Ağalar Vəliyevlə görüşdə seçicilər YAP-ın namizədinə böyük inam ifadə ediblər

Bakı:

26 °C

61 %

6 m/s

Əlaqə

AZ RU EN

Ana səhifə / YAP xəbərləri / Ağalar Vəliyevlə görüşdə seçicilər YAP-ın namizədinə böyük inam ifadə ediblər

Ağalar Vəliyevlə görüşdə seçicilər YAP-ın namizədinə böyük inam ifadə ediblər

30.01.2020 [09:48]

Yeni Azərbaycan Partiyasının (YAP) 97 saylı Goranboy-Ağdam-Tərtər seçki dairəsindən Milli Məclis üzvlüyünə namizədi Ağalar Vəliyev seçkiqabağı təbliğat-təşviqat kampaniyası çərçivəsində seçicilərlə görüşlərini uğurla davam etdirir. Deputatlığa namizədin növbəti görüşü Tərtər rayonunun Borsunlu, Sarov və Bəyimsarov kəndlərinin seçiciləri ilə keçirilib.
A.Vəliyevin seçicilərlə əvvəlki görüşləri kimi, budəfəki görüşü də izdihamlı keçib. Görüşə Borsunlu, Sarov və Bəyimsarov kəndlərinin çoxsaylı seçiciləri qatılıblar. Tədbiri YAP Tərtər rayon təşkilatının sədri Ramiz Şabanov açıb. R.Şabanov çıxışında əsasını xalqımızın Ümummilli Lideri Heydər Əliyevin qoyduğu Yeni Azərbaycan Partiyasının müstəqil respublikamızın hərtərəfli inkişafında, dövlətçiliyimizin möhkəmlənməsində tarixi rolu və misilsiz xidmətləri barədə danışıb. “Bu gün Azərbaycan cəmiyyətində ölkəmizdə aparıcı siyasi qüvvə olan Yeni Azərbaycan Partiyasına böyük inam var. Bu inam da YAP-ın qələbələr partiyası olmasını təmin edir. Təsadüfi deyil ki, respublikamızda keçirilən bütün seçkilərdə Yeni Azərbaycan Partiyasının namizədləri rəqiblərini böyük üstünlüklə qabaqlayırlar”, - deyə R.Şabanov bildirib.
R.Şabanov çıxışında Milli Məclisə fevralın 9-da keçiriləcək seçkilərdə də YAP-ın qələbələr seriyasını davam etdirəcəyinə əminliyini bildirib. O, 97 saylı Goranboy-Ağdam-Tərtər seçki dairəsindən YAP-ın deputatlığa namizədi Ağalar Vəliyevin bundan əvvəl millət vəkili olduğu dönəmdə seçicilər ilə səmərəli və işgüzar görüşlər keçirdiyini, onların qaldırdıqları problemlərin həllinə köməklik göstərdiyini diqqətə çatdırıb. R.Şabanov çıxışının sonunda seçiciləri daha güclü Azərbaycan naminə YAP-ın namizədi Ağalar Vəliyevi dəstəkləməyə çağırıb.
Görüşdə seçicilərini səmimiyyətlə salamlayan YAP-ın deputatlığa namizədi Ağalar Vəliyev fevralın 9-da Milli Məclisə keçiriləcək seçkilərin demokratiya yolunda mühüm addım olduğunu vurğulayıb. Deputatlığa namizəd seçicilərin bu dəfə də doğru seçim edəcəklərinə əminliyini bildirib. “Son 16 ildə Azərbaycan partiyamızın Sədri, Prezident İlham Əliyevin rəhbərliyi ilə misilsiz nailiyyətlərə imza atıb. Belə ki, ölkəmiz iqtisadi müstəqilliyini tam təmin edib, güclü maliyyə təminatına malik ölkəyə çevrilib. Respublikamızda dayanıqlı iqtisadi inkişafa adekvat olaraq dərinməzmunlu sosial siyasət həyata keçirilir. Aparılan sosial məzmunlu islahatlar sayəsində insanların həyat şəraiti yaxşılaşıb, gəlir imkanları əhəmiyyətli dərəcədə artıb. Azərbaycanın ən böyük uğurlarından biri ölkədəki davamlı sabitlik və iqtidar-xalq həmrəyliyidir. Aparıcı siyasi qüvvə olan Yeni Azərbaycan Partiyası öz gücünü xalqdan aldığı kimi, xalq da YAP-a həmişə böyük dəstək nümayiş etdirib. Əminəm ki, seçicilər fevralın 9-da da bu ənənələrinə sadiq qalaraq inkişafa, rifaha səs verəcəklər”, - deyə A.Vəliyev vurğulayıb.
Tədbirdə Bəyimsarov kəndindən Bəhmən Bayramov, Təvəkkül Həsənov, Borsunlu kəndindən Vaqif Qədimov, Sarov kəndindən Yusif Paşayev, Niyaz Allahverdiyev və başqaları söz alaraq qarşıdan gələn seçkilərdə YAP-ın namizədini dəstəkləyəcəklərini bildiriblər.

Paylaş:

Baxılıb: 728 dəfə