Rifah, inkişaf və qələbələr

Bakı:

22 °C

78 %

0 m/s

Əlaqə

AZ RU EN

Ana səhifə / YAP xəbərləri / Rifah, inkişaf və qələbələr

Rifah, inkişaf və qələbələr

11.09.2026 [17:44]

Sentyabrın 11-də Yeni Azərbaycan Partiyası (YAP) Ağstafa rayon təşkilatının X konfransı keçirilib.

Əvvəlcə xalqımızın Ümummilli Lideri Heydər Əliyevin abidəsi ziyarət edilib, abidənin önünə gül dəstələri düzülüb.

Tədbirdə Ulu Öndər Heydər Əliyevin, ölkəmizin ərazi bütövlüyü və suverenliyi uğrunda canlarını qurban vermiş şəhidlərin xatirəsi bir dəqiqəlik sükutla anılıb. Azərbaycan Respublikasının Dövlət Himni səsləndirilib.

Konfransda YAP Ağstafa rayon təşkilatının sədri Etibar Hacıyev hesabat məruzəsi ilə çıxış edib. Qeyd olunub ki, YAP Ağstafa rayon təşkilatı hesabat dövründə rayonun ictimai-siyasi həyatında fəal iştirak edib, qarşıya qoyulan vəzifələrin yerinə yetirilməsi istiqamətində məqsədyönlü fəaliyyət göstərib. Partiya üzvlərinin ictimai-siyasi fəallığının artırılması, ideoloji işin gücləndirilməsi diqqət mərkəzində saxlanılıb.

Ağstafa Rayon İcra Hakimiyyətinin başçısı Seymur Orucov çıxışında Ulu Öndər Heydər Əliyevin qurucusu olduğu Yeni Azərbaycan Partiyasının ölkəmizin ictimai-siyasi həyatında aparıcı və alternativsiz siyasi qüvvə kimi mühüm rol oynadığını bildirib. Onun sözlərinə görə, Ulu Öndər Heydər Əliyevin müəyyənləşdirdiyi inkişaf strategiyasının Prezident İlham Əliyev tərəfindən uğurla davam etdirilməsi nəticəsində Azərbaycan hərbi-siyasi və sosial-iqtisadi inkişaf baxımından mühüm nailiyyətlər əldə edib.

YAP İdarə Heyətinin üzvü, partiyanın Gəncə şəhər təşkilatının sədri Bayram Aslanov çıxışında Yeni Azərbaycan Partiyasının VII qurultayından sonra partiyanın fəaliyyətinin müasir çağırışlara uyğun qurulduğunu bildirib. O, Prezident, Müzəffər Ali Baş Komandan İlham Əliyevin rəhbərliyi ilə Azərbaycanın ərazi bütövlüyünün və suverenliyinin bərpa olunmasını tarixi nailiyyət kimi qiymətləndirib, əldə edilən şanlı zəfərlərin regionda yeni reallıqlar yaratdığını vurğulayıb.

Tədbirdə partiya veteranı, Ağstafa Rayon Ağsaqqallar Şurasının sədri Sənan Mustafayev, “Mərkəzi Xəstəxana” ərazi partiya təşkilatının sədr müavini Həcər Namazova, partiya fəalları Solmaz Nağıyeva və Şəfəq Heydərli Yeni Azərbaycan Partiyasının keçdiyi şərəfli yoldan və hesabat dövründə rayon təşkilatının fəaliyyətindən söz açıblar.

YAP Mərkəzi Aparatının Təşkilat şöbəsinin baş məsləhətçisi Araz Salmanov Yeni Azərbaycan Partiyasının ölkənin ictimai-siyasi həyatında fəal rolundan, VII qurultaydan sonra təşkilati fəaliyyətin daha da təkmilləşdirilməsindən bəhs edib. O, YAP Ağstafa rayon təşkilatının hesabat dövründə gördüyü işləri müsbət qiymətləndirərək gələcək fəaliyyətində uğurlar arzulayıb.

Konfransda YAP Ağstafa rayon təşkilatının hesabat dövründəki fəaliyyəti qənaətbəxş qiymətləndirilib və Yeni Azərbaycan Partiyasının VIII qurultayına nümayəndələr seçilib.

Sonda Yeni Azərbaycan Partiyasının Himni səsləndirilib.

Paylaş:

Baxılıb: 227 dəfə