YAP Sumqayıt şəhər təşkilatı “Müstəqilliyimiz əbədidir” mövzusunda konfrans keçirib

Bakı:

23 °C

55 %

1 m/s

Əlaqə

AZ RU EN

Ana səhifə / YAP xəbərləri / YAP Sumqayıt şəhər təşkilatı “Müstəqilliyimiz əbədidir” mövzusunda konfrans keçirib

YAP Sumqayıt şəhər təşkilatı “Müstəqilliyimiz əbədidir” mövzusunda konfrans keçirib

28.05.2022 [15:58]

Yeni Azərbaycan Partiyası Sumqayıt şəhər təşkilatında YAP Sumqayıt şəhər təşkilatı və Abşeron-Xızı Regional Təhsil İdarəsinin birgə təşkilatçılığı ilə “Müstəqilliyimiz əbədidir” mövzusunda konfrans keçirilib.

Tədbirdə YAP İdarə Heyətinin üzvü, partiyanın Sumqayıt şəhər təşkilatının sədri Ramiz Hüseynov, Sumqayıt Şəhər İcra Hakimiyyəti başçısının birinci müavini Teymur Səmədəv, Abşeron-Xızı Regional Təhsil İdarəsinin müdiri İlhamə Abdullayeva, Abşeron-Xızı Regional Təhsil İdarəsinin müdir müavini Coşqun Əliyev və partiya fəalları iştirak ediblər.

Tədbir iştirakçıları əvvəlcə Azərbaycanın müstəqilliyi və ərazi bütövlüyü uğrunda canlarından keçmiş Vətən övladlarının xatirəsini bir dəqiqəlik sükutla yad ediblər.

Tədbiri giriş nitqi ilə açan Ramiz Hüseynov bildirib ki, Azərbaycan xalqı zəngin və şərəfli dövlətçilik tarixinə malikdir. Bu tarixin ən mühüm səhifələrindən birini 28 may 1918-ci il tarixində Azərbaycan Xalq Cümhuriyyətinin yaradılması və olduqca mürəkkəb şəraitdə 23 aylıq fəaliyyət göstərməsi təşkil edir. Azərbaycan Xalq Cümhuriyyəti cəmi 23 ay mövcud olsa da, milli dövlətçilik ənənələrinin qorunması və inkişafına xidmət göstərən əhəmiyyətli islahatlar həyata keçirib, müxtəlif sahələri əhatə edən çoxsaylı qanunlar qəbul edilib.

Bu gün qürur və iftixar hissi ilə deyirik ki, müasir müstəqil Azərbaycan dövləti Xalq Cümhuriyyətinin tarixi və siyasi varisidir. Xüsusi qeyd etmək vacibdir ki, Xalq Cümhuriyyətinin yaratdığı ənənələr xalqımızın zəngin dövlətçilik təcrübəsinin mühüm tərkib hissəsini təşkil edir. Heç də təsadüfi deyil ki, Azərbaycan xalqının Ümummilli Lideri Heydər Əliyev hər zaman Azərbaycan Xalq Cümhuriyyətinə xüsusi ehtiram göstərib və Cümhuriyyət tarixinin, irsinin öyrənilməsini vacib sayıb. Bu siyasi ənənə Ulu Öndərimizin layiqli davamçısı olan Prezident İlham Əliyev cənabları tərəfindən uğurla davam etdirilir. Prezident İlham Əliyev Azərbaycan Xalq Cümhuriyyətinin tarixi əhəmiyyətinə, fəaliyyətinə çox yüksək qiymət verir və Cümhuriyyətə, onun qurucularına böyük hörmət və ehtiram ifadə edən mühüm qərarlar qəbul edib. Dövlət başçısı tərəfindən 2018-ci ilin “Azərbaycan Xalq Cümhuriyyəti İli” elan edilməsi olduqca mühüm bir tarixi hadisədir. Bu Sərəncamın imzalanması və Xalq Cümhuriyyətinin 100 illiyinin təntənəli şəkildə keçirilməsi Azərbaycan dövlətinin öz tarixinə bağlılığını və bu tarixə yüksək dəyər verildiyini göstərir.

Ölkə başçısı, Müzəffər Ali Baş Komandan cənab İlham Əliyevin rəhbərliyi ilə torpaqlarımızın işğaldan azad edilməsi isə zəngin dövlətçilik tariximizin ən böyük qələbəsidir. 44 günlük Vətən müharibəsinin Azərbaycanın tam qələbəsi ilə başa çatması xalqımızın mübarizə əzminin və dövlətimizin qüdrətinin ifadəsidir. Bir sözlə, Ümummilli Liderimizin torpaqlarımızın işğaldan azad olunması istiqamətində əsasını qoyduğu işin onun layiqli davamçısı olan Ali Baş Komandanımız İlham Əliyev tərəfindən başa çatdırılması zəngin dövlətçilik ənənələrinə malik Azərbaycanın ən böyük qələbəsidir.

Tədbirdə çıxış edən Sumqayıt Şəhər İcra Hakimiyyəti başçısının birinci müavini Teymur Səmədəv, Abşeron-Xızı Regional Təhsil İdarəsinin müdiri İlhamə Abdullayeva bildiriblər ki, bu il mayın 28-də müsəlman Şərqində ilk parlamentli respublikanın – Azərbaycan Xalq Cümhuriyyətinin yaranmasının 104 ili tamam olur. 1918-ci il mayın 28-də Azərbaycan Xalq Cümhuriyyətinin yaradılması ölkəmizin həyatına böyük tarixi hadisə kimi daxil olub. Azərbaycan Xalq Cümhuriyyəti cəmi 23 aylıq fəaliyyəti dövründə xalqın milli mənlik şüurunu özünə qaytardı, onun öz müqəddəratını təyin etməyə qadir olduğunu nümayiş etdirdi.

Digər çıxış edənlər - Sumqayıt şəhəri 11 nömrəli tam orta məktəbin direktoru İlahə Həsənli, Sumqayıt şəhəri 39 nömrəli tam orta məktəbin direktoru Bəxşeyiş Ələmşahov, Sumqayıt şəhəri Yusif Məmmədəliyev adına 31 nömrəli tam orta məktəbin tarix müəllimi Raqif Şirinov, Sumqayıt şəhəri Vaqif İbrahim adına 35 nömrəli tam orta məktəbin müəllimi Nigar Əliyeva qeyd ediblər ki, Azərbaycan dövləti və xalqı Azərbaycan Xalq Cümhuriyyətinin qurucularının xatirəsini daim əziz tutub, onların xatirəsini yaşadıb. Çıxışçılar Ulu Öndərin Azərbaycanın müstəqilliyinə, cümhuriyyət ideallarına sadiqliyini bildirərək onun uzaqgörən siyasətinin bugünkü nailiyyətlərimizin bünövrəsini təşkil etdiyini vurğulayıblar.

Tədbirin sonunda Yeni Azərbaycan Partiyası Sumqayıt şəhər təşkilatının ictimai-siyasi həyatında fəal iştirakına görə bir qrup partiya fəalları Fəxri fərmanla təltif olunublar.

Paylaş:

Baxılıb: 736 dəfə