Heydər Əliyev
yeni azerbaycan logo

Ana səhifə / YAP xəbərləri / Pirallahıda Vətən müharibəsi şəhidinin anım mərasimi keçirilib

Pirallahıda Vətən müharibəsi şəhidinin anım mərasimi keçirilib

19.10.2021 [11:49]

Pirallahı rayonunda Vətən müharibəsi şəhidi, Azərbaycan Respublikasının Prezidenti, Müzəffər Ali Baş Komandan cənab İlham Əliyev tərəfindən “Cəsur döyüşçü”, “Vətən uğrunda”, “Füzulinin azad olunmasına görə” və “Xocavəndin azad olunmasına görə” medalları ilə təltif olunmuş əsgər Elmar Elman oğlu Nəbiyevin il mərasimi keçirilib.

Pirallahı Rayon İcra Hakimiyyətinin başçısı Vasif İmanovun, millət vəkili Rauf Əliyevin, RİH başçısı aparatının əməkdaşlarının, rayonun hüquq-mühafizə orqanlarının, idarə, müəssisə və təşkilatların rəhbərlərinin, ictimaiyyət nümayəndələrinin iştirakı ilə keçirilən tədbir şəhidin məzarının ziyarət olunması ilə başlayıb. Şəhidin məzarı önünə əklillər qoyulub, çiçəklər düzülüb. Daha sonra şəhidimizin keçdiyi döyüş yolundan danışılaraq vurğulanıb ki, hər bir şəhidimizin həyat yolu, vətənpərvərliyi, şücaəti gənc nəslin tərbiyəsində bir nümunədir.

Tədbir zamanı rayonda fəaliyyət göstərən təhsil müəssisələrinin şagirdləri vətənpərvərlik şeirləri ilə çıxış ediblər.

Tədbirin sonunda rayon rəhbərliyi və digər nümayəndələr keçirilən il mərasiminə qatılaraq ailə üzvlərinin qayğıları, problemləri ilə maraqlanıb, onların daim diqqət mərkəzində saxlanılacağını ifadə ediblər.

Şəhidin doğmaları və yaxınları onlara göstərilən diqqət və qayğıya görə minnətdarlıqlarını bildiriblər.

Paylaş
Baxılıb: 120 dəfə

Xəbər lenti

Hamısına bax
ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30