Təxirəsalınmaz məsələlər

Bakı:

15 °C

72 %

6 m/s

Əlaqə

AZ RU EN

Ana səhifə / YAP xəbərləri / Təxirəsalınmaz məsələlər

Təxirəsalınmaz məsələlər

04.11.2022 [11:30]

YAP Ağdam rayon təşkilatının sədri

Mansur Quliyev

Azərbaycan dövləti 44 günlük müharibədən sonra əldə etdiyi qələbə ilə regiondakı vəziyyəti dəyişdi. Bu gün artıq reallıq başqadır. Dünya ölkələri, xüsusilə də Qərb dünyası yeni reallığı dərk edir, bununla barışmalı olur. İqtisadi cəhətdən yüksək inkişafa nail olmuş Azərbaycan uğurlu xarici siyasət yürüdür. Burada Türkiyə ilə qardaşlıq münasibətini, Rusiya ilə strateji tərəfdaşlıq əlaqələrini xüsusi qeyd etmək olar. Şanlı qələbəmiz ilə əlimiz gücləndi. İndi biz masa arxasında qalib ölkə kimi otururuq, bu isə düşməni şərtlərimizi qəbul etməyə məcbur edir.

Postmünaqişə dövründə regional geosiyasi gündəliyi Azərbaycan diktə edir. Prezident cənab İlham Əliyevin qeyd etdiyi kimi, bütün dünya, aparıcı ölkələr və aparıcı beynəlxalq təşkilatlar yeni reallıqları qəbul ediblər. Eyni zamanda Postmünaqişə dövründə baş tutan görüşlər Azərbaycanın üstünlüyü şəraitində keçir.

Bu gün Prezident cənab İlham Əliyevin həyata keçirdiyi müdrik xarici siyasətin əsasında ölkəmizin və xalqımızın maraqları dayanır.

Məlum olduğu kimi oktyabrın 31-də Soçidə keçirilən görüş çərçivəsində çıxış edən Prezident cənab İlham Əliyev tarixi həqiqətləri qeyd edərək, Azərbaycanla Ermənistan arasındakı normal münasibətlərin yaranması üçün Ermənistan tərəfinin üçtərəfli bəyanatın şərtlərinə əməl etməsinin vacibliyindən danışdı. Soçidə keçirilmiş üçtərəfli görüşün sonunda imzalanmış Bəyanatın mətni ilə tanış olduqda da görünür ki, bu görüş də məhz Azərbaycanın diplomatik üstünlüyü şəraitində baş tutub. Ümumiyyətlə, Bəyanatda Qarabağ ifadəsi işlədilmir. Bu isə öz növbəsində bir daha təsdiq edir ki, Prezident İlham Əliyevin “Qarabağ Azərbaycanın daxili işidir”, fikirləri rəsmi sənədlərdə də öz əksini tapır.

Sənədə əsasən, tərəflər güc tətbiq etməkdən və ya onu tətbiq etməklə hədələməkdən çəkinmək və bütün problemli məsələləri BMT Nizamnaməsinə və 1991-ci il Alma-Ata Bəyannaməsinə uyğun olaraq suverenliyin, ərazi bütövlüyünün və sərhədlərin toxunulmazlığının qarşılıqlı tanınması əsasında müzakirə və həll etmək barədə razılığa gəliblər.

Bəyanatın bəndlərindən biri isə belədir: "Regionda davamlı və uzunmüddətli sülhə nail olmaq məqsədilə Azərbaycan Respublikası ilə Ermənistan Respublikası arasında sülh müqaviləsi bağlanmasına fəal hazırlaşmağın vacibliyini vurğuladıq. Mövcud işlənilən təkliflər əsasında məqbul həll yollarının axtarışını davam etdirmək barədə razılaşdıq. Rusiya Federasiyası buna hər vasitə ilə kömək göstərəcək".

Prezident cənab İlham Əliyevin Rusiya Prezidenti ilə görüşündə səsləndirdiyi kimi, artıq münaqişə həll olunub. Azərbaycan öz tarixi torpaqlarını işğaldan azad edib. Ermənistan bu faktla barışmalı və sülhü təhdid edən revanşist meyillərdən əl çəkməlidir

Bu görüş onu göstərdi ki, ölkə Prezidenti cənab İlham Əliyev Vətən müharibəsindən sonra regionda yaratdığı reallıqlara uyğun olaraq ölkəmizin milli mənafelərinin reallaşmasını bütün siyasi müstəvilərdə yüksək səviyyədə təmin edir.

Paylaş:

Baxılıb: 515 dəfə