YAP Mingəçevir şəhər təşkilatında ərazi ilk partiya təşkilatı sədrlərinin iştirakı ilə yığıncaq keçirilib

Bakı:

26 °C

53 %

6 m/s

AZ RU EN

Ana səhifə / YAP xəbərləri / YAP Mingəçevir şəhər təşkilatında ərazi ilk partiya təşkilatı sədrlərinin iştirakı ilə yığıncaq keçirilib

YAP Mingəçevir şəhər təşkilatında ərazi ilk partiya təşkilatı sədrlərinin iştirakı ilə yığıncaq keçirilib

13.09.2019 [09:39]

Yeni Azərbaycan Partiyası (YAP) Mingəçevir şəhər təşkilatında ərazi ilk partiya təşkilatı sədrlərinin iştirakı ilə yığıncaq keçirilib. Yığıncağı açan YAP Mingəçevir şəhər təşkilatının sədri Cavanşir Yusubov partiyamızın təşkilatçılığı ilə həyata keçirilən mühüm layihələr barədə danışaraq vurğulayıb ki, Yeni Azərbaycan Partiyası aktual məsələlərlə bağlı mütəmadi olaraq layihələr reallaşdırır. Onun sözlərinə görə, Mingəçevir şəhərində də həyata keçirilən quruculuq işlərində partiya fəalları, o cümlədən ərazi ilk partiya təşkilatları fəal iştirak edirlər.
Qarşıdan gələn bələdiyyə seçkilərinə toxunan C.Yusubov qeyd edib ki, partiyamız artıq seçki kampaniyasına hazırlıq işlərinə başlayıb. O, seçkilərdə ərazi ilk partiya təşkilatlarının üzərinə düşən vəzifələri diqqətə çatdırıb.
YAP Mingəçevir şəhər təşkilatının sədr müavini İlham İsmayılov isə çıxışında partiyamızın Azərbaycanın və regionun ən güclü və nüfuzlu siyasi təşkilatı olduğunu diqqətə çatdıraraq partiyamızın ötən illərdə çox böyük inkişaf yolu keçdiyini qeyd edib. O, Yeni Azərbaycan Partiyasının xalqı öz ətrafında birləşdirərək ümumxalq partiyasına çevrildiyini, eyni zamanda, ölkədə demokratiyanın inkişafında aparıcı qüvvə kimi özünü təsdiqlədiyini bildirib. Vurğulayıb ki, YAP-ın amalı xalqa, Vətənə, dövlətə sədaqətlə xidmət etməkdən ibarətdir. “Yeni Azərbaycan Partiyası xalqın mənafelərinə xidmət etmək, ölkəmizin qarşısında duran məsələləri həll etmək üçün zamanın tələblərinə uyğun olaraq zərurətdən yaranmış bir partiyadır. Qısa müddət ərzində Yeni Azərbaycan Partiyası xalqın böyük əksəriyyətinin etimadını qazanıb və güclü təşkilati struktur yaradaraq avanqard siyasi qüvvəyə çevrilib. Bu isə dünənin, bu günün, gələcəyin partiyasının təməlində yalnız xalqın sevgisinin, etimadının dayandığını bir daha sübut edir”, - deyə İ.İsmayılov qeyd edib.
İ.İsmayılov vurğulayıb ki, Prezident İlham Əliyevin müstəqil ölkəmizin inkişafı, ölkə əhalisinin sosial rifahının yaxşılaşdırılması istiqamətində həyata keçirdiyi genişmiqyaslı tədbirlər, onun real nəticələri partiyanın hər bir üzvü qarşısında məsul vəzifələr qoyur. O, Mingəçevir şəhərində aparılan inkişaf və quruculuq işləri barədə məlumat verərək bütün bunları dövlətimizin başçısının siyasətinin uğurları kimi səciyyələndirib.
İ.İsmayılov bələdiyyə seçkiləri ərəfəsində partiya üzvlərinin üzərinə düşən vəzifələrdən bəhs edib və onlara müvafiq tövsiyələr verib.
N.BAYRAMLI

Paylaş:

Baxılıb: 867 dəfə