Yeni Azərbaycan Partiyası ilə Türkiyənin hakim Ədalət və İnkişaf Partiyası arasındakı münasibətlər strateji əhəmiyyət daşıyır

Bakı:

25 °C

50 %

1 m/s

AZ RU EN

Ana səhifə / YAP xəbərləri / Yeni Azərbaycan Partiyası ilə Türkiyənin hakim Ədalət və İnkişaf Partiyası arasındakı münasibətlər strateji əhəmiyyət daşıyır

Yeni Azərbaycan Partiyası ilə Türkiyənin hakim Ədalət və İnkişaf Partiyası arasındakı münasibətlər strateji əhəmiyyət daşıyır

24.10.2020 [09:12]

Yeni Azərbaycan Partiyası (YAP) ilə Türkiyənin hakim Ədalət və İnkişaf Partiyası (AKP) arasında əlaqələr günbəgün genişlənir və iki qardaş ölkənin münasibətlərinin dinamikasının qorunmasına faydalı töhfələr verir. Hər iki partiya qarşılıqlı münasibətlərin inkişafında maraqlıdır.

Bu fikirləri Milli Məclisin deputatı, YAP Siyasi Şurasının üzvü, partiyanın Türkiyə və AKP üzrə koordinatoru Ramil Həsən Yeni Azərbaycan Partiyası, parlament nümayəndə heyətinin Ankaraya səfərinin yekunlarını AZƏRTAC-a şərh edərkən ifadə edib.

Yeni Azərbaycan Partiyasının Türkiyənin siyasi partiya və mərkəzləri ilə münasibətlərin inkişafına daim diqqət göstərdiyini xatırladan Azərbaycan nümayəndə heyətinin rəhbəri Ramil Həsən deyib: “Ankaraya səfər çərçivəsində AKP Sədrinin birinci müavini Numan Kurtulmuş, AKP-nin Baş katibi Fatih Şahin, AKP Sədrinin Xarici Əlaqələr üzrə müavini və bu sahə üzrə şöbənin rəhbəri Cevdet Yılmaz, AKP Gənclər Birliyinin sədri Ahmet Büyükgümüş, Türkiyə Respublikası Xarici İşlər nazirinin müavini Yavuz Selim Kıran, həmçinin AKP-nin Türkiyə Böyük Millət Məclisindəki (TBMM) fraksiyasının rəhbəri Cahit Özkan və Türkiyə-Azərbaycan Parlamentlərarası Dostluq Qrupunun sədri Şamil Ayrım və dostluq qrupunun üzvləri ilə keçirdiyimiz bütün görüşlər səmərəli və yaddaqalandır. Əvvəla qeyd etməliyəm ki, bütün görüşlərdə müzakirələrin əsas xətti Ermənistanın Azərbaycana qarşı işğalçılıq siyasətinin və davamlı hücumlarının nəticəsində bölgədə yaranmış hərbi qarşıdurma təşkil edirdi. Olduqca əlamətdardır ki, bütün Türkiyə tərəfi Prezident İlham Əliyevin Komandanlığı ilə Silahlı Qüvvələrimizin həyata keçirdiyi uğurlu əks-hücum əməliyyatlarından böyük qürur keçirir. Ümumiyyətlə Türkiyənin hazırkı ictimai-siyasi həyatındakı mövzu torpaqlarımızın işğaldan azad edilməsidir. Hər kəs bu prosesdə özünü Azərbaycan fədaisi görür. Prezident İlham Əliyevin cəbhə xəbərləri ilə bağlı xalqımıza müraciətləri və sosial şəbəkə paylaşımları Türkiyədə sonsuz böyük intizarla gözlənilir, izlənilir və paylaşılır”.

Yeni Azərbaycan Partiyası ilə Türkiyənin hakim Ədalət və İnkişaf Partiyası arasındakı münasibətlərin strateji əhəmiyyət daşıdığını diqqətə çatdıran deputat Ramil Həsən deyib: “Görüşlərdə dəfələrlə qeyd olundu ki, Azərbaycan Prezidenti, Yeni Azərbaycan Partiyasının Sədri İlham Əliyev ilə Türkiyə Prezidenti, Ədalət və İnkişaf Partiyasının Sədri Rəcəb Tayyib Ərdoğanın qarşılıqlı səmimi münasibətləri, milli maraqlarımızın qorunması üçün birgə addımlarının cəmiyyətlərimizdə yüksək dəyərləndirilir. Ölkələrimizdə demokratiyanın, azad və ədalətli seçki mühitinin, milli mənəvi dəyərlərin, eləcə də insan haqlarının qorunması və digər sahələrdə əməkdaşlığın faydalı istiqamətləri barədə məsləhətləşmələr apardıq”.

Xatırladaq ki, Ramil Həsənin rəhbərlik etdiyi heyətə, Azərbaycan parlamentinin digər deputatı, YAP Siyasi Şurasının üzvü Ramin Məmmədov daxil olub.

Paylaş:

Baxılıb: 661 dəfə