Ölkəmizdə idmanın kütləviliyini təmin etmək prioritetdir

Bakı:

21 °C

56 %

3 m/s

Əlaqə

AZ RU EN

Ana səhifə / YAP xəbərləri / Ölkəmizdə idmanın kütləviliyini təmin etmək prioritetdir

Ölkəmizdə idmanın kütləviliyini təmin etmək prioritetdir

11.01.2023 [11:44]

“İdman hər bir ölkənin ictimai həyatının önəmli bir hissəsidir. Bəzi ölkələrdə bu, prioritet sayılır, Azərbaycandakı kimi. Bəzi ölkələrdə sayılmır. Amma mən hesab edirəm ki, biz düzgün yoldayıq. Çünki sağlam həyat tərzinin təbliğ edilməsi hər bir ölkə üçün önəmli olmalıdır.” Ölkə Prezidenti, Milli Olimpiya Komitəsinin Prezidenti İlham Əliyev ötən ilin idman yekunlarına həsr olunan mərasimdə Azərbaycanın idman ölkəsi kimi beynəlxalq aləmdə möhkəmlənən mövqeyindən geniş bəhs etdi.

İdman nailiyyətlərimizdə dövlətimizin bu sahəyə diqqət və qayğısı xüsusi önə çəkilir. “Sevindirici hal ondan ibarətdir ki, bu gün idmanla məşğul olmaq üçün bütün imkanlar var” söyləyən dövlət başçısı İlham Əliyev qeyd etdi ki, bölgələrdə 50-yə yaxın Olimpiya İdman Kompleksi yaradılıb və bu proses davam etdirilir: “Yay Olimpiya Oyunlarına hazırlığın son mərhələsindəyik. 2023-cü il bir çox parametrlər üzrə həlledici il olacaqdır. Ona görə bizim bütün idman ictimaiyyətimiz, nazirlik, Milli Olimpiya Komitəsi, federasiyalar, klublar, idman cəmiyyətləri, əlbəttə, əsas istiqaməti bunda görməlidirlər ki, Azərbaycan Yay Olimpiya Oyunlarında da öz gücünü təsdiqləsin.”

Ölkəmizdə idmanın kütləviliyini təmin etmək üçün biri-birindən mühüm addımlar atılır. Hər bir uğur keçilən yolun təhlilini bir zərurət kimi ortaya qoyur. Ulu öndər Heydər Əliyevin 1993-cü ildə xalqın təkidli tələbi ilə hakimiyyətə qayıdışından sonra digər sahələrdə olduğu kimi, idmanın inkişafı da dövlət siyasətinin prioritet istiqamətlərindən birinə çevrildi. Ümummilli Liderin düşünülmüş və məqsədyönlü siyasəti nəticəsində ölkəmizin iqtisadi imkanlarının artması bütün sahələrdə mühüm addımların atılmasını şərtləndirdi. İdman obyektləri yaradıldı. Məhz həmin dövrdən başlayaraq, Azərbaycanın idman ölkəsinə çevrilməsi, beynəlxalq aləmdə tanınması və Olimpiya hərəkatına qoşulması prosesi geniş vüsət aldı. Qısa zamanda həyata keçirilən tədbirlər nəticəsində idmançılarımızın uğurları artmağa başladı və Azərbaycan tədricən güclü idman ölkələrinin sırasına daxil oldu. Cənab İlham Əliyevin Milli Olimpiya Komitəsinin Prezidenti seçilməsindən sonra ölkəmizdə Olimpiya hərəkatı və idmanın inkişafı yeni mərhələyə qədəm qoydu.

Son 19 ildə Prezident İlham Əliyevin uğurlu siyasəti nəticəsində Azərbaycan öz liderliyini qoruyur. Cənab İlham Əliyevin çağırışına uyğun olaraq ölkəmiz qazandığı uğurlarla kifayətlənmir, daim irəli baxır.

Dövlət başçısı İlham Əliyevin qeyd etdiyi kimi, Azərbaycanda idmanın inkişafı ardıcıl xarakter daşıyır. Nəsillər dəyişir, ancaq uğurlarımız sabit qalır. Nəsillər dəyişdikcə görkəmli idmançılarımızın təcrübəsi gənc idmançılara təhvil verilir. Azərbaycanda yetişən gənc idmançılar bizim idman şöhrətimizi bundan sonra da yüksəklərdə saxlayacaqlar.

Əsas çağırışlar sırasında bu məqam xüsusi qeyd edilir ki, gənc idmançıların hazırlanması mütəşəkkil qaydada təmin edilməlidir. Son zamanlar bu sahədə daha məqsədyönlü fəaliyyət də göz önündədir. Bölgələrdə keçirilmiş çoxsaylı tədbirlər gəncləri, uşaqları, yeniyetmələri idman bölmələrinə cəlb etmək üçün daha böyük imkanlar yaradacaq. Son vaxtlar Bakı şəhərinin parklarının bir neçəsində açıq havada idmanla məşğul olmaq üçün şərait yaradılıb. Bu təcrübə bütün bölgələrə şamil olunacaq. Ölkə Prezidenti İlham Əliyevin qeyd etdiyi kimi, idman hər bir ölkənin ictimai həyatının önəmli bir hissəsidir. Çünki sağlam həyat tərzinin təbliğ edilməsi hər bir ölkə üçün önəmli olmalıdır.

Anar Nəbiyev

YAP Qazax rayon təşkilatının sədri

Paylaş:

Baxılıb: 500 dəfə