YAP Nizami rayon təşkilatında Zərifə xanım Əliyevanın xatirəsini anma mərasimi keçirilib

Bakı:

14 °C

77 %

8 m/s

Əlaqə

AZ RU EN

Ana səhifə / YAP xəbərləri / YAP Nizami rayon təşkilatında Zərifə xanım Əliyevanın xatirəsini anma mərasimi keçirilib

YAP Nizami rayon təşkilatında Zərifə xanım Əliyevanın xatirəsini anma mərasimi keçirilib

22.04.2011 [09:30]

Sədaqət Vəliyeva: Zərifə xanım Əliyevanın zəngin elmi irsi, oftalmologiyanın müxtəlif sahələri üzrə apardığı tədqiqatlar, qazandığı nailiyyətlər, yaratdığı fundamental əsərlər Azərbaycan tibb elminin tarixinə parlaq səhifələr kimi yazılıb
Dünən Yeni Azərbaycan Partiyası (YAP) Nizami rayon təşkilatında görkəmli oftalmoloq alim, akademik Zərifə xanım Əliyevanın xatirəsini anma mərasimi keçirilib.
Tədbir iştirakçıları əvvəlcə Fəxri Xiyabana gələrək ümummilli lider Heydər Əliyevin məzarı önünə gül dəstələri düzüb, xatirəsini ehtiramla yad ediblər. Görkəmli oftalmoloq alim, akademik Zərifə xanım Əliyevanın məzarı üzərinə əklil qoyulub, xatirəsinə ehtiram göstərilib.
Akademik Zərifə xanım Əliyevanın xatirəsini anma tədbiri YAP Nizami rayon təşkilatının qərargahında davam etdirilib.
Əvvəlcə oftalmoloq alim, akademik Zərifə xanım Əliyevanın xatirəsinə həsr olunmuş film nümayiş etdirilib.
Sonra YAP Nizami rayon təşkilatının sədri, Milli Məclisin deputatı Sədaqət Vəliyeva Zərifə xanım Əliyevanın oftalmologiya elminin inkişafındakı xidmətlərindən söz açıb. S.Vəliyeva deyib ki, Zərifə xanım Əliyevanın zəngin elmi irsi, oftalmologiyanın müxtəlif sahələri üzrə apardığı tədqiqatlar, qazandığı nailiyyətlər, yaratdığı fundamental əsərlər Azərbaycan tibb elminin tarixinə parlaq səhifələr kimi yazılıb.
Zərifə xanım Əliyevanın oftalmologiya elminin inkişafındakı xidmətlərindən danışan Nizami rayon İcra Hakimiyyətinin başçısının müavini Gülnaz İsrafilova qeyd edib ki, görkəmli alim aktual mövzulara həsr edilmiş tədqiqatlar aparıb, bir sıra göz xəstəliklərinin müalicəsinə, o cümlədən, Azərbaycanda traxomanın kökünün kəsilməsinə böyük əmək sərf edib, xəstəliyin müxtəlif mərhələlərinin öyrənilməsi və müalicə metodlarının tapılması məqsədi ilə dəyərli elmi tədqiqatlar aparıb.
Görkəmli oftolmoloq alimin tələbəsi, Milli Oftoliologiya Mərkəzinin elmi işçisi Daqmara Məmmədova Zərifə xanım Əliyevanın zəngin və mənalı ömür yolundan danışıb. O, deyib ki, vaxtilə Əziz Əliyevin ailəsində görüb-götürdükləri ölkənin birinci şəxsinin xanımı olduğu zamanlarda köməyinə çatıb. Zərifə xanım Əliyeva qədirbilən övlad, məşhur alim, istedalı insan, sədaqətli ömür yoldaşı və qayğıkeş ana idi.
Alimin yüksək insani keyfiyyətlərindən danışan YAP Nizami rayon təşkilatının Qadınlar Şurasının sədri Sevda Abdullayeva bildirib ki, Zərifə xanım Əliyeva ləyaqətli, humanist, xeyirxah, mehriban insan olub. Peşəsində qazandığı uğurlar da bu xüsusiyyətləri ilə bağlıdır. Xeyirxahlıq onun həyat tərzi idi. Akademik Zərifə xanım Əliyevanın fitri istedada malik novator alim, pak və nəcib bir insan kimi yaşadığı mənalı ömür yolu hər bir Azərbaycan vətəndaşı, hər bir alim və həkim üçün həyat və mənəviyyat dərsi, kamillik və müdriklik məktəbidir.
çıxış edən Bakı Dövlət Universitetinin tələbəsi Xəyalə Əsgərli isə qeyd edib ki, Zərifə xanım Əliyeva müasir müstəqil Azərbaycan dövlətinin memarı və qurucusu, ömrünü Vətəninin və xalqının tərəqqisinə həsr etmiş dahi şəxsiyyətin, ümummilli lider Heydər Əliyevin vəfalı ömür-gün yoldaşı, sədaqətli dostu və etibarlı silahdaşı olub.
RAMİL

Paylaş:

Baxılıb: 1224 dəfə