97 saylı Goranboy-Ağdam-Tərtər seçki dairəsindən YAP-ın deputatlığa namizədi Ağalar Vəliyevin seçicilərlə növbəti görüşü keçirilib

Bakı:

14 °C

82 %

6 m/s

AZ RU EN

Ana səhifə / YAP xəbərləri / 97 saylı Goranboy-Ağdam-Tərtər seçki dairəsindən YAP-ın deputatlığa namizədi Ağalar Vəliyevin seçicilərlə növbəti görüşü keçirilib

97 saylı Goranboy-Ağdam-Tərtər seçki dairəsindən YAP-ın deputatlığa namizədi Ağalar Vəliyevin seçicilərlə növbəti görüşü keçirilib

24.01.2020 [11:12]

97 saylı Goranboy-Ağdam-Tərtər seçki dairəsindən Yeni Azərbaycan Partiyasının (YAP) deputatlığa namizədi Ağalar Vəliyevin Goranboy rayonunun Şəfəq və Zeyvə kəndlərində seçicilərlə görüşləri olub. Görüşlərdə YAP Goranboy rayon təşkilatının yerli qərargah üzvləri, rayon ictimaiyyətinin nümayəndələri, Qarabağ müharibəsi veteranları, şəhid ailələri və çoxsaylı kənd sakinləri iştirak ediblər.
YAP Goranboy rayon təşkilatının sədri Elçin İsmayılov qarşıdan gələn parlament seçkilərinin əhəmiyyətindən danışıb. O qeyd edib ki, Azərbaycan mühüm siyasi hadisə ərəfəsindədir - fevralın 9-da ölkəmizdə parlament seçkiləri keçiriləcək. “Respublikamız parlament seçkilərinə sabitlik və inkişafın fonunda gedir. Bu seçkilərə də böyük qələbə əzmi ilə qatılan Yeni Azərbaycan Partiyası xalqın dəstəyinə, seçicilərin etimadına güvənir. Əminliklə söyləmək olar ki, ümumxalq partiyası olan YAP növbəti dəfə möhtəşəm qələbə qazanacaq”, - deyən E.İsmayılov 97 saylı Goranboy-Ağdam-Tərtər seçki dairəsindən Yeni Azərbaycan Partiyasının deputatlığa namizədi Ağalar Vəliyevin fəaliyyəti haqqında məlumat verib. O deyib ki, A.Vəliyev ötən müddət ərzində rayon seçicilərini parlamentdə layiqincə təmsil edib, eyni zamanda, ölkəmizin ictimai-siyasi həyatında fəal iştirak edib.
Deputatlığa namizəd Ağalar Vəliyev Prezident İlham Əliyevin rəhbərliyi ilə həyata keçirilən uğurlu siyasətin ölkəmizin dinamik inkişafını təmin etdiyini diqqətə çatdırıb. O, bütün sahələri əhatə edən genişmiqyaslı, kompleks islahatların, xalq-iqtidar birliyinin əhəmiyyətindən, əhalinin rifahının daha da yaxşılaşmasına xidmət edən məqsədyönlü tədbirlərin səmərəli nəticələrindən, ölkəmizin beynəlxalq mövqeyinin möhkəmlənməsindən bəhs edib. “Yeni Azərbaycan Partiyası xalqın dəstəyi əsasında parlament seçkilərində parlaq qələbə qazanmaq əzmindədir. Çünki Ümummilli Lider Heydər Əliyevin ideyaları əsasında və Prezident İlham Əliyevin rəhbərliyi ilə böyük inkişaf yolu keçmiş YAP yüksək nüfuza malikdir”, - deyən Ağalar Vəliyev seçiciləri parlament seçkilərində fəal iştirak etməyə və Yeni Azərbaycan Partiyasının namizədlərinə səs verməyə çağırıb.
Görüşdə çıxış edən seçicilər Yeni Azərbaycan Partiyasının namizədlərinə səs verəcəklərini ifadə ediblər.

Paylaş:

Baxılıb: 715 dəfə