Heydər Əliyev
yeni azerbaycan logo

Ana səhifə / YAP xəbərləri / YAP Sumqayıt şəhər təşkilatında partiyanın yaranmasının 29-cu ildönümü ilə bağlı tədbir keçirilib

YAP Sumqayıt şəhər təşkilatında partiyanın yaranmasının 29-cu ildönümü ilə bağlı tədbir keçirilib

18.11.2021 [15:36]

Yeni Azərbaycan Partiyasının təsis edilməsinin 29-cu ildönümü ilə əlaqədar YAP Sumqayıt şəhər təşkilatında tədbir keçirilib. Tədbirdə Sumqayıt şəhər İcra Hakimiyyəti başçısının birinci müavini Teymur Səmədov, partiya şəhər təşkilatının fəallları iştirak ediblər.  Öncə Ümumilli liderimiz Heydər Əliyevin əziz xatirəsi bir dəqiqəlik sükutla yad edilib.

Çıxış edən YAP İdarə Heyətinin üzvü, partiya Sumqayıt şəhər təşkilatı sədri vəzifəsini icra edən Ramiz Hüseynov partiya üzvlərini YAP-ın təsis edilməsinin 29-cu ildönümü münasibətilə təbrıik edib. Milli siyasi iradəmizi təmsil edən YAP-ın yaradılışı haqqında məlumat verən R.Hüseynov həmin dövrlərdəki siyasi proseslərdən, ölkədə hökm sürən hərc-mərclikdən danışıb. Qeyd edilib ki, YAP-ın yaranması tarixi zərurətdən irəli gəlib və bu gün YAP nəinki bölgənin, böyük bir coğrafiyanın ən mütəşəkkil siyasi təşkilatı sayılır: «Azərbaycan xalqı əsası Ulu öndər Heydər Əliyev tərəfindən qoyulan və möhtərəm Prezidentimiz cənab İlham Əliyev tərəfindən uğurla davam etdirilən, özündə milli maraqlarımızı ehtiva edən siyasi kursun ətrafında birmənalı şəkildə birləşib, dövlətimizin daha yüksək inkişafı üçün var gücü ilə çalışır. Regionun ən böyük iqtisadi güc mərkəzinə çevrilən Azərbaycan dövlətinin nailiyyətlərinin arxasında vətəndaş həmrəyliyi və aparılan uğurlu dövlət siyasəti dayanır. Bütün bunlar Azərbaycanın 2020-ci ildə baş vermiş Vətən müharibəsindəki qələbəsini şərtləndirən əsas amilə çevrildi». 

Tədbirdə çıxış edən YAP Sumqayıt şəhər təşkilatının qurucularından Təbrik Quliyev, Sumqayıt şəhər 18 nömrəli məktəbin direktoru Leyla Abdullayeva öz fikirlərini bölüşüblər. Sumqayıt Dövlət Universitetinin dosenti, tarix üzrə fəlsəfə doktoru Elmar Xəlilov 44 günlük müharibədə qazanılan müzəffər qələbə ilə bağlı geniş məruzə edib. Tədbirdə çıxış edən Sumqayıt şəhər İcra Hakimiyyəti başçısının birinci müavini Teymur Səmədov da Vətən müharibəsi dövründə Azərbaycan Prezidentinin fenomenal fəaliyyətindən, hər iki cəbhədə əldə etdiyi uğurlardan danışıb.

Paylaş
Baxılıb: 158 dəfə

Xəbər lenti

Hamısına bax
ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30