçmaz rayon təşkilatının Gənclər Birliyinin sədri Emil Tağıyev ötən müddət ərzində təşkilatın gördüyü işlər barədə geniş məlumat verərək gənclərin fəallığından, rayonun ictimai-siyasi həyatında yaxından iştirak etməklərindən, dövlətə, dövlətçiliyimizə, Prezidentimizə həmişə sədaqətli və bütün hallarda Prezidentin yanında olmalarından danışıb.
Konfransda həmçinin Xaçmaz rayon İcra Hakimiyyətinin başçısı Şəmsəddin Xanbabayev, Milli Məclisin deputatı İlham Əliyev, YAP Gənclər Birliyinin sədri Seymur Orucov, YAP Xaçmaz rayon təşkilatı İdarə heyətinin üzvü, rayon Təhsil şöbəsinin müdiri Mədinə Nurməmmədova, fəal gənc Kazım Balakişiyev, Ümummilli Lider Heydər Əliyevin doğum gününə həsr olunmuş “Ən yaxşı təqdimat” layihəsinin qalibi Azərin Məmmədova çıxış edərək ölkə rəhbərliyinin gənclərə göstərdiyi diqqət və qayğıdan, Prezident cənab İlham Əliyevin həyata keçirdiyi uğurlu siyasi, iqtisadi, hüquqi və sosial islahatlar nəticəsində ölkəmizin əldə etdiyi böyük uğurlardan, 10 milyonuncu ölkə vətəndaşına göstərilən diqqət və qayğıdan və digər məsələlərdən geniş söz açıblar.
Konfrans YAP Xaçmaz rayon Gənclər Birliyi şurasının yeni tərkibini seçib, Fərid Bəybala oğlu Musayev səsvermə yolu ilə YAP Xaçmaz rayon təşkilatı Gənclər Birliyinin sədri seçilib. Fərid Musayev çıxış edərək ona göstərilən etimada görə partiya rəhbərliyinə öz təşəkkürünü və minnətdarlığını bildirib.
Konfransda YAP Gənclər Birliyinin respublika konfransına nümayəndələr də seçilib.
Sonda partiya sıralarına daxil olmuş bir qrup gəncə üzvlük vəsiqələri təqdim olunub.

Paylaş:

Baxılıb: 824 dəfə