YAP mütərəqqi ideyaları reallaşdıran siyasi qüvvədir

Bakı:

19 °C

88 %

2 m/s

Əlaqə

AZ RU EN

Ana səhifə / YAP xəbərləri / YAP mütərəqqi ideyaları reallaşdıran siyasi qüvvədir

YAP mütərəqqi ideyaları reallaşdıran siyasi qüvvədir

11.09.2026 [15:53]

Sentyabrın 11-də Yeni Azərbaycan Partiyası (YAP) Cəlilabad rayon təşkilatının XI konfransı keçirilib.

Əvvəlcə xalqımızın Ümummilli Lideri Heydər Əliyevin abidəsi ziyarət edilib, abidənin önünə gül dəstələri düzülüb.

Tədbirdə Ulu Öndər Heydər Əliyevin, ölkəmizin ərazi bütövlüyü və suverenliyi uğrunda canlarını qurban vermiş şəhidlərin xatirəsi bir dəqiqəlik sükutla anılıb. Azərbaycan Respublikasının Dövlət Himni səsləndirilib.

Konfransda YAP Cəlilabad rayon təşkilatının sədri Mirsüleyman Mirxaslı hesabat məruzəsi ilə çıxış edib. O, rayon təşkilatı tərəfindən Ümummilli Lider Heydər Əliyevin irsinin geniş təbliği istiqamətində görülən işlərin əhəmiyyətindən danışıb. Qeyd olunub ki, Prezident, Yeni Azərbaycan Partiyasının Sədri cənab İlham Əliyevin rəhbərliyi ilə Azərbaycanda həyata keçirilən islahatlar nəticəsində bütün sahələrdə sürətli inkişafa nail olunub, ölkəmizdə ictimai-siyasi sabitlik və əmin-amanlıq təmin edilib, dövlətimizin beynəlxalq nüfuzu artıb.

Cəlilabad Rayon İcra Hakimiyyətinin başçısı Rafiq Cəlilov bildirib ki, Yeni Azərbaycan Partiyasının fəaliyyəti mühüm uğurlarla səciyyələnir. O qeyd edib ki, Prezident, Yeni Azərbaycan Partiyasının Sədri cənab İlham Əliyevin rəhbərliyi ilə ölkəmizin ərazi bütövlüyü və suverenliyinin təmin olunması Azərbaycanın dövlətçilik tarixində əldə etdiyi ən möhtəşəm uğurlardan biridir. R.Cəlilov YAP Cəlilabad rayon təşkilatının fəaliyyətinin səmərəli şəkildə qurulduğunu vurğulayıb.

YAP Təftiş komissiyasının üzvü, Milli Məclisin deputatı Elman Nəsirov çıxış edərək Prezident, Müzəffər Ali Baş Komandan İlham Əliyevin rəhbərliyi, xalqımızın birlik və həmrəyliyi, Silahlı Qüvvələrimizin rəşadəti sayəsində ölkəmizin ərazi bütövlüyü və suverenliyinin bərpa olunmasının regionda yeni reallıqlar yaratdığını, həmçinin Azərbaycanın qlobal arenada cərəyan edən siyasi və iqtisadi proseslərdə fəal aktorlardan birinə çevrildiyini vurğulayıb. O, tarixi Zəfərin xalqımızın yaddaşında əbədi yaşayacağını və gələcək nəsillər üçün qürur mənbəyi olacağını diqqətə çatdırıb.

Milli Məclisin deputatı Malik Həsənov çıxışında Yeni Azərbaycan Partiyasının ölkənin ictimai-siyasi həyatında fəal rolundan bəhs edib. O, Prezident İlham Əliyevin rəhbərliyi ilə həyata keçirilən məqsədyönlü siyasətin Azərbaycanın sosial-iqtisadi inkişafına, beynəlxalq mövqelərinin möhkəmlənməsinə və qarşıya qoyulan strateji hədəflərin reallaşdırılmasına xidmət etdiyini bildirib. Malik Həsənov qeyd edib ki, əldə olunan uğurlar xalqın dövlət siyasətinə və Yeni Azərbaycan Partiyasına olan etimadını bir daha nümayiş etdirir.

Partiya fəalları Gülər İsgəndərova və Aytac Məmmədli, Moranlı kənd tam orta məktəbinin direktoru Ruslan Abasov ölkəmizdə gənclərə göstərilən dövlət qayğısından, həmçinin təhsil sahəsində həyata keçirilən genişmiqyaslı islahatlardan söz açıblar.

Çıxış edən YAP Mərkəzi Aparatının Təşkilat şöbəsinin baş məsləhətçisi Əli Axundov Yeni Azərbaycan Partiyasının ölkəmizin ictimai-siyasi həyatında aparıcı mövqeyindən söz açıb. O, partiyanın ötən dövr ərzində xalqın inam və etimadını layiqincə doğrultduğunu vurğulayıb.

Konfransda YAP Cəlilabad rayon təşkilatının hesabat dövrü ərzindəki fəaliyyəti qənaətbəxş qiymətləndirilib və Yeni Azərbaycan Partiyasının VIII qurultayına nümayəndələr seçilib.

Sonda Yeni Azərbaycan Partiyasının Himni səsləndirilib.

Paylaş:

Baxılıb: 382 dəfə