Allahverdi Haxverdiyev: İnanırıq ki, qısa zaman kəsiyində işğaldan azad olunmuş rayonlarda həyat yenidən canlanacaq

Bakı:

25 °C

68 %

9 m/s

AZ RU EN

Ana səhifə / YAP xəbərləri / Allahverdi Haxverdiyev: İnanırıq ki, qısa zaman kəsiyində işğaldan azad olunmuş rayonlarda həyat yenidən canlanacaq

Allahverdi Haxverdiyev: İnanırıq ki, qısa zaman kəsiyində işğaldan azad olunmuş rayonlarda həyat yenidən canlanacaq

02.02.2021 [09:49]

“Azərbaycan Prezidenti cənab İlham Əliyevin tapşırığı ilə artıq işğaldan azad edilən rayonlarımızın, şəhər və kəndlərimizin yenidən qurulması prosesinə başlanılıb. 2020-ci ildə Vətən müharibəsində əldə edilən qələbə Azərbaycanın ərazi bütövlüyünün təmin olunmasına şərait yaratmaqla yanaşı, ölkəmizin gələcək inkişafında yeni mərhələnin başlanğıcını qoydu. Yeni mərhələdə bu regionlar yenidən dirçəldiləcək, həmin ərazilərdə kənd təsərrüfatının, sənayenin inkişafına zəmin yaradılacaq. 2020-ci ilin yekunlarına həsr olunmuş müşavirədə çıxış edən Prezident İlham Əliyev də bildirdi ki, indi torpaqlar azad edilib, indi böyük qayıdış başlanmalıdır, böyük inkişaf prosesləri başlanmalıdır. Dövlət başçısı vurğuladı ki, biz bütün bu işləri daha da fəal, daha da məqsədyönlü şəkildə aparmalıyıq ki, Azərbaycanın imkanlarını genişləndirək və ölkəmizin inkişaf dinamikasını artıraq”. Bunu qəzetimizə açıqlamasında Yeni Azərbaycan Partiyası (YAP) Qubadlı rayon təşkilatının sədri Allahverdi Haxverdiyev deyib. Onun sözlərinə görə, işğaldan azad edilmiş ərazilərdə mühüm infrastrukturlar yaradılacaq və öz ata-baba yurduna qayıdan insanlarımızın sosial problemləri də öz həllini tapacaq.
“İnanırıq ki, qısa zaman kəsiyində işğaldan azad olunmuş rayonlarda həyat yenidən canlanacaq və öz doğma yurd-yuvalarına qayıdan vətəndaşlarımız rahat yaşayış şərtləri ilə təmin ediləcəklər. Qısa zamanda bir sıra bölgələrimizdə vacib infrastrukturlar yaradılıb, elektrik enerjisi ilə təminat, su təminatı bərpa olunub. Azərbaycan qüdrətli dövlətdir və ölkəmizin maliyyə sabitliyi imkan verir ki, işğaldan azad edilmiş bölgələrimiz də digər rayonlarımız kimi yenidən qurulsun və özünün inkişaf mərhələsinə qədəm qoysun”, - deyə A.Haxverdiyev əlavə edib.
Rayon təşkilatının sədri vurğulayıb ki, mütəxəssislər işğaldan azad edilən ərazilərimizin iqtisadi potensialını da yüksək qiymətləndirirlər. Yəni bu regionlarda həyatın bərpası, qaçqın və məcburi köçkünlərimizin evlərinə qayıdışı ölkəmizdə kənd təsərrüfatının və digər sahələrin inkişafına əhəmiyyətli təsir göstərəcək. Bu, ölkəmizin aqrar sektorunun inkişafı ilə yanaşı, işsizliyin aradan qaldırılmasına da xidmət göstərir.
PƏRVİZ

Paylaş:

Baxılıb: 773 dəfə